දිට්වා සුළි කුණාටුව මගින් ශ‍්‍රී ලංකාවට සිදු වූ බරපතළ ආපදා තත්ත්වය පිළිබඳව මාධ්‍ය හරහා කළින්ම දැනුවත් වී සිටියද එම ආපදාව අවම කරගැනීම සඳහා රජය ක්‍රියාත්මක නොවීම පාස්කු ප‍්‍රහාරයට අදාලව නිලධාරීන්ට දේශපාලන නායකයින්ට එල්ල වූ චෝදනා වලට වඩා බරපතළ වන බව දේශහිතෛෂී ජාතික ව්‍යාපාරයේ මහලේකම් වෛද්‍ය වසන්ත බණ්ඩාර මහතා පවසයි.

රටේ තුන්වැනි පුරවැසියා වන කතානායක ධුරයට පත්වීම සඳහා අශෝක රන්වල බොරු ආචාර්ය උපාධියක් පෙන්වමින් සිදුකළ වංචාව හෙළි වූ විට ඔහු කතානායක ධුරයෙන් පමණක් නොව මන්ත්‍රී ධුරයෙන් ද නෙරපා හැරිය යුතුව පැවති බව හිටපු අමාත්‍ය මහාචාර්ය චන්න ජයසුමන මහතා පවසයි.

අශෝක රන්වල මහතා හෝ වෙන ඕනෑම අයෙක් විය හැකි වුවත් රටේ නීතිය නිසි ලෙස ක්‍රියාත්මක වන බව කෘෂිකර්ම නියෝජ්‍ය ඇමති නාමල් කරුණාරත්න මහතා පවසයි.

කාම්බෝජය සහ තායිලන්තය අතර සටන් දිගටම පවතින පසුබිමක දෙරට අතර ඇති දේශසීමා හරස් මාර්ග වසා දැමීමට පියවර ගෙන තිබේ.

සපුගස්කන්ද ප්‍රදේශයේ රිය අනතුර සිදුවූ අවස්ථාවේ හිටපු කථානායක අශෝක රන්වල බීමතින් සිටියේදැයි අනාවරණ කරගැනීම සඳහා සිදුකළ පරීක්ෂණයේ වාර්තා මෙතෙක් ලැබී නැතැයි පොලිසිය පවසයි.

බස්නාහිර පළාත්බද මහාධිකරණය අංක 06 හිදී මහාධිකරණ විනිසුරු එම්.එම්.එම්. මිහාල් මහතා ඉදිරියේ විභාග වූ HCB 303/24 දරණ නඩු තීන්දුවේ වාර්තාව අනුව හිටපු මහ බැංකු අධිපති අජිත් නිවාඩ් කබ්රාල් මහතා අල්ලස් කොමිසසම විසින් ඉදිරිපත් කරන ලද මාස 3ක් තුළ රු. 1,843,267,595.65/- (අලාභය) වන්දියක් ලෙස මහ බැංකුවේ ගිණුමට ගෙවීම කොන්දේසියට එකඟ වී නැති අතර වරදක් පිළිගැනීමක් නොකරන බවත්, එය සාමුහික තීරණයක් බවත් ප්‍රකාශ කර ඇත.

ලංකා ලීඩර් වෙත විස්තරාත්මක ලිපියක් මගින් කරුණු දක්වමින් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා ආපදාව වැළැක්වීම සඳහා නිසි වේලාවට නිසි පියවර නොගත් ආකාරය සහ නීතියේ අඩුපාඩු මෙන්ම පරිපාලන යාන්ත්‍රණයේ ගැටලුද පෙන්වා දෙයි.

වික්ටෝරියා ජලාශය ආසන්නයේ හෝටලයක් තුළ ෆේස්බුක් සාදයක් පවත්වමින් සිටියදී අත්අඩංගුවට ගත් පිරිස අතර ජාතික ජනබලවේගය නියෝජනය කරන මහනුවර නියෝජ්‍ය නගරාධිපතිවරයාගේ දියණියද සිටින බවට තොරතුරු අනාවරණය වී තිබේ.

අල, ළුණු සහ පරිප්පු යන ආහාර ද්‍රව්‍ය ආනයනය කිරීමට රජය තීරණය කර ඇති බව වාර්තා වේ.