මාසික මිල සංශෝධනයට අනුව ඉන්ධන මිල අඩුවුවත් බස් ගාස්තුවේ වෙනසක් සිදුනොවන බව ජාතික ගමනාගමන කොමිෂන් සභාව ප්‍රකාශ කරයි.

විරෝධතා පෙත්සමක් ලබාදීම සදහා ඒකීය රාජ්‍යය සහ රණවිරුවන් සුරැකීමේ සංවිධාන එකමුතුව අද මෙරට ස්විට්සර්ලන්ත තානාපති කාර්යාලයට පැමිණ තිබූ අතර, එහිදී අදහස් දක්වමින් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පාවසුවේ එක්සත් ජාතීන්ගේ මානව හිමිකම් කවුන්සිලයේ 60 වන සැසිවාරය පැවැත්වෙමින් ඇති පසුබිමක දෙමළ ඩයස්පෝරාව සහ එල්.ටී.ටී.ඊ හිතවාදීන් තමන්ගේ ප්‍රතිරූපය ප්‍රවර්ධනය කිරීම සඳහා විශාල ව්‍යාපෘතියක් දියත්කර ඇති බවයි.

බඩඉරිඟු ගෙන්වීමේ ගැටලුවක් හේතුවෙන්, ශ්‍රී ලංකා ත්‍රිපෝෂ සමාගමට සිය නිෂ්පාදන කටයුතු තාවකාලිකව නවතා දැමීමට සිදුව තිබේ.

කොළඹ පාරිභෝගික මිල දර්ශකයෙහි වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය, 2025 සැප්තැම්බර් මාසයේ දී 1.5%ක් දක්වා වැඩි වී ඇති බව ජනලේඛන සහ සංඛ්‍යාලේඛන දෙපාර්තමේන්තුව පවසයි.

බුදුදහම මූලික කරගත් දේශීය සංස්කෘතියට ගරු කරන ශ්‍රී ලංකාව වැනි රටක නිර්ලජ්ජිත සම ලිංගික සේවනය ප්‍රචලිත කිරීමට උත්සාහ දරන පුද්ගලයන්ට තරයේම විරුද්ධ වන බවත් මෙරට ගණිකා කලාපයක් නොකරන ලෙස සියලු බලධාරීන්ගෙන් ඉතා කාරුණිකව ඉල්ලා සිටින බවත් ජාතික සාමුහිකයේ ක්‍රියාකාරි සාමාජික ආචාර්ය සුපුන් අනුරුද්ධ ජයසිංහ මහතා පැවසීය.

ඇමරිකානු ජනාධිපති ඩොනල්ඩ් ට්‍රම්ප් දැනටමත් රුසියාව තුළ යුක්රේන දිගු දුර ප්‍රහාර අනුමත කර තිබිය හැකි බව විශේෂ නියෝජිත කීත් කෙලොග් පසුගිය 28 වනදා ෆොක්ස් නිවුස් සමඟ පැවති සම්මුඛ සාකච්ඡාවකදී පැවසීය.

නිල වාර්තා ව්‍යාජ ලෙස සකස් කිරීමේ සිට රජය විසින් නිකුත් කරන ලද විදේශ ගමන් බලපත්‍රයක් නීති විරෝධී ලෙස භාවිතා කිරීම දක්වා බරපතල චෝදනා උපුටා දක්වමින්, පාර්ලිමේන්තුවේ උසස් තනතුරු කමිටුවේ දැදි විරෝධයෙන් පසුව, H.M.V.B. විජිත බණ්ඩාර හේරත් රාජ්‍ය තාන්ත්‍රික තනතුරකට නම් කිරීම අත්හිටුවා තිබේ.

පොලිසියට අලුතින් බඳවා ගත් නිලධාරීන්ගෙන් 15-20%ක පමණ පිරිසක් මත්ද්‍රව්‍යවලට ඇබ්බැහි වී සිටින බව මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා පවසයි.

හිටපු ජනාධිපති ගෝඨාභය රාජපක්ෂගේ ආණ්ඩුව සමයේ සෙවනගල සීනි කර්මාන්ත ශාලාව ලාභ ලැබූ බව ජාතික නිදහස් පෙරමුණේ නායක විමල් වීරවංශ පවසයි.