ජාත්‍යන්තර මූල්‍ය අරමුදලේ ග්‍රහණයෙන් මෙරට ආර්ථිකය මුදාගැනීම සඳහා කිසිඳු වැඩපිළිවෙලක් මෙවර අයවැයේ සඳහන්ව නොමැති බව ජානිපෙ නායක, හිටපු අමාත්‍ය විමල් වීරවංශ මහතා පවසයි.

පුද්ගලයන් 26 දෙනෙකුගේ කුරිරු ඝාතන වලට සහ පුද්ගලයන් 64 දෙනෙකු සදාකාලික ආබාධිතයින් බවට පත්කිරීමට සෘජුව වගකිවයුතු ආනන්ද සුධාකරන් යනු දේශපාලන සිරකරුවෙකු නොවන අතර ඔහු කුරිරු ත්‍රස්තවාදියෙකු බව සර්වජන බලය පක්ෂයේ යාපනය දිස්ත්‍රික් සංවිධායක සහ ප්‍රමුඛ සිවිල් සමාජ ක්‍රියාකාරිකයෙකු වන අරුණ් සිද්ධාර්ථ් මහතා පවසයි..

මේ දිනවල පැවැත්වෙන 2025 අ. පො. ස. උසස් පෙළ විභාගයේ “ආර්ථික විද්‍යාව” (Economics) ප්‍රශ්න පත්‍රය සහ ඇතැම් උපකාරක පන්ති ගුරුවරුන් විසින් නිකුත් කරන ලද “අනුමාන ප්‍රශ්න පත්‍ර” අතර බරපතල ලෙස “සැක සහිත සමානකමක් ඇති බවට” චෝදනා කරමින්, ජාතික ගුරු ව්‍යාපාරය විසින් රජයෙන් වහාම විමර්ශනයක් ඉල්ලා සිටී. ජාතික ගුරු ව්‍යාපාරයේ ප්‍රධාන ලේකම් සඳුන් බණ්ඩාර බෝදරගම මහතා විසින් බත්තරමුල්ලේ පිහිටි පක්ෂ කාර්යාලයේ අද (22) පැවැත්වූ මාධ්‍ය සාකච්ඡාවේදී මෙම තීරණාත්මක හෙළිදරව්ව සිදු කරන ලදී.

අස්වැසුම ප්‍රතිලාභින් 43,703දෙනකුට බැංකු ගිණුම් නොමැතිකම හේතුවෙන් ඔවුන්ගේ හිමිකම් ප්‍රතිලාභ ඉකුත් වර්ෂයේ දී (2024) ඔවුන්ට ලැබී නොතිබූ බවට අනාවරණය වී ඇත.

පහළ කඩුගන්නාව, ගනේතැන්න ප්‍රදේශයේ සිදුවු නායයෑමෙන් සුන්බුන් අතර සිරව සිටි තවත් අයෙකුගේ මළ සිරුරක් සොයා ගෙන තිබේ.

ඉක්වදෝරයේ ෆැසිස්ට් විරෝධී මාධ්‍යවේදීන්ගේ ව්‍යාපාරයේ සම්බන්ධීකාරක ජූලියානා ජිමිනෙස් ප්‍රකාශ කළේ ඉක්වදෝර ජනාධිපති ඩැනියෙල් නොබෝවාගේ ජනමත විචාරණය ප්‍රතික්ෂේප කිරීමෙන් ඉක්වදෝරියානුවන් ඉක්වදෝරයේ ආණ්ඩුක්‍රම ව්‍යවස්ථාව සහ ස්වෛරීභාවය ආරක්ෂා කළ බවයි.

පසුගිය 20 වනදා, වෙනිසියුලානු ජාතික සභාව රුසියාව සහ වෙනිසියුලාව අතර උපායමාර්ගික බලශක්ති සන්ධානය තව දුරටත් ශක්තිමත් කරමින් 2041 වර්ෂය දක්වා බොකෙරොන් සහ පෙට්‍රොපෙරිජා තෙල් සමාගම් සඳහා ගවේෂණ සහ නිෂ්පාදන මෙහෙයුම් දීර්ඝ කිරීම අනුමත කරනු ලැබීය.

ජනාධිපති අනුර කුමාර දිසානායක මහතා ප්‍රමුඛ ආණ්ඩුව බොරුව නවතා ජනතාවට වැඩ කළ යුතු බවත් එසේ නොවුණහොත් ලැබෙන පළමු අවස්ථාවාදීම ආණ්ඩුව පෙරළන බවත් ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ මහතා ඊයේ (21) පැවැසීය.

ජාතික පාරිභෝගික මිල දර්ශකය අනුව ගණනය කළ ඉකුත් ඔක්තෝබර් මාසයේ උද්ධමනය සියයට 2.7 ක් දක්වා වැඩි වී ඇත.