ආණ්ඩුව යාපනය කේන්ද්‍රකර ගනිමින් වැඩකටයුතු ආරම්භ කිරීම මගින් උතුරේ ජනමතය තමන් වෙත දිනාගැනීමට දරණ උත්සාහය පෙනෙන්නට ඇති බවත්, පසුගිය ආණ්ඩු රටට හානිකර දේ කරන බවට පැවසූවද ඔවුන් ඒවා නොකළ බවත් එහෙත් මෙම ආණ්ඩුව හානි දායක දේ පවසනවා පමණක් නොව ඒවා ක්‍රියාත්මක කිරීමද සිදුකරන බවත් නීතිඥ සංජීව වීරවික්‍රම මහතා පවසයි.

ඉකුත් දා (4) අලුයම දෙහිවල ජාතික සත්වෝද්‍යානයෙන් පරෙවියන් 32 දෙනකු සොරකම් කර ඇති බව දෙහිවල පොලිසිය වාර්තා කරයි.

2020 – 2024 විශ්‍රාමිකයන්ගේ වැටුප් විෂමතාවට විසඳුම් නොදීමට විරෝධය පළ කරමින් විශ්‍රාමික දිනය දා කොළඹදී පන්දම් දල්වා නිහඬව අප්‍රසාදය පළ කරන බව 20-24 විශ්‍රාමික එකමුතුව පවසයි.

ශාරීරික දඬුවම් සම්බන්ධයෙන් දණ්ඩ නීති සංග්‍රහ (සංශෝධන) පනත් කෙටුම්පතට සංශෝධන සළකා බැලීමට රජය කැමැත්ත පළ කර ඇති බව වාර්තා වේ.

2020 වසරට සාපේක්ෂව 2024 වසරේ මෙරට උපත් සංඛ්‍යාව 80,945 කින් අඩු වී ඇති බව රෙජිස්ටර් ජනරාල් දෙපාර්තමේන්තුව පවසයි.

ආගම, දහම, සදාචාරය, සංස්කෘතිය, සභ්‍යත්වය, ඉතිහාසය ඉවත් කොට ලබන ආර්ථික සංවර්ධනයකින් රටකට කිසිදු පලක් නොමැති බව මල්වතු මහා විහාර පාර්ශ්වයේ අනුනායක පූජ්‍ය දිඹුල්කුඹුරේ ශ්‍රී විමලධම්ම නාහිමියෝ පවසති.

වප් පුර පසලොස්වක පොහොය දිනය අදට යෙදී තිබේ.

ජෝන් කීල්ස් සමූහයේ ප්‍රධාන මානව නිලධාරී ඉසුරු ගුණසේකර විසින් ලබාදී ඇති සම්මුඛ සාකච්ඡාවක දී ඔහු විසින් පවසා ඇත්තේ ජෝන් කීල්ස් සමූහය LGBTIQ ප්‍රජාවේ ඇතුළත් කිරීම සහතික කිරීම කෙරෙහි අවධානය යොමු කර ඇති බවයි.

විදෙස් ආයෝජන පරිසරය ස්ථාවර කර ගැනීම වෙනුවෙන්, ආර්ථික පරිවර්තන පනතට අදාළ ආයතන 5 පිහිටුවීමට ශ්‍රී ලංකාවට කටයුතු කළ හැකි බව, ඇමරිකානු රාජ්‍ය දෙපාර්තමේන්තුවේ 2025 -ලංකා ආයෝජන පරිසර වාර්තාව මගින් පෙන්වා දෙයි.