චීනයේ විදුලි වාහන (EV) නිෂ්පාදකයෙකු වන Xpeng සමාගම සිය "පියාඹන" මෝටර් රථ නිෂ්පාදනය ලබන වසරේදී ආරම්භ කිරීමට අපේක්ෂා කරන බව එම සමාගමේ සභාපති බ්‍රයන් ගු (Brian Gu) රොයිටර් පුවත් සේවයට පවසා ඇත.

ශ්‍රී ලංකා මහා භාණ්ඩාගාරය විසින් විදේශ ණය ප්‍රතිව්‍යුහගත කිරීමෙන් අනතුරුව අදාළ වාරික ගෙවීමේදී සිදු වූ බව කියන මූල්‍ය අක්‍රමිකතාව, සංවිධානාත්මක සයිබර් අපරාධකරුවන් පිරිසක් විසින් සිදු කරන ලද්දක් බවත්, ඒ සඳහා ආණ්ඩුවේ කිසිදු පාර්ශ්වයක සම්බන්ධයක් නොමැති බවත් මුදල් නියෝජ්‍ය අමාත්‍ය අනිල් ජයන්ත මහතා අවධාරණය කරයි.

ශ්‍රී ලංකා මහා භාණ්ඩාගාරය විසින් විදේශ රටකට ගෙවීමට තිබූ ඇමරිකානු ඩොලර් මිලියන 2.5 ක මුදලක්, සයිබර් හැකර්වරයෙකුගේ ගිණුමකට බැරවීමේ සිද්ධිය සම්බන්ධයෙන් අදහස් දක්වමින් ජනාධිපති නීතිඥ මෛත්‍රී ගුණරත්න මහතා පසන්නේ මේ සම්බන්ධයෙන් ජනාධිපතිවරයා වගකිව යුතු බවයි.

ට්‍රම්ප් පරිපාලනයේ නාවික හමුදා ලේකම් ජෝන් ෆෙලන් සිය ධූරයෙන් ඉල්ලා අස්වන බව පෙන්ටගනය නිවේදනය කර ඇත.

ඒෂියා බ්‍රෝඩ්කාස්ටිං කෝපරේෂන් (පුද්ගලික) සමාගම (හිරු ටීවී) විසින් පසුගියදා විකාශය කරන ලද පුවතක් සම්බන්ධයෙන් ඉදිරිපත් වූ එන්තරවාසියකට පිළිතුරු දෙමින්, එම පුවතේ වූ තාක්ෂණික දෝෂ නිවැරදි කර ඇති බවත්, අදාළ පාර්ශවයට කිසිදු ද්වේෂසහගත චේතනාවකින් තොරව එම වාර්තාකරණය සිදු කළ බවත් එම ආයතනය අවධාරණය කරයි.

අමෙරිකා එක්සත් ජනපදය සහ ඊශ්‍රායලය විසින් සිදුකරනු ලබන "නිර්ලජ්ජිත සටන් විරාම උල්ලංඝනය කිරීම්" හේතුවෙන් හෝමුස් සමුද්‍ර සන්ධිය විවෘත කිරීමට "නොහැකි" බව ඉරානය සඳහන් කර තිබේ.

විදේශ රටකට ණයක් ලෙස ගෙවූ ඇමරිකා ඩොලර් ලක්ෂ 25ක් පරිගණක හැකර්කරුවකුගේ ග්‍රහණයට නතුවී ඇතැයි විපක්ෂ නායක සජිත් ප්‍රේමදාස මහතා පැවැසීය.

පාස්කු ප්‍රහාරය සිදුවී කාලයක් ගතවන විට ප්‍රහාරකයා පවා වින්දිතයකු වූ බවත්, සහරාන්ලා ප්‍රහාරයට පැමිණීමට පෙර සිදුකළ දිවුරුමක් දැක්වෙන වීඩියෝවක් පාස්කු ප්‍රහාරයට පසු මාධ්‍ය මගින් ප්‍රදර්ශනය කිරීමේ දී එම ප්‍රහාරයට හේතුව ඔවුන් හෙළිකර ඇති බවත් ගෝලීය ශ්‍රී ලංකා සංසදයේ විධායක ලේකම් යසස් ධර්මදාස මහතා පවසයි.

මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය යටතේ පවතින විදේශ සම්පත් දෙපාර්තමේන්තුවේ පරිගණක පද්ධතියට සයිබර් හැකර්වරුන් පිරිසක් අනවසරයෙන් ඇතුළු වී ඇති බව එම අමාත්‍යාංශය නිල වශයෙන් නිවේදනය කර සිටියි.