ජාතික සංවිධාන ලෙස මේ රටේ දේශපාලනය තුළ විවිධ දේශපාලන නායකයන්, විවිධ දේශපාලන පක්ෂ හා විවිධ කණ්ඩායම් සමග දීර්ඝ කාලයක සිට වැඩකර ඇති බවත්, එම සෑම අවස්ථාවක දීම ජාතික සංවිධානවලට තිබුනේ එකම අරමුණක් බවත්, ඒ මේ රට ආරක්ෂා කරගත යුතුය යන අරමුණ බවත් නීතිඥ නුවන් බැල්ලන්තුඩාව මහතා පවසයි.

2024 මැයි මස 16 වන දින ඇමෙරිකානු රාජ්‍ය දෙපාර්තමේන්තු මගින් ප්‍රකාශයට පත්කරන ලද ත්‍රස්තවාදයට අනුබල දෙන රාජ්‍ය ගොන්නට කියුබානු රාජ්‍යයද ඇතුළත් කර ඇති බවත්, කිසිඳු විද්‍යාත්මක සොයාබැලීමකින් තොරව හුදු පවිටු උවමනාව මත මෙය සිදුකර ඇති බවත් පෙන්වා දෙමින් ජාතික සංවිධාන එකමුතුව විසින් මෙරට අමෙරිකානු තානාපතිනි ජුලි චන්ග් මැතිණියට ලිපියක් යොමුකර තිබේ.

ගෝලීය ශ්‍රී ලාංකික සංසදයේ මූලිකත්වයෙන් ජාතික න්‍යායපත්‍රයක මූලාරම්භය (ජාතියට එක් න්‍යායපත්‍රයක්) සම්මුතිය අත්සන් තැබීම ඉකුත් 27 වන දා දින ජාතික පුස්තකාල සේවා මණ්ඩල ශ්‍රවනාගාරයේ දී සිදුවිය.

සමගි ජන බලවේගයේ හට ගෙන තිබෙන අභ්‍යන්තර ගැටුම් හමුවේ දේශපාලන පක්ෂ දෙකක් ඉවත්ව යාමට කල් බලමින් සිටින බව වාර්තා වේ.

අනවරත අරගලයක් යනු මේ රටේ උරුමයක් බවත්, මේ රටේ ජාතික අනන්‍යතාව වෙනුවෙන් හැමදාමත් දිවිපිදූ පිරිසක් ආරම්භයේ සිටම සිටි බවත් මහාචාර්ය පූජ්‍ය මැදගොඩ අභයතිස්ස හිමියෝ පවසති.

ජාතික සංවිධාන දීර්ඝ කාලයක සිට ක්‍රියාකළේ රට තුළ ජාතික මතය පෝෂණය කිරීමට මිස කිසියම් පුද්ගලයකු බලයට ගෙන ඒමට නොවන බවත්, සූර්යා වටා ග්‍රහලෝක කැරකෙන විට සමහර ග්‍රහයින් සූර්යා ළඟින් ගිය ද සූර්යා ග්‍රහයින් ළඟට නොයන බව හා සූර්යා ළඟින් එම ග්‍රහයා යන විට එම ග්‍රහයා සිටින්නේ සූර්යා සමග බව කෙනෙකුට සිතෙන්නට ඉඩ ඇති බවත් මහාචාර්ය පූජ්‍ය ඉඳුරාගාරේ ධම්මරතන හිමියෝ පවසති.

දක්ෂිණාංශික ලිබරල්වාදය සහ වාමාංශික ලිබරල්වාදය යන "දේශපාලන නිවුන් සොහොයුරන්" එකටතබා පැරදවිය හැකි මේ රටේ එකම දේශපාලන කඳවුර වන ජාතිකවාදී දේශපාලන කඳවුරට නායකත්වය සපයන්නා ලෙස "සර්වජන බලය" නව දේශපාලන සන්ධානය කටයුතු කරනු ඇති බවත් ඉහත කී "දේශපාලන නිවුන් සොහොයුරන්" එකටතබා පරදවන "දේශපාලන පිංකම" සිදු කිරීමට "සර්වජන බලය" සමඟ රොද බැඳගන්නා ලෙස මේ රටේ සියලුම සැබෑ ජාතිකවාදීන්ට ඇරයුම් කරන බවත් උත්තර ලංකා සභාගයේ සභාපති, ජාතික නිදහස් පෙරමුණේ නායක විමල් වීරවංශ මහතා අවධාරණය කරයි.

බෙදුම්වාදී , අධිරාජ්‍යවාදී බලවේග කුමණ සැලසුම් තැනුවද මෙරට ජාතික ව්‍යාපාරය මරාදැමිය නොහැකි බවත්, එසේ මරාදැමීමට ද ඉඩ නොතබන බවත් පිවිතුරු හෙළ උරුමයේ නායක නීතිඥ උදය ගම්මන්පිල මහතා පවසයි.

මව්බිම ජනතා පක්ෂයේ නායක දිලිත් ජයවීර ඇතුළු දේශපාලන පක්ෂ සහ සිවිල් සංවිධාන එකාබද්ධව විවේචන, විසඳුම් සහ පොරොන්දු වෙනුවට උපායමාර්ගික වැඩපිළිවෙලක් යන තේමාව යටතේ “සර්ව ජන බලය” නමින් නව දේශපාලන සන්ධානයක් (27) ආරම්භ කෙරිණි.