මියන්මාරය, නේපාලය, භූතානය, චීනය සහ බංග්ලාදේශයට මායිම්ව පිහිටි ඉන්දියාවේ ඊසානදිග කලාපයේ කඩාකප්පල්කාරී ක්‍රියාකාරකම් සම්බන්ධයෙන් සහ මියන්මාරයේ කැරලිකරුවන් සමඟ සබඳතා පැවැත්වීම යන කරුණු හේතුවෙන් මාර්තු 13 වන සිකුරාදා යුක්රේනියානුවන් හය දෙනෙකු සහ ඇමරිකානු පුරවැසියෙකු ඉන්දියාවේ ත්‍රස්ත විරෝධී ඒජන්සිය විසින් අත්අඩංගුවට ගෙන ඇතැයි වාර්තා වේ.

ඉරාක ඉස්ලාමීය සන්නද්ධ කණ්ඩායම් එක්සත් ජනපදය විසින් මෙහෙයවනු ලැබූ ප්‍රහාරයකින් එර්බිල් හි හරිර් කඳවුරේ තීරණාත්මක ස්ථාන තුනක් විනාශ කර ඇති අතර එමඟින් ඇමරිකානු හමුදා ක්‍රියාකාරකම් තියුනු ලෙස පසු බෑමට ලක්ව ඇති බව තස්නිම් පුවත් සේවය පවසයි.

ලෝක වෙළඳපොලේ මිල ඉහළ යාම සැලකිල්ලට ගෙන ඉරාන තෙල් සඳහා පනවා තිබූ සම්බාධක තාවකාලිකව ඉවත් කිරීමට අමෙරිකාව තීරණය කර තිබේ.

අමෙරිකා එක්සත් ජනපදය, ඊශ්‍රායලය සහ ඉරානය අතර ගැටුම යනුවෙන් මෙම යුද්ධය බොහෝදෙනා හැඳින්වුවද මෙය ගැටුමක් නොව මෙය ආක්‍රමණයක් බව ජ්‍යෙෂ්ඨ මාධ්‍යවේදී මොහාන් සමරනායක මහතා පවසයි.

ඉරානයට එරෙහිව ඇමරිකා එක්සත් ජනපදය සහ ඊශ්‍රායලය එක්ව මෙහෙයවන යුද්ධය විසින් මතුකර තිබෙන මානුෂීය අර්බුදය, දේශපාලන හා ආර්ථික අර්බුදය පිළිබඳව විශ්ලේෂණාත්මක විමසීමක් සිදු කිරීමේ අරමුණින් ජාතික නිදහස් පෙරමුණ විසින් සංවිධානය කරන ලද "ලේ සහ කඳුළු ඇතුළත කතාව" යුධ විරෝධී ප්‍රදර්ශනය සහ සම්මන්ත්‍රණය ඊයේ (19) ශ්‍රී ලංකා පදනම් ආයතනයේදී පැවැත්විණි.

ඉරානයට ඉහළින් පියාසර කරමින් තිබූ දෙවන F-35 ප්‍රහාරක ජෙට් යානය විනාශ කිරීම පිළිබඳව පලවන මෑත කාලීන මාධ්‍ය වාර්තා මෙතෙක් තහවුරු කර නොමැති බව ඉරාන බලධාරින් පවසා ඇතැයි ඉරාන තස්නිම් ප්‍රවෘත්ති ඒජන්සිය පවසයි.

සන්නිවේදන ක්ෂේත්‍රයේ සමහර විශේෂිත කණ්ඩායම් ඊශ්‍රායල හමුදාවේ ආරක්ෂිත සන්නිවේදනයට අදාළ කේත බිඳ දැමීමෙන් පසු ඊශ්‍රායලයේ යුද කළමනාකරණය අර්බුදයකට මුහුණ දී සිටින බව ඉරාන ප්‍රවෘත්ති ඒජන්සි වාර්තා පවසයි.

විදුලිබල මණ්ඩලය විසිරුවාහැර, විදුලි බිල වැඩිකර, ඉන්ධන මිල වැඩිකර ආණ්ඩුව අධිරාජවාදී උවමනාවන් ඉටුකරන මාවත ඔස්සේ ගමන්කරමින් සිටින බවත්, ඉන්ධන විදුලියට පමණක් නොව ජල සම්පතටත් ආණ්ඩුව විනකැටීමට සූදානම් වන බවත් ජ්‍යෙෂ්ඨ නීතිඥ කල්‍යානන්ද තිරාණගම මහතා පවසයි.

මැදපෙරදිග යුද තත්ත්වය සම්බන්ධයෙන් ආණ්ඩුව ගනුලබන පියවරවල පවතින දුප්පත්කම සහ මෙම යුද තත්ත්වය ඇති වීමටත් පෙර සිට මෙරට බලශක්ති ක්ෂේත්‍රයේ වංචා දුෂණ සහ ආණ්ඩුවේ ගජමිතුරු ව්‍යාපාරිකයන්ගේ අවශ්‍යතා ඉටුකිරීම මෙන්ම රනිල් වික්‍රමසිංහ මහතා ආරම්භ කළ විදුලිබල මණ්ඩලය පෞද්ගලීකරණය කිරීමේ වැඩපිළිවෙල මේ ආණ්ඩුව විසින් ඉදිරියට ගෙනයාම නිසා රටේ අර්බුද ගණනාවක් මේ වන විට මතුව ඇති බව දේශහිතෛෂී ජාතික ව්‍යාපාරයේ මහලේකම් වෛද්‍ය වසන්ත බණ්ඩාර මහතා පවසයි.