ලෝක බැංකුව නිකුත් කළ ‘ශ්‍රී ලංකා සංවර්ධන ඇගයුම’ නම් නවතම වාර්තාවේ දක්වා ඇත්තේ ආර්ථික ව්‍යුහයේ සිදුකරන අඛණ්ඩ ප්‍රතිසංස්කරණ (ආර්ථිකයේ ව්‍යුහාත්මක ප්‍රතිසංස්කරණ) මත ශ්‍රී ලංකාවේ ආර්ථික ස්ථායිතාව පවත්වා ගැනීම රඳාපවතින බවයි.

ජනාධිපතිවරණයට තරග කළ අපේක්ෂකයන්ට මැතිවරණ ප්‍රචාරක ආදායම් වියදම් වාර්තා ඉදිරිපත් කිරීමට ලබාදී තිබූ කාලසීමාව අදින් (13 දා) අවසන් වන බව මැතිවරණ කොමිසම සඳහන් කරයි.

මධ්‍යම අපරාධ බුද්ධි විශ්ලේෂණ කාර්යංශයේ නව අධ්‍යක්‍ෂවරයා ලෙස පත් වූ හිටපු ජ්‍යෙෂ්ඨ පොලිස් අධිකාරි ශානි අබේසේකර මහතාගේ ප්‍රධානත්වයෙන් පාස්කු ප්‍රහාර විමර්ශනය ඇතුළු පසුගිය කාලසීමාවේ දේශපාලන බලපෑම් මත යටගැසූ අපරාධ ගණනාවක විමර්ශන නැවත ආරම්භ කිරීමට තීරණය කර ඇත.

2015 ආන්දෝලනාත්මක බැඳුම්කර ගනුදෙනුව, පාස්කු ප්‍රහාරය ඇතුළු නඩු 7කට අදාළ පරීක්ෂණ කඩිනම් කරන ලෙසට මහජන ආරක්ෂක අමාත්‍යාංශය වැඩබලන පොලිස්පතිවරයාට උපදෙස් දී ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ නිහාල් තල්දූව මහතා පවසයි.

පසුගිය ආණ්ඩුවල හිටපු මැති ඇමැතින් ගණනාවක් සිය වත්කම් උපයාගත් ආකාරය සම්බන්ධයෙන් විශේෂ පරීක්ෂණයක් අල්ලස් හෝ දූෂණ විමර්ශන කොමිෂන් සභාව විසින් ආරම්භ කර ඇත.

ජනාධිපති අනුර කුමාර දිසානායක සහ අගමැති හරිණි අමරසුරිය අත්අඩංගුවට ගතහැකි මට්ටමේ නිලධාරීන් අපරාධ පරීක්ෂණ දෙපාර්තමේන්තුවේ සිටින බව ජනමාධ්‍යවේදී තරිඳු ජයවර්ධන මහතා අනාවරණය කළේය.

අරලියගහ මන්දිරයට යාබද කොල්ලුපිටිය මුස්ලිම් පල්ලියේ සිට රොටුන්ඩා වටරවුම දක්වා දිවෙන මාර්ගය යළි මහජනතාව සඳහා විවෘත කිරීමත් සමග, එම මාර්ගය දෙපස තිබූ ආරක්ෂක කුටි කොළඹ මහ නගරසභාව විසින් අද (11) ඉවත් කළේය.

සමගි ජන බලවේගයේ ගම්පහ දිස්ත්‍රික් නාමයෝජනා ලැයිස්තුවේ සිය නම ඇතුළත්ව තිබුණත් තමා මෙවර මහ මැතිවරණයට තරග නොකරන බව එම පක්ෂයේ හිටපු පාර්ලිමේන්තු මන්ත්‍රී අජිත් මාන්නප්පෙරුම මහතා පැවසීය.

මෙරට තුළ දිනකට සියදිවි නසාගැනීමේ සිදුවීම් 8ක් පමණ වාර්තා වන බව ශ්‍රී ලංකා වෛද්‍ය සංගමය අනාවරණ කළේය.