අර්ජුන් මහේන්ද්‍රන් කරපු කුප්ප හොරකම නන්දලාල් වීරසිංහ ඊටත් වඩා හොඳින් කරනවා.. - විමල්ගෙන් මහ බැංකු අධිපතිට ප්‍රබල චෝදනාවක්

Oct 29, 2025 at 03:24 PM

|

Lanka Leader

අර්ජුන් මහේන්ද්‍රන් ඉතිහාසගත වුයේ පොලී අනුපාත කෘත්‍රිමව අඩුකර ඇලෝසියස්ලාට වාසිදායක වන භාණ්ඩාගාර බැඳුම්කර මිලදී ගැනීමට පොට පාදා දීමෙන් බවත්, දැන් අර්ජුන් මහේන්ද්‍රන්ගේ දේශීය ආත්මය වන වර්තමාන මහ බැංකු අධිපති නන්දලාල් වීරසිංහ අර්ජුන් මහේන්ද්‍රන් ආරම්භ කළ ඒ කැත මෙහෙයුම  ඊටත් වඩා කැත ලෙස කරගෙන යමින් සිටින බවත් ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා චෝදනා නගයි.

අර්ජුන් මහේන්ද්‍රන් භාණ්ඩාගාර බැඳුම්කර නිකුත් කරන විට ඇලෝසියස්ලාට ගැනීමට පොටපාදා දුන් බවත්, නන්දලාල් වීරසිංහ මහ බැංකු අධිපතිවරයා විසින් බංකොලොත් වූ රටේ මහ බැංකුව විසින් භාණ්ඩාගාර බැඳුම්කර නිකුත් කරන විට තමන්ම ලබා ගන්නා බවත් ඒ මහතා පවසයි.

අර්ජුන් මහෙන්ද්‍රන් කළේ පට්ට හොරකමක් නම්, ඒ හොරකම වර්තමාන මහ බැංකු අධිපතිවරයා ඊටත් වඩා හොඳින් සිදුකරමින් සිටින බවටත් ඔහු චෝදනා නගයි.

දූෂණයන් පිළිබඳව ඉතාම බරපතළ ප්‍රකාශයන් සිදුකරමින් බලයට පත්වූ කණ්ඩායමක් බලයේ සිටියදී සිදුකළ යුත්තේ පැවති ආණ්ඩුවල දූෂණයන් පමණක් සොයාබැලීම පමණක් නොව ඒවාට එරෙහිව පියවර ගන්නවා සේම මේ මොහොතේ සිදුවන දූෂණ ඔවුන්ට නතර කිරීමට හැකි විය යුතු බව 

අද පැවති මාධ්‍ය හමුවකදී ඒ මහතා වැඩිදුරටත් පැවසුවේ මේ මොහොතේ බැඳියාවන් අතර ගැටුම් ඇතිවන දේ සිදුකරන පුද්ගලයන් තනතුරුවලින් පහකිරීමට ඔවුන්ට හැකි විය යුතු බවයි.

මහ බැංකුව යනු රටේ මූල්‍ය පාලනයේ ප්‍රධානම තැන බවත් එතැන සිටින ප්‍රධානියා දූෂිත තත්ත්වයකට පත්වෙලා නම් ඒ සම්බන්ධයෙන් තීන්දු තීරණ ගැනීම ආණ්ඩුවේ වගකීම බවත් ඒ මහතා පෙන්වා දෙයි.