මාර්තු 15 දින නොරොව්වෝල ලක් විජය බලාගාරයෙ විදුලි ජනන පද්ධති 3න් උපදවා ඇත්තේ ඉතා අඩු විදුලිය බල උත්පාදනයක් බව වාර්තා වන අතර, 300MW උපදවිය යුතු වුවත්, මේ පද්ධති 3 න්ම උපදවා ඇත්තේ ඊට අඩු ප්‍රමාණයකි.

බාල ගල් අඟුරු නිසා විදුලිය නිපදවීමේ දී දවසකට ඩීසල් කොපමණ ප්‍රමාණයක් වැය කිරීමට සිදුව ඇත්දැයි ආණ්ඩුව ගණන් හිලව් ඇතිවම ප්‍රකාශ කළ යුතු බවත්, ජනාධිපතිවරයා ජනාධිපති ධුරයට පත්වීමට පෙර තමන් ජනාධිපතිවූ පසු තෙල් පෝලිම්, ගෑස් පෝලිම් නොමැති බවත් සිනමා ශාලාවල පෝලිම් පමණක් තිබෙන බවත් පැවසූ බව ආචාර්ය චන්න ජයසුමන මහතා පවසයි.

පාස්කු ප්‍රහාරය සම්බන්ධයෙන් FBI එක විශේෂ විමර්ෂණයක් සිදුකළ බවත්, ISIS සංවිධානයට ලංකාවේ සම්බන්ධිත පුද්ගලයින් 37ක් එමගින් අනාවරණය කළ බවත්, එම අය අතරින් ප්‍රධානියා ලෙස සැලකෙන්නේ මොහොමඩ් නවුෆර් මිල්හාන් නමැත්තෙකු බවත් නීතිඥ සංජීව වීරවික්‍රම මහතා හෙළිකරයි.

පවතින ඉන්ධන සපයා ගැනීමේ ගැටලුව සැලකිල්ලට ගෙන ඊට මුහුණදීම සඳහා රජයේ සේවකයින්ට එළැඹෙන බදාදා (17) සිට සෑම සතියකම බදාදා දිනවල නිවාඩු ලබාදීමට රජය තීරණය කර තිබේ.

එක්සත් ජනපදය සහ සියොන්වාදී තන්ත්‍රය විසින් පනවන ලද ආක්‍රමණශීලී යුද්ධයට එරෙහිව ඉරානය දක්වන "ගෞරවනීය සහ නොසැලෙන ප්‍රතිරෝධයක්" මධ්‍යයේ සටන් විරාමයක් සඳහා කිසිදු ඉල්ලීමක් ඉදිරිපත් කර නොමැති බව විදේශ අමාත්‍ය අබ්බාස් අරක්චි ප්‍රකාශ කළේය.

ඉස්ලාමීය විප්ලව ආරක්ෂක බලකායේ නාවික හමුදාපති රියර් අද්මිරාල් අලිරේසා ටැංසිරි, ඉරානයේ දකුණු ඛර්ක් දූපතට පසුගියදා එල්ල කරන ලද එක්සත් ජනපද හමුදා ප්‍රහාරයේ ප්‍රතිවිපාක සම්බන්ධයෙන් අනතුරු ඇඟවීය.

කයිවාරු වලින්, පුරාජේරු කතා වලින් හා උද්දච්චකම්වලින් හිස උඩුම්මවාගෙන ඇමරිකානු හඬට හා අයි එම් එෆ් තාලවලට පාද තිය තියා නටමින් සිටි “හුණ්ඩු ආණ්ඩුව” අද මැද පෙරදිග හදිසි ලෝක තත්ත්වයන් මත නිර්මාණය වූ ඉන්ධන අර්බුදවලට මුහුණ දී ගත නොහැකිව ඉන්ධන ඉල්ලමින් රුසියාව පසුපස යන්නට පටන් ගෙන ඇතැයි විමල් වීරවංශ පවසයි.

ශ්‍රී ලංකාවේ චීන තානාපති චී ෂෙන්හොන් මහතා උතුරු සහ නැගෙනහිර පළාත්වල දෙමළ ප්‍රජාවන් චීනයට විරුද්ධ බවට කරන ප්‍රකාශ දැඩි ලෙස ප්‍රතික්ෂේප කර තිබේ.

රුසියාවෙන් මෙරටට ඉන්ධන නැව් දෙකක් ලබාගැනීම වෙනුවෙන් සිදුකළ යුතු ගෙවීම්, ඇමෙරිකානු ඩොලර් වෙනුවට රුසියානු 'රූබල්' හෝ චීන 'යුවාන්' මුදලින් සිදුකිරීමට ශ්‍රී ලංකා රජය එකඟතාව පළ කර ඇත.