අධ්‍යාපන ප්‍රතිසංස්කරණ මුවාවෙන්, ජීවිතයේ තීරණාත්මක මංසන්ධියකට පැමිණෙන 6 වසරෙහි ළමුන් ඉලක්ක කරමින් සියුම්ව LGBTQ මතවාද ළමුන්ගේ ඔළු තුල කාවැද්දීමට පාඩම් මාලා සැකසීමට නායකත්වය දුන් අධ්‍යාපන ඇමති හරිනි අමරසූරිය මෙනෙවියගේ ක්‍රියා කලාපයට එරෙහිව සමාජයෙන් එල්ල වූ දැඩි පීඩනය ඇයට සහ මාලිමා ආණ්ඩුවට දරා ගත නොහැකි සීමාවකට තල්ලු වී ඇති බව අප වෙත විවිධ සමාජ විද්‍යාඥයෝ පෙන්වා දුන්හ.

අග්‍රාමාත්‍ය සහ අධ්‍යාපන අමාත්‍ය ආචාර්ය හරිනි අමරසූරිය ඉලක්ක කරගනිමින් ද්වේෂ සහගසෛහ අපහාසාත්මක ව්‍යාපාරයක් ආරම්භ වී ඇති බව විද්වත් සහ සිවිල් ක්‍රියාකාරීන් පිරිසක් ඒකාබද්ධ නිවේදනයක් නිකුත් කර තිබේ.

අමෙරිකාව විසින් වෙනිසියුලාවට පහරදී වෙනිසියුලාවේ ජනාධිපති නිකොලොස් මධුරෝ සහ ඔහුගේ බිරිඳ පැහැර ගැනීම පිටුපස කියුබාවේ සම්බන්ධයක් ඇති බවට විදෙස් මාධ්‍ය විසින් පුවත් නිර්මාණය කර තිබීම සම්බන්ධයෙන් ඉන්දියාවේ කියුබානු තානාපති ජුවාන් කාලෝස් මාර්සන් අගුයිලේරා පවසන්නේ අමෙරිකාව වෙනිසියුලාවට එරෙහි මෙම ආක්‍රමණශීලී උත්සාහයෙන් පසුව, ජනාධිපති නිකොලස් මධුරෝගේ ආරක්ෂාව ශක්තිමත් කිරීම සඳහා බොලිවේරියානු රජයේ ආරක්ෂක කණ්ඩායමට සහාය වීම සඳහා පිරිසක් යැවූ බවය.

අමෙරිකාව විසින් වෙනිසියුලාවට සිදුකළ පහරදීම් සහ එහි ජනාධිපති නිකොලොස් මධුරෝ සහ ඔහුගේ බිරිඳ අමෙරිකානු ග්‍රහණයට නතු කර ගැනීමේ සිදුවීම සම්බන්ධව මෙරටදී විරෝධතා ගණනාවක් පැවැත් වුනු අතර, මෙරට අමෙරිකානු තානාපති කාර්යාලය ඉදිරිපිට එම විරෝධතා සංවිධානය කර තිබිණි.

කැරිබියන් මුහුදේ ලුහුබැඳීමෙන් පසු එක්සත් ජනපදය උතුරු අත්ලාන්තික් සාගරයේදී රුසියානු ධජය සහිත තෙල් ටැංකියක් අල්ලා ගත් බව එක්සත් ජනපද නිලධාරීන් අද (07) පැවසීය.

වත්මන් අධ්‍යාපන ඇමතිනී හරිනි අමරසූරියගේ නායකත්වයෙන් මේ “පුනරුද රජය” හඳුන්වා දී ඇති නව අධ්‍යාපන ප්‍රතිසංස්කරණ මගින් මෙරට නිදහස් අධ්‍යාපන විනාශකර, මේ රටේ නැති බැරි අහිංසක බහුතර ජනතාවගේ දරුවන්ට අධ්‍යාපනයෙන් ඉහළට එන්නට තිබෙන මාවත හා එම අයිතිය අහුරා, අක්මුල් නැති ඉතිහාසයක්, සභ්‍යත්වයක් සදාචාරයක් නොදන්නා “බමුණු කුලයකට” අධ්‍යාපනයේ මංමාවත් විවර කරන භයානක සංශෝධන ඇතුළත් කර ඇතැයි ජාතික නිදහස් පෙරමුණේ නායක විමල් වීරවංශ මහතා පවසයි.

ජාත්‍යන්තර මැදිහත්වීම මත ප්‍රවර්ධනය කරන ලද වැඩසටහන් දෙකක් වන පාසල් සඳහා විස්තීර්ණ ලිංගික අධ්‍යාපනය (CSE) සහ සේවා ස්ථානවල විවිධත්වය, සමානාත්මතාවය සහ ඇතුළත් කිරීම (DEI) ලෙස ශ්‍රී ලංකාව තුළ ක්‍රියාත්මක වෙමින් පවතින බව වාර්තා වේ.

වෙනිසියුලාවට සිදුවන ඇමරිකානු අත පෙවීම්වලට එරෙහිව ශ්‍රී ලංකාවේ කොමියුනිස්ට් පක්ෂය ඇතුළු තවත් වාමාංශික පක්ෂ කිහිපයක් එක්ව සංවිධානය කළ විරෝධතාවය ඊයේ (6) කොළඹ ඇමරිකානු තානාපති කාර්යාලය ඉදිරිපිට දී පැවැත්විණි.

වෙනිසියුලා ජනාධිපති නිකොලස් මධුරෝ සහ ජනාධිපති ආර්යාව සිලියා ෆ්ලෝරස් පැහැරගැනීම ඇතුළුව, වෙනෙසියුලාවේ බොලිවේරියානු ජනරජයට එරෙහිව එක්සත් ජනපදය විසින් මෑතකදී ගනු ලැබූ ක්‍රියාමාර්ග සම්බන්ධයෙන් ශ්‍රී ලංකාවේ දේශපාලන පක්‍ෂ විසින් නිකුත් කරනු ලැබූ නිවේදනයක සඳහන් වන්නේ සියලු‍ ජාතීන්ගේ ස්වෛරී අයිතිවාසිකම් ආරක්‍ෂා කරන ලෙසට ජාත්‍යන්තර ප්‍රජාවෙන් ඉල්ලා සිටින බවයි.