අභියාචනාධිකරණ විනිසුරුවරුන්ගේ විශ්‍රාම වයස ඉහළ නැංවීම සඳහා යෝජිත ආණ්ඩුක්‍රම ව්‍යවස්ථා සංශෝධනය වහාම ඉල්ලා අස්කර ගන්නා ලෙස ලංකා සභාව (ශ්‍රී ලංකාවේ ඇංග්ලිකන් සභාව) ජනාධිපතිවරයාගෙන් සහ අමාත්‍ය මණ්ඩලයෙන් ඉල්ලා තිබේ.

පාර්ලිමේන්තු කතානායක ජගත් වික්‍රමරත්න මහතාට එරෙහිව එල්ල වී ඇති දූෂණ සහ වංචා චෝදනා සම්බන්ධයෙන් විධිමත් විමර්ශනයක් පවත්වන ලෙස ඉල්ලමින් පිවිතුරු හෙළ උරුමය පක්ෂය අද (30) අල්ලස් හෝ දූෂණ විමර්ශන කොමිෂන් සභාව වෙත පැමිණිල්ලක් ඉදිරිපත් කළේය.

ජාතික පුස්තකාල හා ප්‍රලේඛන සේවා මණ්ඩලයේ සභාපති ලෙස කටයුතු කළ ප්‍රවීණ සාහිත්‍යවේදී රත්න ශ්‍රී විජේසිංහ මහතා අගෝස්තු 05 වන දින සිට සිය ධුරයෙන් ඉල්ලා අස්වී තිබේ.

නව ජනතා පෙරමුණේ නායක සුගීෂ්වර බණ්ඩාර ලබන එළැඹෙන 12 වනදා දක්වා යළි රක්ෂිත බන්ධනාගාර ගතකරන ලෙස කොටුව මහෙස්ත්‍රාත් අධිකරණය අද (30) නියෝග කළේය.

එළඹෙන වසරේ ජනවාරි දක්වා වූ කාලය තුළ ශ්‍රී ලංකාවේ ලක්ෂ 10ත් 15ත් අතර ජනගහනයකට පෝෂ්‍යදායී ආහාර වේලක් ලබා ගැනීම සඳහා මානුෂීය ආධාර අත්‍යවශ්‍ය වනු ඇති බව සාගත පිළිබඳ පූර්ව අනතුරු ඇඟවීමේ පද්ධති ජාලය (FEWS NET) වාර්තා කරයි.

තමන් මින් ඉදිරියට කිසිදු ලෙසකින් නැවත දේශපාලනයට පැමිණෙන්නේ නැති බව රංගන ශිල්පිනී දමිතා අබේරත්න පවසයි.

ඉන්දියාවේ සිදුවූ කැරපොත්තන්ගේ අරගලයේ සැඟවුනු බොහෝ තොරතුරු තවමත් කරළියට පැමිණ නැති බවත්, ශ්‍රී ලංකාවේ සිදුවූ අරගලයේ ද තවමත් බොහෝ තොරතුරු සැඟවී පවතින බවත් ජ්‍යෙෂ්ඨ මාධ්‍යවේදී මොහාන් සමරනායක මහතා පවසයි.

මැදපෙරදිග ස්ථානගත කර සිටින අමෙරිකානු හමුදාවන් ඉලක්ක කරගනිමින් ඉරානය එල්ල කළ හදිසි ප්‍රහාරවලට ප්‍රතිචාර වශයෙන්, ඉරානයට එරෙහිව ප්‍රබල හමුදා මෙහෙයුමක් දියත් කළ බව අමෙරිකානු මධ්‍යම අණදෙන මධ්‍යස්ථානය නිවේදනය කරයි.

ශ්‍රේෂ්ඨාධිකරණ සහ අභියාචනාධිකරණ විනිසුරුවරුන්ගේ විශ්‍රාම යෑමේ වයස් සීමාව දීර්ඝ කිරීමට රජය ගෙන ඇති යෝජනාව සම්බන්ධයෙන් ජාතික ජන බලවේගය තුළ මතභේද සහ බෙදීම් පවතින බවට පැතිර යන ප්‍රකාශ අධිකරණ අමාත්‍ය හර්ෂණ නානායක්කාර ප්‍රතික්ෂේප කළේය.