පසුගිය වසර 02 තුළ පමණක් නව නීති 75ක් සම්මත කර ගැනීමට රජය කටයුතු කළ බව ජනාධිපති රනිල් වික්‍රමසිංහ මහතා පවසයි.

බලවත් පුද්ගලයන් විසින් ඩොලර් බිලියන 56ක් විදේශ බැංකු ගිණුම්වල තැන්පත්කර ඇති බව රනිල් රාජපක්ෂ ආණ්ඩුවේ අධිකරණ අමාත්‍ය විජයදාස රාජපක්ෂ මහතා බරපතළ හෙළිදරව්වක් කර ඇති බවත්, මේ වසරේ ගතවූ මස 5ක කාලය තුළ අමෙරිකානු ඩොලර් බිලියන 9ක් එම ඩොලර් බිලියන 56 තුළට අදාළ බවත් ජානිපෙ ජාතික සංවිධායක, පාර්ලිමේන්තු මන්ත්‍රී ජයන්ත සමරවීර මහතා පවසයි.

කේ ඩී ලාල්කාන්ත, මහින්ද ජයසිංහ, රන්ජන් ජයලාල් ඇතුළු විරෝධතාකරුවන් පිරිසකට එරෙහිව මාළිගාකන්ද අධිකරණය විසින් නියෝගයක් නිකුත් කර තිබේ.

ගෝලීය ශ්‍රී ලාංකික සංසදයේ මූලිකත්වයෙන් සහ සියලුම ජාතික සංවිධානවල සහභාගීත්වයෙන් 'රටේ ඉරණම වෙනස් කිරීමේ මූලාරම්භය, ජාතික න්‍යය පත්‍රයක මූලාරම්භය' සම්මුතිය අත්සන් තැබීම 2024 - 05 - 27 වන දින සවස 3.30 ට ජාතික පුස්තකාල සේවා මණ්ඩල ශ්‍රවණාගාරයේ දී පැවැත් වේ.

ඊළඟට පත්වන නායකයා ඉලක්ක කර සැකසූ සැලසුම් මිස රට ගොඩ නැගීම සඳහා අවශ්‍ය උපායමාර්ගික සැලසුම් මෙරට දේශපාලන කරළිය තුළ සාකච්ඡා නොවූ බවත්, මෙරටට අවශ්‍ය සිස්ටම් චේන්ජ් එකක් නොව සුසමාදර්ශී වෙනසක් බවත් පිරිපුන් දේශයක් සංවිධානයේ සභාපති ආනන්ද දේවසිංහ මහතා පවසයි.

කොවිඩ්-19 වෛරසයට එරෙහිව ඇස්ට්‍රාසෙනෙකා එන්නත ලබාගත් කිසිවකු හෝ අනියත බියක් ඇති කරගත යුතු නැතැයි ජාතික ඖෂධ නියාමන අධිකාරියේ සභාපති විශේෂඥ වෛද්‍ය ආනන්ද විජේවික්‍රම පවසයි.

වසරේ ගත වූ කාලසීමාව තුළ ලාදුරු රෝගීන් 264ක් අලුතින් හඳුනාගෙන ඇති බව ලාදුරු මර්දන ව්‍යාපාරය පවසයි.

ගාසා තීරයේ සිදුකරන ජන සංහාරයට එරෙහිව වහා සටන් විරාමයක් ප්‍රකාශයට පත්කරන ලෙස ඊශ්‍රායලයට බලකරන, යුද ආධාර නවතා දමන ලෙස අමෙරිකාවට බලකරන "අවි වෙනුවට රෝස" යන මැයෙන් සාමකාමී පාගමනක් ලෝක යුද විරෝධී සන්ධානය මගින් පැවැත්වීමට කටයුතු යොදා තිබේ.

ගාල්ල බන්ධනාගාරයේ කාන්තා නියාමකවරියක් ඝාතනය කිරීම සඳහා ජේලර්වරියක් රැඳවි කාන්තාවකට කොන්ත්‍රාත්තුවක් ලබාදුන් බව කියන සිද්ධිය සම්බන්ධයෙන් පරීක්ෂණයක් පවත්වන ලෙසට ගාල්ල ප්‍රධාන මහෙස්ත්‍රාත් ඉසුරු නෙත්තිකුමාර මහතා ඊයේ (14දා) ගාල්ල පොලිසියට නියෝග කළේය.