ප්‍රජාතන්ත්‍රවාදී රටක ඕනෑම පක්ෂයකට හෝ පක්ෂ එකතුවකට මැතිවරණයක දී බලය ඉල්ලිය හැකි බවත්, බලය ලබාගැනීමට පෙර ජනතාවට බොහෝ යහපත් පොරොන්දු ලබාදුන්නද බලය ලබාගත් පසු ජනවරමට පිටුපා තීන්දු තීරණ එම පක්ෂ විසින් ගැනීමේ දී එයට එරෙහිව විපක්ෂය සහ සිවිල් සංවිධාන වගකීමෙන් යුතුව ක්‍රියාකළ යුතු බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

වතු කම්කරුවන්ට රුපියල් 200ක දෛනික දිරි දිමනාව රජය විසින් ලබාදීම හරහා ගැටලුකාරී තත්ත්වයක් මතුවන බව කොළඹ විශ්ව විද්‍යාලයේ ආර්ථික විද්‍යා අංශයේ මහාචාර්ය ප්‍රියංග දුණුසිංහ මහතා සඳහන් කරයි.

මෙවර අයවැයෙන් ජනතා බදු මුදලින් පාර්ලිමේන්තු මන්ත්‍රීන්ට වාහන ගෙන්වීමට රුපියල් මිලියන 12,500ක් වෙන් කළ රජය, වෛද්‍යවරුන්ගේ ප්‍රවාහන ගැටලු විසඳීමට කිසිම අවධානයක් යොමු කර නැතැයි, රජයේ වෛද්‍ය නිලධාරීන්ගේ සංගමය චෝදනා කරයි.

ජාතික නිදහස් පෙරමුණේ නායක, හිටපු පාර්ලිමේන්තු මන්ත්‍රී විමල් වීරවංශ මහතා ඊයේ (10) බත්තරමුල්ල සිය පක්ෂ කාර්යාලයේ පුවත්පත් සාකච්ඡාවක් කැදවමින් විශේෂ කරුණු දෙකක් හෙළිදරව් කළේය. ඉන් පළමුවැන්න වූයේ ලබන 21 වැනිදා නුගේගොඩ මංසන්ධියේ පවත්වන “විපක්ෂයේ ඒකාබද්ධ රැලියට” ජාතික නිදහස් පෙරමුණ හැටියට තම පක්‍ෂය සහභාගි නොවන බවට මේ වන විටත් නිවේදනයක් නිකුත් කරමින් රටට දන්වා ඇති බවයි.

ඉන්දියාවේ නවදිල්ලි නුවර ජනාකීර්ණ ප්‍රදේශයක ඊයේ(10) සිදුවූ මෝටර් රථ පිපිරීමකින් පුද්ගලයින් අට දෙනෙකු මිය ගොස් තවත් බොහෝ ගණනක් තුවාල ලබා ඇති බව වාර්තා වී තිබේ.

ජනාධිපතිරයා විසින් ඉදිරිපත් කරන ලද අයවැය මගින් වෙනත් බොහෝ ක්ෂේත්‍රවලට සහන ලබාදීමට උත්සාහ කළත් නිෂ්පාදන අර්ථිකයට ඍජුවම දායකත්වය ලබාදෙන, ගොවීන්ට සහන ලබානොදුන් මුට්ටකාසි පන්නයේ අයවැයක් බව ජාතික ගොවිජන එකමුතුවේ සභාපති අනුරාධ තෙන්නකෝන් මහතා පැවසීය.

අද (10) සිදු වූ තලාව බස් අනතුරින් මෙවර අපොස උසස් පෙළට පෙනි සිටි සිසුවෙකු ජීවිතක්ෂයට පත්ව ඇති බව වාර්තා වේ.

රුපියල් බිලියන හතළිහක් වැය කරමින් ඩීසල් ඩබල් කැබ් රථ 1,775ක් මිලදී ගැනීමට රජය ගත් උත්සාහය, මේ වන විට ජාතික ප්‍රසම්පාදන වංචාවක් ලෙස පුපුරා ගොස් ඇති අතර, එය ශ්‍රී ලංකාවේ රාජ්‍ය නිලධාරීන්ගේ ඉරණම තීරණය කරන තීරණාත්මක සන්ධිස්ථානයක් බවට පත්ව තිබේ.

වඩා වැදගත් වන්නේ ජනාධිපතිවරයා අයවැය ඉදිරිපත් කිරීමේ දී සිටගෙන සිටි පැය ගණන නොවන බවත්, වඩා වැදගත් වන්නේ එම අයවැය යෝජනාවලියේ ගමන කුමක්ද යන්න බවත් ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා පවසයි.