අමෙරිකාව 'තායිවානයේ ස්වාධීනත්වයට' ආධාර කිරීම 'ගින්දර සමඟ සෙල්ලම් කිරීමක්" එයින් එක්සත් ජනපදය පුළුස්සා දමනු ඇත!- චීන විදේශ අමාත්යාංශ පවසයි
පසුගිය 20 වන සිකුරාදා තායිවානයට ඩොලර් මිලියන 571.3 ක් වටිනා යුදමය වශයෙන් වැදගත් වන ආධාර සහ ඩොලර් මිලියන 295 ක් වටිනා යුද ආයුධ අලෙවි කිරීම අනුමත කිරීමට එක්සත් ජනපදය තීරණය කළේයැයි කියවෙන නිවේදනයට ප්රතිචාර වශයෙන්, චීන විදේශ අමාත්යාංශයේ ප්රකාශකයෙක් පසුගිය 22 වන ඉරිදා පවසා සිටියේ එම තීන්දුව චීනය දැඩි ලෙස හෙළා දකින බවයි. එලෙසම එක්සත් ජනපදයේ මෙම තීන්දුවට චීනය දැඩි ලෙස අප්රසාදය මෙන්ම දැඩි විරෝධය සෘජුවම පළ කරන බවද අවධාරණය කර සිටියේය.
චීන ප්රකාශකයාට අනුව එක්සත් ජනපදයේ මෙම පියවර එක්-චීන මූලධර්මය සහ චීන-එක්සත් ජනපද ඒකාබද්ධ ප්රකාශ ත්රිත්වය, විශේෂයෙන් 1982 අගෝස්තු 17 ප්රකාශය සහ චීනයේ ස්වෛරීභාවය සහ ආරක්ෂක අවශ්යතා උල්ලංඝනය කරන බවයි. මෙම තීරණය "තායිවානයේ ස්වාධීනත්වයට" සහය නොදැක්වීමේ එක්සත් ජනපද නායකයින්ගේ කැපවීම දැඩි ලෙස උල්ලංඝනය කිරීමක් වන අතර, "තායිවානයේ නිදහස" පිළිගැනීම බෙදුම්වාදී බලවේග වෙත බරපතල වැරදි සංඥාවක් ලබා දෙන බවද පෙන්වා දුන්නේය.
තායිවාන ප්රශ්නය චීනයේ මූලික අවශ්යතාවල හරය වන අතර, චීන-එක්සත් ජනපද සබඳතා වල පසු කර යා නොහැකි පළමු රතු රේඛාවයි. තායිවානය සන්නද්ධ කිරීමෙන් "තායිවානයේ ස්වාධීනත්වයට" ආධාර කිරීම හුදෙක් ගින්දර සමඟ සෙල්ලම් කිරීමට සමාන වන අතර එය එක්සත් ජනපදය ගින්නෙන් පිලිස්සීමට භාජනය වී චීනය පාලනය කිරීමට තායිවාන ප්රශ්නය භාවිතා කිරීම අසාර්ථක වනු ඇත. ඒ අනුව තායිවානයට ආයුධ සැපයීම වහාම නතර කරන ලෙසත්, තායිවාන සමුද්ර සන්ධියේ සාමය සහ ස්ථාවරත්වය අඩාල කරන භයානක පියවර නතර කරන ලෙසත් චීනය එක්සත් ජනපදයෙන් ඉල්ලා සිටින බව එම ප්රකාශකයා පැවසුවේය. ජාතික ස්වෛරීභාවය, ආරක්ෂාව සහ භෞමික අඛණ්ඩතාව දැඩි ලෙස ආරක්ෂා කිරීමට අවශ්ය සියලු ක්රියාමාර්ග චීනය ගන්නා බව එම ප්රකාශකයා අවධාරණය කළේය.
එක්සත් ජනපද ජනාධිපති ජෝ බයිඩන් තායිවාන් දූපත සඳහා ඩොලර් මිලියන 571.3 ක ආරක්ෂක ආධාර අනුමත කළ බව ධවල මන්දිරය පසුගිය 20 වනදා තහවුරු කළේය. එදිනම, එක්සත් ජනපදය ඩොලර් මිලියන 295 ක් පමණ වටිනා නාවික හමුදා යාත්රා සඳහා නවීකරණය කරන ලද උපායික දත්ත සම්බන්ධක පද්ධති සහ නාවික යාත්රා වල තුවක්කු සවිකිරීමට අවශ්ය රඳවන විකිනීමට හැකියාව ඇති බවද නිවේදනය කළේය.
එක්සත් ජනපද ආණ්ඩුව වෙනස් වීමට පෙර බයිඩන් පරිපාලනයේ නිරන්තර මිලිටරි විකුණුම් සහ ආධාර පියවර සැලසුම් කර ඇත්තේ තායිවානයේ ප්රශ්නය සම්බන්ධයෙන් ඔහුගේ ප්රතිපත්ති රාමුවට වඩාත් සමීපව අනුගත වන ලෙස මීළඟ පරිපාලනයට බලපෑම් කිරීමට බව චීන යුද විශේෂඥයෝ විශ්වාස කරති. කෙසේ වෙතත්, ඔවුන් තර්ක කරන්නේ මෙම පියවරයන් තායිවාන දිවයිනේ ආරක්ෂක හැකියාවන් කෙරෙහි සීමිත බලපෑමක් ඇති කරන නමුත් මූලික වශයෙන් එක්සත් ජනපද ආයුධ නිෂ්පාදකයින් පොහොසත් කිරීමට සේවය කරන බවයි.
AFP පුවත් සේවයට අනුව කෙටි ප්රකාශයක් නිකුත් කරමින් ධවල මන්දිරය නිවේදනය කළේ තායිවානයට සහය වීම සඳහා “ආරක්ෂක දෙපාර්තමේන්තුවේ ආරක්ෂක උපකරණ මෙන්ම සේවාවන් සහ හමුදා අධ්යාපනය සහ පුහුණුව ඩොලර් සඳහා මිලියන 571.3ක් දක්වා” වැය කිරීමට බයිඩන් අවසර දී ඇති බව පවසයි.
ඩොලර් මිලියන 571.3 ක මිලිටරි ආධාර පැකේජය පිළිබඳ විස්තර එම කෙටි ප්රකාශයෙන් හෙළිදරව් කර නැත. එය මේ වසරේ සැප්තැම්බර් 30 සහ 2023 ජූලි 28 වැනි දින ප්රකාශයට පත් කරන ලද ඩොලර් මිලියන 567 සහ ඩොලර් මිලියන 345 ආධාරයට පසුව ජෝ බයිඩන් තායිවනයට එවැනි යුද ආධාර පිරිනැමූ තුන්වන අවස්ථාව වන්නේය.
ඩොලර් මිලියන 571.3 ක ආරක්ෂක ආධාර වල සමන්විත වන්නේ කුමක් ද යන්න පිළිබඳ තොරතුරු එක්සත් ජනපදය හෙළි නොකළේ මන්දැයි චීන හමුදා විශේෂඥයෙකු වන සොන්ග් ෂොංපිං ප්රශ්න කළේය. තායිවාන අධිකාරියට මිලදී ගැනීම සඳහා ඇමක් ලෙස ආධාර ලබා දී ඇති බව ඔහු පැවසීය. "එය හරියට මම ඔබට පැණිරස ටිකක් දී එයට සමගාමීව ඔබ මුදල් වියදම් කරනවා වගේ." ඔහු පෙන්වා දුන්නේය.
මිට පෙර මේ වසරේ සැප්තැම්බර් මාසයේ පළ වු සවුත් චයිනා මෝනිං පෝස්ට් පුවත්පතේ පලවූ වාර්තාවකට අනුව, තායිවාන් දූපතට ලබා දුන් “ප්රයෝජනයට ගත නොහැකි” එක්සත් ජනපද හමුදා උපකරණ අතර පුස් බැඳුනු සන්නාහ සහ කල් ඉකුත් වූ පතොරම් පිළිබඳ ප්රශ්නය පිළිබඳව සොයා බලන බව තායිවාන බලධාරීන් පවසා තිබුණි.
අමෙරිකාව තායිවානයට නැව්ගත කර තීබූ ශරීර සන්නාහ තහඩු 3,000 කට වැඩි ප්රමාණයක් ජලයෙන් හානි වී තිබුණු අතර පැලට් 120 ක් සහ “තෙත බරිත වී පුස්වලින් වැසී තිබූ” උපායශීලී කබා 500 ක් ඇතුළත් වූ බව තායිවානය විසින් පැමිණිළි කිරීමෙන් පසු පරීක්ෂණයක් දියත් කළ බව එක්සත් ජනපද පොලිස්පති කාර්යාලය නිලධාරීහු පැවසුහ.
එක්සත් ජනපද රජය පසුගිය 20 වනදා නිවේදනය කළේ මිලිමීටර් 76 ඔටෝකැනන් සහ ලින්ක්-16 පද්ධතිය සඳහා අමතර කොටස් තායිවානය වෙනුවෙන් වැඩිදියුණු කළ බවත් එහි වටිනාකම ඩොලර් මිලියන 295 ක් පමණ වන බවත්ය.
මිලිමීටර් 76 ඔටෝකැනන් සහ වැඩි දියුණු කරන ලද ලින්ක්-16 පද්ධතිය යන දෙකම තායිවාන් දූපතේ පවතින සටන් හැකියාවන් පවත්වා ගැනීමට පමණක් යොදාගත හැකි බවත් තායිවාන හමුදාවේ ප්රහාරක හැකියාවන්ට සැලකිය යුතු දියුණුවක් ලබා නොදෙන බව සොන්ග් මාධ්ය වෙත අදහස් දක්වමින් පැවසීය.
ලින්ක්- 16 යනු NATO සාමාජිකයින් විසින් භාවිතා කරන මිලිටරි උපායික දත්ත ජාලයක කොටසකි. එය ගුවන් යානා, නැව් සහ ගොඩබිම් පාදක වාහනවලට තත්ය කාලීන උපායශීලී තොරතුරු පෙළ, රූපය හෝ කටහඬ මගින් බෙදා ගැනීමට ඉඩ සලසන බව මාධ්ය වාර්තා කළේය. මිලිමීටර් 76 ඔටෝකැනන් යනු තායිවානයේ නාවික හමුදාව විසින් භාවිතා කරන ලද නාවුක තුවක්කු වර්ගයක් ලෙස හැඳින්වේ.
"එක් දෙයක් පැහැදිලියි. ඇමරිකානු ආයුධ වෙළෙන්දන්ට විශාල මුදලක් ගෙවිය යුතු වනවා මෙන්ම, මෙම මිලිටරි මිලදී ගැනීම් සඳහා මිල බොහෝ විට වෙළඳපල මිලට වඩා බෙහෙවින් වැඩි නිසා තායිවානයට සැලකිය යුතු වියදම් දැරීමට සිදු වෙනවා. මේ ගනුදෙනුවෙන් මූලික වශයෙන් ඇමරිකානු ආයුධ නිෂ්පාදකයින්ට ප්රතිලාභ ලැබෙනවා." සොන්ග් පැවසීය.
20 වනදා ප්රකාශයට පත් කරන ලද මිලිටරි අලෙවිය එක්සත් ජනපද රාජ්ය දෙපාර්තමේන්තුව විසින් තායිවානයට ඩොලර් මිලියන 385 ක් පමණ වටිනා F-16 ජෙට් සහ රේඩාර් සඳහා අමතර කොටස් විකිණීම අනුමත කර මාසයකටත් අඩු කාලයක් තුල සිදුවන බව පෙන්ටගනය නොවැම්බර් 29 දා ප්රකාශ කළේය.
දෙසැම්බර් 5දා, චීනයේ තායිවාන කලාපයට ආයුධ අලෙවි කරන බවට එ.ජ. නිවේදනයට ප්රතිචාර වශයෙන් චීනය එක්සත් ජනපද මිලිටරි සමාගම් 13කට සහ ජ්යෙෂ්ඨ විධායකයින් හය දෙනෙකුට එරෙහිව ප්රතික්රියා කරනු ලැබීය.
තායිවාන ප්රශ්නය චීනයේ අභ්යන්තර කටයුත්තක් වන අතර එය චීනයේ මූලික අවශ්යතාවල හරය වන්නේය. එය තරණය කළ නොහැකි චීන-ඇමරිකා සබඳතාවල පළමු රතු රේඛාවයි. ජාතික ස්වෛරීභාවය සහ භෞමික අඛණ්ඩතාව ආරක්ෂා කිරීමට චීන ජනතාව අධිෂ්ඨාන කරගෙන සිටින බව චීන රජයේ ජාතික ආරක්ෂක අමාත්යාංශයේ ප්රකාශක Zhang Xiaogang පසුගිය 21 වනදා චීනයේ හමුදා සහ ආරක්ෂක වර්ධනයන් පිළිබඳ පෙන්ටගන වාර්තාවට ප්රතිචාර දක්වමින් පැවසීය.
එක්සත් ජනපදය තායිවානය සමඟ මිලිටරි සබඳතා තීව්ර කරමින්, එක්-චීන මූලධර්මය බරපතල ලෙස උල්ලංඝනය කරන ආයුධ අලෙවිය සහ මිලිටරි ආධාර හරහා තායිවාන දූපත සන්නද්ධ කිරීම වේගවත් කරමින් සිටියි. මෙය "තායිවාන් බෙදුම්වාදයේ" උඩඟුකමට ඉන්ධන සපයනු ලබන ක්රියාවක් වන අතර තායිවාන සමුද්ර සන්ධියේ ආතතීන් උත්සන්න කරන ගැටුම් හා යුද්ධයට තුඩු දිය හැකි ක්රියාවක් බව ෂැං පැවසීය.
"තායිවාන නිදහස" නම් සංකල්පය තුළ ඇති බෙදුම්වාදයේ අන්ත අන්තරාය හඳුනා ගැනීමට, ගින්න සමඟ සෙල්ලම් කිරීමේ බරපතල ප්රතිවිපාක තේරුම් ගැනීමට, තායිවානය සමඟ ඇති නිල හුවමාරුව නැවැත්වීමට එක්-චීන මූලධර්මය සහ චීන-එක්සත් ජනපද ඒකාබද්ධ ප්රකාශ තුනේ විධිවිධානවලට අනුකූල වන ලෙස චීනය එක්සත් ජනපදයෙන් ඉල්ලා සිටී. එලෙසම තායිවාන දූපත සමඟ හමුදා සම්බන්ධතා, සහ "තායිවාන ස්වාධීනත්වය" සටන්පාඨ ඔසවා ගෙන යන බෙදුම්වාදී බලවේගවලට අනුබල දීම සහ සහාය දීම නතර කිරීම සැලකිල්ලට ගෙන එක්සත් ජනපදය වැරදි මාවතක ගමන් නොකළ යුතු බව ෂැං සඳහන් කළේය.
තායිවාන දූපතට අලෙවි කරන ලද එක්සත් ජනපදයේ නිෂ්පාදිත M1A2T යුද ටැංකිවල පළමු කණ්ඩායම දෙසැම්බර් 15 වන දින Kaohsiung හි තිබෙන යුද ටැංකි වලට අවශ්ය උපාංග සහ උපකරණ පැමිණීමෙන් පසුව තායිපේ වෙත පැමිණි බව වාර්තා වේ. නමුත් චීන ප්රධාන භූමියේ හමුදා විශේෂඥයෙකු පැවසුවේ, මාධ්ය හොරණෑවක් ලෙස කටයුතු කරමින් තායිවාන දිවයිනෙහි "භූමියේ ඇති බලවත්ම සටන් වාහනය" ලෙස හඳුන්වා දී ඇති බවයි. නමුත් දූපත් සටන් සඳහා මෙම යුද උපකරණ ඉතා විශාල හා බර ඒවා වන අතර එය ඩ්රෝන යානා සහ හෙලිකොප්ටර් ප්රහාර සඳහා පහසු ඉලක්ක ලෙස පමණක් සේවය කරනු ඇත .
තායිවාන දූපතේ "ආරක්ෂක අමාත්යාංශය" විසින් එක්සත් ජනපදයෙන් "භූමියේ ඇති බලවත්ම සටන් වාහනය" තමන්ට ලැබුණු බවට කරන ලද ප්රකාශය සම්බන්ධයෙන් කරන ලද විමසීමකට ප්රතිචාර වශයෙන්, චීන විදේශ අමාත්යාංශයේ ප්රකාශක Lin Jian දෙසැම්බර් 16 දා පැවසුවේ, චීනය එක්සත් ජනපදය සහ තායිවාන දිවයිනට එක්සත් ජනපද ආයුධ විකිණීමට විරුද්ධ වනවා මෙන්ම ඔවුන් අතර පවතින මිලිටරි සබඳතාවලට දැඩි ලෙස විරුද්ධ බවයි. මේ සම්බන්ධයෙන් චීනයේ ස්ථාවරය පැහැදිලි ලෙස පවතින බවද ලින් අවධාරණය කරයි.
සාම්ප්රදායිකව,අමෙරිකානු ජනාධිපතිවරුන්ගේ ධූර කාලය අවසන් වීමට නියමිත එක්සත් ජනපද ජනාධිපතිවරු සැලකිය යුතු රාජ්ය තාන්ත්රික පියවර ගැනීමෙන් වැළකී සිටිති. එහෙත් බයිඩන් පරිපාලනය විසින් තායිවානයට ආයුධ විකිණීම හෝ ආධාර කිරීම නිතර නිතර අනුමත කර ඇති අතර, තායිවානයේ ප්රශ්නය සම්බන්ධයෙන් ඔහුගේ ප්රතිපත්තිවලට අනුකූල වන ලෙස මීළඟ පරිපාලනයට බලපෑම් කිරීමේ උත්සාහයක් පෙන්නුම් කරන බව චීන විදේශ කටයුතු විශ්ව විද්යාලයේ මහාචාර්ය ලී හයිඩොං පසුගිය 21 වනදා මාධ්ය වෙත පැවසීය.
මීළඟ අමෙරිකානු පරිපාලනය බයිඩන් විසින් සකස් කරන ලද රාමුවෙන් බැහැර වීමට නම්, බයිඩන් ගේ ප්රතිපත්ති යටතේ නිර්මාණය කරන ලද අභියෝගවලට විසඳුම් සෙවීමට සැලකිය යුතු උත්සාහයක් ගත යුතු වනු ඇති බව ලින් පැවසීය.
තවද, තායිවාන ප්රශ්නය භාවිතා කරමින් චීනයට මුහුණ දීමට වොෂින්ටනයේ උත්සාහයන් තීව්ර කිරීම බයිඩන් පරිපාලනයේ නිරන්තර පියවරයන් අරමුනු කර ඇති බව ලී ප්රකාශ කළේය. තායිවාන් දූපතට වඩා ප්රධාන භූමියට ඇති මිලිටරි වාසිය ඉතා පැහැදිලිය, එක්සත් ජනපදය දැන් තායිවාන කලාපයට ආයුධ ඉතා උනන්දුවෙන් අලෙවි කරන්නේ එබැවිනි. මෙය බිඩෙන් පරිපාලනයේ දැඩි අවුල්සහගත බව පිළිබිඹු කරන බව ලින් පැවසීය.
සම්බන්ධිත පුවත් | Related News
ප්රධාන පුවත්
ඉරාන යුද්ධයට වැඩි අරමුදල් ඉල්ලා එක්සත් ජනපදයේ යුද ලේකම්ත් සෙනෙට් ඩිමොක්රටික් සභිකයන්ගේ දැඩි ප්රශ්න කිරීම්වලට ලක්වේ
කියෙව් පාලනය දැඩි අර්බුදයක: ශ්රී ලංකාවේ රුසියානු තානාපති කාර්යාලයෙන් විශේෂ නිවේදනයක්
හිටපු නාවික හමුදාපති රවීන්ද්ර විජේගුණරත්නට ඇප..
ආණ්ඩුව මගින් පාවාදීම් ඉටුකර ගැනීම සහ ඉන් පසුව ආණ්ඩුව පලවා හැරීමේ සූක්ෂම වැඩපිළිවෙල ගැන වෛද්ය වසන්ත බණ්ඩාරගෙන් අනාවරණයක්.. (වීඩියෝ)
ඉස්ලාම් අන්තවාදී තර්ජන ගැන සලේ 2016 දී ආරක්ෂක මණ්ඩලය දැනුවත් කරලා.. - ඉහළ ප්රධානියෙක් එය නොසලකා හැරලා..
"කැරපොත්තන්ගේ" අරගලයේදී රාහුල් ගාන්ධි අත්අඩංගුවට – ජනතා විරෝධය හේතුවෙන් ගාන්ධිට නිදහස
ඉරානයේ ඉස්ලාමීය විප්ලවවාදී ආරක්ෂක බලකාය කුවේට්හි ඇමරිකානු රේඩාර්, චන්ද්රිකා සන්නිවේදන පද්ධති සහ ගුවන් යානා අංගනවලට දැවැන්ත ප්රහාරයක් එල්ල කරයි!
ආණ්ඩුවේ ලිංගික ඇරියස් පාසල් පද්ධතිය තුළට රිංගවීමේ උත්සාහයක්..
සෞදි අරාබියාවේ දහම් පාසල තානාපති අනින් නවත්වයි.. - ඇමති විජිත ඊට එකඟයි..
ත්රිකුණාමල තෙල් ටැංකි සංකීර්ණය සංවර්ධනයට අන්තර්ජාතික ලංසු කැඳවීමට සැරසේ..
ස්වයංක්රීය AI නියෝජිතයෙක් ප්රධාන AI ආකෘති ගබඩාවකට ප්රහාරයක් එල්ල කරයි!
හිටපු පොලිස්පති අබිරහස් මරණය සියදිවි නසා ගැනීමක්ද? ඝාතනයක්ද? අත්වැරැදීමක්ද? (වීඩියෝ)
ශ්රී ලංකාව කියන්නේ ඉන්දියාවේ දොරකඩ තියෙන බරක් නෙවෙයි; ඉන්දීය සාගරය මධ්යයේ පිහිටි වටිනා වත්කමක්.. - ඉන්දියාවේ ශ්රී ලංකා මහ කොමසාරිස්වරියගෙන් ප්රබල ප්රකාශයක්
ජනාධිපතිට පෞද්ගලිකව නඩු පවරන්න බැහැ - මෛත්රී, රනිල්, අනුරට එරෙහි පෙත්සමට ශ්රේෂ්ඨාධිකරණය දුන් තීන්දුව මෙන්න..
ඉන්දියාවේ 'කැරපොතු ජනතා පක්ෂය' දිල්ලි නුවර වටලයි.. විරෝධතාකරුවන් පාර්ලිමේන්තුව දෙසට..
ඉරාන මිසයිල ප්රහාර හමුවේ ඇමරිකානු ගුවන් ආරක්ෂක පද්ධති අකාර්යක්ෂමයි – අමෙරිකානු මාධ්ය