ඊශ්‍රායල ප්‍රහාරක යානා සිරියාවේ ඩැමස්කස් අගනුවරට එල්ල කළ ප්‍රහාරයකින් ඉරානයේ ජ්‍යෙෂ්ඨ අණදෙන නිලධාරියෙකු මිය ගිය බව ඊයේ(25) ඉරාන ඨස්නිම් පුවත් පත වාර්තා කළේය. ඔහු නමින් ජෙනරාල් සෙයිද් රාසි මූසාවි වන අතර ඉරානයේ ප්‍රභූ ඉස්ලාමීය විප්ලවවාදී ආරක්ෂක බළකාය (IRGC) කියා සිටියේ ජෙනරාල් සෙයිද් රාසි මූසාවි ඊශ්‍රායල විරෝධී “ප්‍රතිරෝධී පෙරමුණට” සහාය දැක්වීම සඳහා සිරියාවේ කටයුතු කළ බවයි.

මොස්කව් පරිපාලන්ය “මිත්‍රශීලී නැතැයි” සලකන ජාතීන්ගේ නායකයින්ට මේ වසරේ ජනාධිපති ව්ලැඩිමීර් පුටින්ගේ සම්ප්‍රදායික අලුත් අවුරුදු සහ නත්තල් සුබ පැතුම් එවන්නේ නැති බව ක්‍රෙම්ලිනයේ ප්‍රකාශක දිමිත්‍රි පෙස්කොව් සෙනසුරාදා TASS පුවත් සේවය වෙත පසමින් අවධාරණය කර සිටියේ රුසියාවේ මිතුරන්ට සහ සංධානගත රාජ්‍ය වල නායකයන්ට පමණක් අලුත් අවුරුදු සුභ පැතුම් පණිවිඩ රුසියාවෙන් ලැබෙනු ඇති බවයි.

රුසියානු අග්‍රාමාත්‍ය මිහායිල් මිෂුස්ටින්ට අනුව දෙරට අතර අතර සියලුම ගනුදෙනු මේ වන විට රුබල් සහ යුවාන් වලින් පමණක් සිදු කරන බැවින් බටහිර මුදල් ඒකක රුසියානු-චීන වෙළඳ ගනු දෙනු වලදී භාවිතය සම්පූර්ණයෙන්ම නවතා දමා ඇත.

පලස්තීන හමාස් ත්‍රස්ත කණ්ඩායම මුළුමනින්ම විනාශ කර ගාසා තීරයට කිසිදු තර්ජනයක් එල්ල නොවන තත්වයල් උදාවන තුරු හමාස් සංවිධානයට එරෙහි යුද්ධය දිගටම කරගෙන යන බවට ඊශ්‍රායල අගමැති බෙන්ජමින් නෙතන්යාහු ප්‍රතිඥා දී තිබේ.

එක්සත් ජාතීන්ගේ මහා මණ්ඩලය වෙත නාසිවාදය උත්කර්ෂයට නැංවීමට එරෙහිව රුසියාව විසින් කෙටුම්පත් කරන ලද යෝජනාවට ඊයේ(22) රටවල් 49ක් එරෙහිවී ඇති අතර රටවල් 118ක් යෝජනාව සම්මත කර ඇත.

අමෙරිකාවේ කොලරාඩෝ ප්‍රාන්ත ශ්‍රේෂ්ඨාධිකරණය විසින් හිටපු ජනාධිපති ඩොනල්ඩ් ට්‍රම්ප්ගේ 2024 ජනාධිපතිවරණ අපේක්ෂකත්වය අත්හිටුවා ඇති බව විදෙස් මාධ්‍ය පවසයි.

වයඹ දිග චීනයේ සිදුවූ භූ කම්පනයකින් මේ වන විට පුද්ගලයින් 110 දෙනෙකු මියගොස් ඇතැයි විදෙස් මාධ්‍ය පවසයි.

එක්සත් ජනපද නිවාස හා නාගරික සංවර්ධන දෙපාර්තමේන්තුව (HUD) විසින් ඊයේ (17) නිකුත් කරන ලද වාර්තාවකට අනුව, අමෙරිකානු ඉතිහාස්ය තුළ වෙන කවරදාටත් වඩා බොහෝ ඇමරිකානුවන්ට නිවාස අහිමි වී ඇත. උද්ධමනය, නිවාස හිඟය සහ කෝවිඩ්-19 වසංගතය තුළ අනුගමනය කරන ලද නෙරපා හැරීමේ ආරක්ෂණ පියවරයන් ආපසු හැරවීමට කටයුතු නොකිරීම මෙම ඉහළ යාමට හේතු වී ඇතැයි ඒජන්සිය පෙන්වා දෙයි.

ලෝක බැංකුවේ වාර්ෂික ජාත්‍යන්තර ණය වාර්තාවේ (IDR) දත්ත උපුටා දක්වමින් රුසියානු මාධ්‍ය ඊයේ (16) වාර්තා කළේ 2022 වර්ෂයේදී විදෙස් රාජ්‍යයන් රුසියාවට ගෙවිය යුතු විදේශ ණය ප්‍රමානය 9% කින් පමණ ඉහළ ගොස් ඇති බවයි.