සෞදියේ අල් සෞද් කුමරු ගුවන් අනතුරකින් මිය යයි

Dec 8, 2023 at 08:51 AM

|

Lanka Leader

සෞදියේ තලාල් බින් අබ්දුල් අසීස් බින් බන්ඩාර් අල් සෞද් කුමරු වයස අවුරුදු 62 දී මිය ගිය බව සෞදි රාජාණ්ඩුව ඊයේ(7) නිවේදනය කළේය. අරාබි මාධ්‍ය වාර්තා වලට අනුව කුමාරයා ගුවන් අනතුරකින් මිය ගිය බව පැවසේ.

සෞදි රාජකීය අධිකරණය කෙටි ප්‍රකාශයක් නිකුත් කරමින් කුමරුගේ අභාවය නිවේදනය කරමින් පවසා සිටියේ මියගිය රාජකීයයා වෙනුවෙන් අවමංගල්‍ය යාඥාවන් රියාද්හි ඉමාම් තුර්කි බින් අබ්දුල්ලා මුස්ලිම් පල්ලියේදී සිදුකරන බවයි.

තලාල් බින් අබ්දුල් අසීස් කුමරු බන්ඩාර් කුමරුගේ පුත්‍රයා වන අතර පළමු සෞදි රජු වන අබ්දුලාසීස් රජුගේ මුනුපුරා විය. 1961 දී උපත ලද ඔහු රාජකීය සෞදි ගුවන් හමුදාවේ ලුතිනන් කර්නල්වරයෙකු වූ අතර 2004 සිට 2012 දක්වා සෞදි බුද්ධි ඒජන්සිය වන ඝෛඵ් හි සහකාර බුද්ධි ප්‍රධානියා ලෙස සේවය කළේය.

අධිකරණයේ ප්‍රකාශය මගින් මරණයට හේතුව හෙළි නොකළ අතර, ලෙබනනයේ අල් මාෂාඩ් ප්‍රවෘත්ති ආයතනය වාර්තා කළේ ඊයේ(7) උදෑසම ගුවන් හමුදාව සමඟ කළ පුහුණු අභ්‍යාසයක් අතරතුර ඔහුගේ F-15 ප්‍රහාරක ජෙට් යානය කඩා වැටීමෙන් කුමරු මිය ගිය බවයි.

අබ්දුල්අසීස් කුමරු විවාහ වී සිටින්නේ නජ්ලා බින්ට් සාඩ් බින් මොහොමඩ් අල් සෞද් සමඟය.

ඔහුගේ එක් පුතෙකු වන තලාල් බින් අබ්දුලාසීස් කුමරු 2011 මැයි 26 දින සාරා බින්ට් ෆාඩ් සමඟ විවාහ විය. ඇය සල්මාන් රජුගේ වැඩිමහල් පුත්‍රයා වූ ෆහාඩ් බින් සල්මන් කුමරුගේ දියණියයි. ඔවුන්ගේ විවාහ උත්සවය 2011 ජූලි 2 දින මර්බෙල්ල   හිදී පැවැත්විණි.තලාල් කුමරු රාජකීය සෞදි ගුවන් හමුදාවේ ලුතිනන් කර්නල්වරයෙකු වූ අතර 2023 දෙසැම්බර් 7 වන දින සෞදි රාජ්‍යයේ නැගෙනහිර පළාතේ සිදු කළ පුහුණු මෙහෙයුමක් අතරතුර  හමුදා ගුවන් යානයක් අනතුරට ලක්වීමෙන් මිය ගියේය.