අධික වැසි, අධික සුළං, ගස් කඩාවැටීම් වැනි ආපදා හේතුවෙන් සිදුවූ මරණ සංඛ්‍යාව ඊයේ (2දා) වනවිට 15 දක්වා ඉහළ නැඟ තිබේ. මැයි 20 වැනිදා සිට මේ දක්වා දින 13ක කාලය තුළ මෙම මරණ වාර්තා වී තිබේ.

"සර්වජන බලය" එකමුතුවේ දේශපාලනමය සහ ආර්ථිකමය වැඩපිළිවෙළ ඉදිරි මාසය තුළ රට හමුවේ තබා නව දේශපාලන සංවාදයකට මුල පුරන බවත් එම දේශපාලන සංවාදය අද "ඔත්පල වී ඇති අපේ රට", "ව්‍යසනය ජීවිතය බවට පත්ව ඇති අපේ රට" ඉන් මුදවා ගැනීමට ඉවහල් වනු ඇති බවත් ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා අවධාරණය කළේය.

වඳ කොත්තු පිළිබඳ කතා සමාජ මාධ්‍යයේ කියූ කතා මිස, තමන් කියූ කතාවක් නොවන බවත් එසේ කියා ඇත්නම් එය ඔප්පුකරන ලෙසත්, අනුන් කියූ කතා ආරෝපණය නොකරන ලෙසත් ජානිපෙ නායක පාර්ලිමේන්තු මන්ත්‍රී විමල් වීරවංශ මහතා පවසයි.

පන්සල් අඳුරේ තබන, පොදු ජනයාට විදුලිය අහිමි කරන නව විදුලිබල පනත ඉවත්කර ගැනීමට රජයට බලකරනැයි ත්‍රෛයිනිකායික මහා නායක හිමිවරුන්ට සහ මහා සංඝරත්නයෙන් ඉල්ලීමක් කරමින් ජ්‍යෙෂ්ඨ නීතිඥ කල්‍යානන්ද තිරාණගම මහතා විසින් ලිපියක් යොමුකර තිබේ.

ශ්‍රී ලංකාවේ වෙස්මිනිස්ටර් ප්‍රජාතන්ත්‍රවාදයේ අවසානය සනිටුහන් කරමින් රටේ සමස්ත ආර්ථිකය අත්තනෝමතික ලෙස ඒකාධිපතිකරණය කිරීම සඳහා මේ වන විට පාර්ලිමේන්තුවට පනත් ත්‍රිත්වයක් ඉදිරිපත් කර ඇති බව දේශහිතෛෂී ජාතික ව්‍යාපාරය පෙන්වා දෙයි.

ISIS සංවිධානය සමඟ සම්බන්ධ බවට සැකකෙරෙන ඉන්දියාවේදී අත්අඩංගුවට ගත් ශ්‍රී ලාංකිකයින් සිව්දෙනා සමඟ සමීප සබඳතා පැවැත්වූ සහ සහාය වූ බවට සැක කෙරෙන අත්‍යාවශ වූ සැකකරු වන ඔස්මන් පුෂ්පරාජ් නැමැත්තා අත්අඩංගුවට ගෙන ඇති බව වාර්තා වේ.

‍2023 අධ්‍යයන පොදු සහතික පත්‍ර උසස් පෙළ විභාගයේ ප්‍රතිඵල නිකුත් කර තිබේ.

කියුබානු රාජ්‍යය "ත්‍රස්තවාදයට අනුබල දෙන රාජ්‍ය ලැයිස්තුවට ඇතුළත් කිරීම" පිළිබඳව දැඩි විරෝධය පළ කරමින් ජානිපෙ නායක, පාර්ලිමේන්තු මන්ත්‍රී විමල් වීරවංශ මහතා විසින් මෙරට ඇමරිකානු තානාපතිනි ජුලි චන්ග් මහත්මිය වෙත ලිපියක් යොමුකර තිබේ.

විදේශිකයන්ට ස්වකැමැත්තෙන් රුසියානු හමුදාවට බැඳීමට හැකි බවත් රුසියානු නීතියෙන් ඊට බාධාවක් නොමැති බවත් ශ්‍රී ලංකාවේ රුසියානු තානාපති ලෙවාන් එස්. ජගර්යාන් මහතා විදේශ කටයුතු අමාත්‍යාංශයේ දී ඊයේ (30) පැවැති මාධ්‍ය හමුවකදී ප්‍රකාශ කළේය.