තායිවානය සමඟ කිසිදු බලවේගයකට නොවැළැක්විය හැකි ලෙස යළි එක්වන බවට ෂී සපථ කරයි

Jan 1, 2025 at 03:12 PM

|

Lanka Leader

චීන ජනාධිපති ෂී ජින්පින් තායිවානය සම්බන්ධයෙන් එක්-චීන ප්‍රතිපත්තියේ වැදගත්කම නැවත වරක් අවධාරණය කර ඇති අතර, තායිවානය සමඟ යළි එක්වීම නැවැත්විය නොහැකි ක්‍රියාවලියක් බව පවසයි.

1949 චීන සිවිල් යුද්ධයෙන් පරාජයට පත් වූ බලවේග විසින් තායිවානයේ ස්වයං පාලනයක් ස්ථාපිත කරනු ලැබුවේය.දැනට තයිවානය ස්වාධීන යැයි පිළිගන්නා රටවල් අතළොස්සක් පමණක් වන අතර රුසියාව ඇතුළු බොහෝමයක් එම තයිවානය චීනයේ කොටසක් ලෙස බෙයිජිං සිටින ස්ථාවරය සමඟ සමගාමීව කටයුතු කරයි.

“තායිවාන් සමුද්‍ර සන්ධියේ දෙපස සිටින රටවැසියන් එක පවුලකි. කිසිවකුට අපගේ පවුල් බැඳීම් බිඳ දැමිය නොහැකි අතර, මාතෘභූමිය ජාතික යළි එක්සේසත් කිරීමේ ඓතිහාසික ප්‍රවණතාවය කිසිවකුට නැවැත්විය නොහැක,”චීන ජනපති ෂී රූපවාහිනී දේශනයකදී පැවසීය.

මෙම ක්‍රියාවලිය නොවැළැක්විය හැකි බවත්, දෙපාර්ශ්වයේම මිනිසුන් “පොදු අරමුණක් පිළිබඳ පොදු හැඟීමකින් බැඳී සිටිය යුතු අතර චීන ජාතියේ පුනර්ජීවනයේ මහිමයට හවුල් විය යුතු” බවත් රාජ්‍ය නායකයා අවධාරණය කළේය.

එක්සත් ජනපදය නිල වශයෙන් තායිවානය චීනයේ කොටසක් ලෙස පිළිගනිමින්, Oනෙ-ඡින ප්‍රතිපත්තියට අනුගත වුවද බීජිනයේ කෝපය අවුස්සමින් තායිපේහි ආණ්ඩුව සමග මිලිටරි සහයෝගීතාවයක නිරත වේ.

වොෂින්ටනය කලාපය මත ආතතීන් අවුස්සන බවට චෝදනා කරමින්, චීන ආණ්ඩුව තායිපේ වෙත එක්සත් ජනපද ආයුධ අලෙවි කිරීම යළි යළිත් හෙලා දැකීමට කටයුතු කර ඇත.

චීනය පසුගිය මාස කිහිපය තුළ මහා පරිමාණ යුධ අභ්‍යාස වට කිහිපයක් පැවැත්වීය. වොෂින්ටනය සහ බීජිං අතර සමතුලිත සම්බන්ධතාවයක් පවත්වා ගැනීම සඳහා එක්සත් ජනපදය ගරු කළ යුතු ප්‍රධානතම සාධක  අතර තායිවාන ප්‍රශ්නය තීරණාත්මක බව පසුගිය මාසයේ ෂී අවදාරණය කළේය.

චීන විදේශ අමාත්‍යාංශය මීට පෙර පැවසූවේ තායිවානයට එක්සත් ජනපදය ලබාදෙන සහාය 1982 අගෝස්තු 17 ප්‍රකාශය ප්‍රකාරව ඇති ප්‍රතිපාදන උල්ලංඝනය කරන බවයි. වොෂින්ටනය තායිවානයට ආයුධ විකිණීමේ දිගු කාලීන ප්‍රතිපත්තියක් අනුගමනය නොකරන බවට ප්‍රතිඥා දුන් අතර කාලයත් සමඟ ආයුධ අලෙවිය ක්‍රමයෙන් අඩු කිරීමට වොෂින්ටනයේ තිබෙන අභිප්‍රාය ප්‍රකාශ කළේය.