පොලිස්පතිගේ සහ දකුණු පළාත භාර ජ්යෙෂ්ඨ නියෝජ්ය පොලිස්පතිගේ කීර්ති නාමයට හානි කරන්න ආධාර කළැයි SDIG ට එරෙහිව CID විමර්ශන..
පොලිස් දෙපාර්තමේන්තුවේ අතිශය රහසිගත සංවේදී තොරතුරු යූටියුබ් මාධ්යකරුවන්ට ලබාදී පොලිස්පතිවරයාගේ සහ දකුණු පළාත භාර ජ්යෙෂ්ඨ නියෝජ්ය පොලිස්පතිවරයාගේ කීර්ති නාමයට හානි වන ආකාරයේ මඩ ප්රවෘත්ති නිර්මාණය කර ප්රචාරය කිරීම සඳහා ආධාර අනුබල දුන් බවට එල්ල වී ඇති චෝදනා සම්බන්ධයෙන් පොලිස්පතිවරයාට පහළින් ඉන්නා ජ්යෙෂ්ඨත්වයෙන් ඉහළම තැනක සිටින ජ්යෙෂ්ඨ නියෝජ්ය පොලිස්පතිවරයකුට එරෙහිව අපරාධ පරීක්ෂණ දෙපාර්තමේන්තුව විමර්ශන ආරම්භ කර ඇත.
මෙම ජ්යෙෂ්ඨ නියෝජ්ය පොලිස්පතිවරයා යූටියුබ්කරුවන් සමග මේ පිළිබඳව සාකච්ඡා කරමින් ඔවුන්ට උපදෙස් ලබා දෙන හඬපට රැසක් ද මේ වනවිට විමර්ශන නිලධාරීන් වෙත ලැබී තිබේ.
මේ සම්බන්ධයෙන් පොලිස්පති ප්රියන්ත වීරසූරිය මහතා විසින් ජාතික පොලිස් කොමිසමට පැමිණිල්ලක් ද කර ඇති අතර විමර්ශන පවත්වන අපරාධ පරීක්ෂණ දෙපාර්තමේන්තුව වෙත ප්රකාශයක් ලබාදීමට ද කටයුතු කර ඇත.
යූටියුබ් මාධ්යවේදියකු වන විමල් ජයසේකර මහතා විසින් අපරාධ පරීක්ෂණ දෙපාර්තමේන්තුවට කරන ලද පැමිණිල්ලකට අනුව සිදුකළ විමර්ශනවලදී අදාළ ජ්යෙෂ්ඨ නියෝජ්ය පොලිස්පතිවරයා විසින් සිදුකරන ලදැයි කියන මෙම සැලසුම් පිළිබඳ කරුණු අනාවරණය වී ඇත.
පොලිස්පතිවරයාට සහ දකුණු පළාත භාර ජ්යෙෂ්ඨ නියෝජ්ය පොලිස්පතිවරයාගේ කීර්ති නාමයට කැළලක් වන ආකාරයේ මඩ ප්රවෘත්ති විකාශය කිරීම සම්බන්ධයෙන් තවත් යූටියුබ් මාධ්යකරුවකුගෙන් ද අපරාධ පරීක්ෂණ දෙපාර්තමේන්තුව ප්රශ්න කර ප්රකාශ සටහන් කරගෙන තිබේ.
විමර්ශන නිලධාරීන් පවසන අන්දමට මෙම මඩ ප්රචාර සිදුකළ බව කියන අදාළ පොලිස් නිලධාරියා යූටියුබ් මාධ්යවේදියකු සමග දුරකථන සංවාද කීපයක් පවත්වා ඇත.
ඒ අනුව අදාළ යූටියුබ් මාධ්යවේදීන් සමග ඔහු සිදු කළ ප්රකාශවලින් පොලිස්පතිවරයා සහ දකුණු පළාත භාර ජ්යෙෂ්ඨ නියෝජ්ය පොලිස්පතිවරයා කරගෙන යන මත්ද්රව්ය ජාවාරම් මැඬලීම සහ පාතාලය මැඬලීමේ වැඩපිළිවෙළට විශාල හානියක් සිදුවන බව විමල් ජයසේකරට හැඟී ගොස් ඇත.
ඒ හේතුව නිසා බිමල් ජයසේකර මහතා විසින් මේ පිළිබඳව අපරාධ පරීක්ෂණ දෙපාර්තමේන්තුව වෙත පැමිණිලි කර තිබේ.
ජ්යෙෂ්ඨ නියෝජ්ය පොලිස්පතිවරයා සහ යූටියුබ්කරුවන් අතර සිදුවූ හඬපට 12ක් පමණ පොලිස්පතිවරයා වෙත ලැබී තිබූ අතර ඒ සියල්ල අපරාධ පරීක්ෂණ දෙපාර්තමේන්තුව වෙත භාරදී ඇත.
මෙම සිද්ධිය සම්බන්ධයෙන් චෝදනා එල්ල වී ඇති ජ්යෙෂ්ඨ නියෝජ්ය පොලිස්පතිවරයාගෙන් අපරාධ පරීක්ෂණ දෙපාර්තමේන්තුව ප්රකාශ ලබාගැනීමට නියමිතය.
- දිවයින
සම්බන්ධිත පුවත් | Related News
ප්රධාන පුවත්
කළු මුහුදේ බලය තහවුරු කරගනිමින් රුසියාවෙන් දැවැන්ත මෙහෙයුමක්: යුක්රේන යුද්ධය අවසාන අදියරට
ජනපති මන්දිරවල පිටස්තරයින් 3000කට වැඩිය නවාතැන් අරන්.. - විගණන කාර්යාලයෙන් අනාවරණයක්
"ශ්රී ලංකාව සැමවිටම අපගේ හදවත් තුළයි" – චීන තානාපති චී ෂෙන්හොං වසර 6ක සේවයෙන් පසු සමුගනියි..
"ගොවි පුත්තු ටික ගමට එනකම් ගොවියො බලාගෙන ඉන්නේ".. - ජයන්ත සමරවීර
පාර්ලිමේන්තු වරප්රසාද පිටුපස හැංගෙන්නේ නැතුව ඕන නම් එළියෙදි කියන්න.. – නීතිඥ සංගමයේ සභාපති ගැන කළ ප්රකාශයට මන්ත්රී අසිත නිරෝෂණට අභියෝගයක්
බංග්ලාදේශ ජනාධිපතිවරයා ඉල්ලා අස්වෙයි..
විනිසුරු විශ්රාම වයස වැඩි කිරීම: 'ගොඩගැසුණු නඩු ඉවර කිරීම අරමුණ නම් මුර්දු ප්රනාන්දු සිටියදී නොගෙනාවේ ඇයි?' - ආචාර්ය නිහාල් ජයවික්රම ප්රශ්න කරයි!
ට්රම්ප්ට වෙලා තියෙන්නේ "ගෙදර ගියොත් අඹු නසී මග සිටියොත් තෝ නසී" වගේ වැඩක්.. - ජාත්යන්තර දේශපාලන විශ්ලේෂක ආචාර්ය ජගත් චන්ද්රවංශ
ශ්රී ලංකාව ඇතුළු රටවල් 60කට අමෙරිකාවෙන් නව බද්දක්..
ආණ්ඩුව මෙරට අධිකරණය සිරගතකර තමන් භාරයට අරගෙන.. - විමල්ගෙන් චෝදනා..
සබරගමුව වෛද්ය පීඨය අනතුරේ.. නැවතත් වෛද්ය නොවන තැනත්තෙක් පීඨාධිපති කිරීමේ තැතක්.. ලෝක වෛද්ය සභාවේ ප්රතීතනය අහිමිවීමේ අවදානමක්..
පාස්කු ප්රහාරය සම්බන්ධයෙන් ගෝඨාභයට එරෙහිව කිසිඳු සාක්ෂියක් ඉදිරිපත් වී නැහැ.. - ගෝඨාභයගේ රිට් පෙත්සමේ සවිස්තරාත්මක වාර්තාව..
භාණ්ඩාගාරයේ ඩොලර් මිලියන 2.5ක වංචාව: මුදල් අමාත්යංශය කියන්නේ බොරු.. - මහ බැංකුවෙන් ආන්දෝලනාත්මක නිවේදනයක්
වලිකාමම් හමුදා රෝහල කඩා ඉවත් කිරීමේ සුමන්තිරන්ගේ යෝජනාව ගැන ශමීන්ද්රගෙන් අනාවරණයක්..
පාර්ලිමේන්තුවේදී ආණ්ඩුව අමාරුවේ දැමීම සඳහා විජේවීර පවුලට අවමන් කිරීම දුෂ්ඨ ක්රියාවක්.. - වෛද්ය වසන්ත බණ්ඩාර
චීන මහජන විමුක්ති හමුදාවේ 99 වැනි සංවත්සරය කොළඹදී සමරයි - ශ්රී ලංකාව සමඟ හමුදාමය සහයෝගීතාව තවදුරටත් ශක්තිමත් කිරීමට කැපවන බවට සහතිකයක්