පසුගියදා බෞද්ධ චීවරයට අගෞරව කරමින් හැසිරුනු විමලබුද්ධි නමති පුද්ගලයා මත්ද්‍රව්‍යවලට ඇබ්බැහි වූ පුද්ගලයකු බවත්, ඔහුව නිකායෙන් මෙන්ම භික්ෂූත්වයෙන් ද මේ වන විට නෙරපා ඇති වුවත් තවදුරටත් සමාජමාධ්‍ය යොදාගනිමින් බෞද්ධ ධර්මයට අපහාස කරමින් මෙම පුද්ගලයා කරටයුතු කරන බවත් බලංගොඩ කස්සපහිමියෝ පවසති.

ඉදිරියේදී ආණ්ඩුබලය ගැනීමේ හීනයක සිටින පිරිස් කාන්තාවන් එකතුකර ගණිකා වෘත්තිය නීතිගත කරන බව මාධ්‍යයට ප්‍රකාශකරන බවත්, ඔවුන් මෙරට මහා සංස්කෘතිය විනාශ කිරීමට උත්සාහ දරන බවත් ජාතික කාන්තා එකමුතුව පවසයි.

රජයේ විශ්වාස කටයුතු ආරංචි මාර්ග සඳහන් කරන්නේ කැබිනට් මණ්ඩලයේ සංශෝධනයක් ලබන මාසයේදී සිදුකිරීමට නියමිත බවයි.

වසර පහක් ඇතුලත පලස්තීන රාජ්‍ය පිහිටුවිය යුතු බවට ශ්‍රී ලංකාව ද යෝජනා කර සිටින බව ජනාධිපති රනිල් වික්‍රමසිංහ මහතා නොබැඳි ජාතීන්ගේ සමුළුවේ 19 වැනි රාජ්‍ය නායක සැසිය අමතමින් උගන්ඩාවේ දී ඊයේ (19)පැවසීය.

පුත්තලම දළුව ගම්මානයෙ පැවති මාර්ග සංවර්ධන වැඩසටහනක් ආ ජල සම්පාදන රාජ්‍ය ඇමති සනත් නිශාන්ත මහතා මහජනතාවගෙන් එල්ල වූ විරෝධයක් හේතුවෙන් අතර මගින්ම හරවා යෑමට සිදු වූ බව වාර්තා වේ.

ජාත්‍යන්තර මුල්‍ය අරමුදලෙ ශ්‍රී ලංකා මෙහෙයුම් ප්‍රධානී පීටර් බෘවර් මහතා කොළඹදී කියා සිටියේ මෙරට ආර්ථිකය ස්ථාවර වෙමින් පැවතියත් ආර්ථිකය යථා තත්ත්වයට පත්කිරීමේ ක්‍රියාවලිය ප්‍රාථමික මට්ටමේ තවමත් පවතින බවයි.

මිනිස් පරිභෝජනයට නුසුදුසු සහල් තොගයක් මුදා හැරීමට පාරිභෝගික අධිකාරියේ අධ්‍යක්ෂක මණ්ඩලය අනුමැතිය දීමේ සූදානමක් ඇති බවත්, මහා පරිමාණ සුදුලූණු වංචාව සිදුකල සමාගම විසින් මෙම සහල් ආනයනය කර ඇති බවත් පාරිභෝගික අයිතීන් සුරැකීමේ ජාතික ව්‍යාපාරය පවසයි.

බ්‍රිතාන්‍ය ආරක්ෂක අමාත්‍ය ග්‍රාන්ට් ෂැප්ස් වසර පහක් ඇතුළත බටහිර රටවල් රුසියාව, චීනය, ඉරානය සහ උතුරු කොරියාව අතර ගෝලීය ගැටුමක් හටගන්නා බවට අනාවැකි පළ කර තිබේ.

විදුලිබල මණ්ඩලය ප්‍රතිව්‍යූහගත කිරීමට එරෙහිව විරෝධතාවයේ නිරතවූ විදුලි සේවකයින් පිරිසකගේ සේවය අත්හිටුවා ඇති බව වාර්තා වේ.