ශ්රීලන්කන් ගුවන් සේවය රාජ්ය-පෞද්ගලික හවුල්කාරිත්වයක් යටතට පත් කිරීමට රජය සැරසෙයි..
ශ්රීලන්කන් ගුවන් සේවය පවත්වාගෙන යෑම සඳහා රාජ්ය-පෞද්ගලික හවුල්කාරිත්ව (PPP) ආකෘතියක් හඳුන්වා දීමට රජය සැලසුම් කරමින් සිටින බව ගුවන්සේවා අමාත්ය අනුර කුමාරණාතිලක පවසයි.
රූපවාහිනී සාකච්ඡාවකට එක්වෙමින් අමාත්යවරයා කියා සිටියේ, බදු ගෙවන්නන්ගේ මුදලින් ජාතික ගුවන් සේවය නඩත්තු කිරීම තවදුරටත් සිදු කළ නොහැකි තත්ත්වයකට පත්ව ඇති බවයි.
ගුවන් සේවයේ මෙහෙයුම් කටයුතු පවත්වාගෙන යෑම සඳහා රජයට මේ වන විට විශාල මූල්ය දායකත්වයක් සැපයීමට සිදුව ඇති බව හෙළි කළ අමාත්යවරයා, ඒ අනුව වසරකට රුපියල් බිලියන 30 බැගින් 2030 වසර දක්වා රුපියල් බිලියන 90ක පමණ මුදලක් වෙන් කිරීමට සිදුවනු ඇතැයි අපේක්ෂා කරන බව සඳහන් කළේය.
මීට අමතරව, සිය මෙහෙයුම් කටයුතු ඉදිරියට කරගෙන යෑම සඳහා ශ්රීලන්කන් ගුවන් සේවය විසින් තවත් රුපියල් බිලියන 10ක අතිරේක මුදලක් ඉල්ලා ඇති බව ද අමාත්යවරයා මෙහිදී අනාවරණ කළේය.
“මේක සදහටම කරගෙන යන්න බැහැ. ජීවිතේට ගුවන් යානයක් දැකලවත් නැති මිනිස්සු තමන්ගේ බදු මුදලින් මේ ගුවන් සේවය නඩත්තු කරන්න දායක වෙන එක අසාධාරණයි” යැයි ඔහු පැවසීය.
ඒ අනුව, රාජ්ය-පෞද්ගලික හවුල්කාරිත්ව ආකෘතියක් වෙත යොමු වීමට රජය තීරණය කර ඇති අතර ආයෝජකයන්ට ආරාධනා කිරීම සඳහා වන ආයෝජන යෝජනා සකස් කරමින් පවතින බව අමාත්යවරයා ප්රකාශ කළේය.
මෙම ආයෝජන ක්රියාවලිය හැසිරවීම සඳහා ආයතනයකට වගකීම් පවරන බවත්, මේ වසර ඇතුළත ආයෝජන ආකර්ෂණය කර ගැනීමට හැකි වනු ඇති බවට තමන් විශ්වාස කරන බවත් හෙතෙම කියා සිටියේය.
කෙසේවුවද, ගුවන් සේවය සම්පූර්ණයෙන්ම පෞද්ගලීකරණය කිරීමට රජයේ අදහසක් නොමැති බව අමාත්යවරයා පැහැදිලි කළේය.
විශේෂයෙන්ම හදිසි අවස්ථාවන්හිදී ජාතික ගුවන් සේවයක් තුළ යම් මට්ටමක රාජ්ය මැදිහත්වීමක් පැවතීම වැදගත් බව ඔහු පෙන්වා දුන්නේය.
ඊට උදාහරණ ලෙස, කොවිඩ්-19 වසංගත සමයේදී චීනයේ සිරවී සිටි ශ්රී ලාංකික සිසුන් මෙරටට ගෙන්වා ගැනීමට ශ්රීලන්කන් ගුවන් සේවය ඉටුකළ කාර්යභාරය සහ ඉන්දියාවේදී සිදුවූ මහාමාර්ග අනතුරකින් පසු එහි සිරවී සිටි ශ්රී ලාංකික පාසල් ළමුන් වෙනුවෙන් විශේෂ ගුවන් වාර සංවිධානය කිරීම ඔහු සිහිපත් කළේය.
හදිසි අවස්ථාවන් සඳහා ජාතික ගුවන් සේවය තුළ අවම වශයෙන් යම් මට්ටමක හෝ රජයේ මැදිහත්වීමක් තිබිය යුතු බව විශ්වාස කරන බැවින්, ගුවන් සේවය සතු පවතින රාජ්ය දේපළ සුරකිමින්, ඒකාබද්ධ හවුල්කාරිත්ව ව්යුහයක් යටතේ පෞද්ගලික ආයෝජන ලබා ගැනීමට රජය බලාපොරොත්තු වන බව අමාත්යවරයා වැඩිදුරටත් සඳහන් කළේය.
සම්බන්ධිත පුවත් | Related News
ප්රධාන පුවත්
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්
සහල් ආනයනය කරන්නේ ජනතාවට සහන සැලසීමේ අරමුණින් නොවේ.. නිලධාරීන්ගේ සහ ඇමතිවරුන්ගේ අතයට කොමිස් ලබාගැනීමේ "ජානගත බැඳීමක්" නිසා.. - ජාතික ගොවිජන එකමුතුවෙන් චෝදනා
ජනපති අනුර හන්දි හන්දි ගානේ කියන ඩොලර් මිලියන 1,000 ක සංචිතයක් නෑ.. - රජිත් කීර්ති තෙන්නකෝන්
බටගොඩ 'සෙනෙහසේ කැදැල්ල' වැඩිහිටි නිවාසය සම්පූර්ණයෙන්ම ගිනිබත් වෙයි.. - 11ක් මරුට - තුනක් අතුරුදන්
ගෝඨාභය කොටු කරන්න නින්දිත වෑයමක් ක්රියාත්මකයි.. - සරත් වීරසේකරගෙන් හෙළිදරව්වක්
හුදෙකලා සිද්ධීන් පදනම් කර ගනිමින් මහා සංඝරත්නයට අපහාස කිරීමේ දැවැන්ත කුමන්ත්රණයක් ක්රියාත්මකයි - මහාචාර්ය පූජ්ය මැදගොඩ අභයතිස්ස හිමි
අනුර මේ ගෙනියන්නේ අහිංසකයන්ගේ ලේ උරා බොමින් ගජමිතුරන්ට “රෝල්ස් රොයිස්” පුදන නරුම පාලනයක්.. - විමල් වීරවංශ
සුරේෂ් සලේ සිය දිවි නසා ගැනීමේ අවදානමක්..
අමෙරිකාවෙන් ශ්රී ලංකාවට 12.5%ක අමතර ආනයන බද්දක්..
ගෝඨාභයට සහ හමුදා නිලධාරීන් දෙදෙනෙකුට විදෙස් ගමන් තහනමක්..
නීතීඥ සංගමයෙන් ජනපතිට දැඩි විරෝධයක්..