ඉරාන ජනතාව ඉස්ලාමීය විප්ලවයේ 47 වන සංවත්සරය සැමරීම වෙනුවෙන් රට පුරා දැවැන්ත පෙළපාලි සංවිධානය කර තිබූ බව වාර්තා වේ.

බංග්ලාදේශ පාර්ලිමේන්තු මහ මැතිවරණය අද (12) පැවැත්වෙයි. ප්‍රචණ්ඩකාරී ශිෂ්‍ය අරගලය හමුවේ අග්‍රාමාත්‍ය ෂෙයික් හසීනාට බලය අහිමි වී, හසීනාගේ වසර 15 ක ධුර කාලය අවසන් වී, අන්තර්වාර පාලක මණ්ඩලයක් යටතේ මෙම මහ මැතිවරණය පැවැත්වෙයි.

පාර්ලිමේන්තු මන්ත්‍රීවරුන්ගේ විශ්‍රාම වැටුප් අහෝසි කිරීම පිළිබඳ පනත් කෙටුම්පතට රාජ්‍ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාවේ අනුමැතිය හිමිව තිබේ.

කථානායක වෛද්‍ය ජගත් වික්‍රමරත්න මහතාට විරුද්ධව අල්ලස් කොමිසමට කර ඇති පැමිණිල්ලට අදාළව, කථානායකවරයාගේ පෞද්ගලික ලේකම් සාක්ෂි වසන් කරන බව කියමින් සමගි ජන බලවේගයේ මන්ත්‍රීවරු ඊයේ (11දා) අල්ලස් කොමිසමට පැමිණිල්ලක් ඉදිරිපත් කළහ.

හිටපු පාර්ලිමේන්තු මන්ත්‍රී අමරකීර්ති අතුකෝරල මහතා සහ ඔහුගේ ආරක්ෂක නිලධාරියා ඝාතනය කිරීමේ සිද්ධිය සම්බන්ධයෙන් අදහස් දක්වමින් ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතා පවසා සිටියේ, මන්ත්‍රීවරයා ඝාතනය කරනු ලැබුවේ ඔහු දැරූ දේශපාලන මතය පදනම් කරගෙන මිස වෙනත් කිසිදු හේතුවක් නිසා නොවන බවයි.

බලංගොඩ කස්සප හිමියන් ඇතුළු හිමිවරු සිව්නමකට සහ තවත් හය දෙනෙකුට ත්‍රිකුණාමලය මහාධිකරණයෙන් ඇප හිමිව තිබේ.

පොළොන්නරුව දිස්ත්‍රික් හිටපු පාර්ලිමේන්තු මන්ත්‍රී අමරකීර්ති අතුකෝරළට සහ ඔහුගේ ආරක්ෂක නිලධාරියාට පහරදී ඝාතනය කළ බවට වූ චෝදනාවට වරදකරු වූ 12 දෙනෙකුට මරණ දඬුවම නියම කෙරුණි.

ඉරානය එක්සත් ජනපදය සමඟ රාජ්‍ය තාන්ත්‍රික විසඳුමකට සම්පූර්ණයෙන්ම කැපවී සිටින අතර ඒ සමඟම නැවත ගැටුමක් ඇතිවීමේ තත්වයට සූදානමින් සිටින බව විදේශ අමාත්‍ය අබ්බාස් අරග්චි ඊයේ(10) ටෙහෙරානයේ RT පුවත් සේවයේ රික් සැන්චෙස් සමඟ කළ සම්මුඛ සාකච්ඡාවකදී පැවසීය.

වත්මන් රජය රාජ්‍ය සේවය විනාශ කරමින් සිටින බවටත්, පවත්නා පාලන ක්‍රමය වහා වෙනස් නොවුණහොත් රට දැවැන්ත අවුලකට ඇද වැටිය හැකි බවටත් හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය අනතුරු අඟවයි.