හසීනාගේ අත් සුදු ද?
බංගලිදේස කුලප්පුවට අදාළ ආර්ථික පසුබිම පැහැදිළි කරන ලිපි දෙකක් මම ලිව්වා. "හසීනා කියන්නේ සුද්දවන්තියක් නෙවෙයි" කියලා ඒ ලිපි කියවපු මහත්තයෙක් කමෙන්ට් එකක් දැම්මා. ඒ කමෙන්ට් එක සභ්‍ය විදිහට ලියලා නොතිබුණු හින්දා මම ඒක මකලා දැම්මා. හැබැයි ඒ මහත්තයා ඉස්මතු කරපු කාරණය ගැන කතා කරන්න ඕන.
මම කිව්වේ හසීනා නෝනාගේ ආණ්ඩුවේ ආර්ථික සාධනය ගැන මිසක් ඒකට සම්බන්ධ වෙච්ච අයගේ අත් සුදු ද කළු ද කියන කාරණය නෙවෙයි. හසීනා නෝනා ප්‍රජාතන්ත්‍රවාදයට පටහැනි වැඩ කරලා ඇති. දූෂණවලටත් සම්බන්ධ ඇති. මට ඒ කරුණු කාරණා ගැන උනන්දුවක් නෑ. මම කිව්වේ හසීනා නෝනාගේ ආණ්ඩුව බංගලිදේසේ කර්මාන්ත අංශය වර්ධනය කරන්න වැඩ කළා කියන එක විතරයි. ඒ වගේ ම, මම අවධාරණය කළේ එහෙම කර්මාන්ත දියුණුවක් ඇති කරන්න බටහිර ප්‍රාග්ධන මුදලාලිලා ඉඩදෙන්නේ නෑ කියන කාරණය.
රටක ආර්ථික සාධනය වෙනුවෙන් ප්‍රජාතන්ත්‍රවාදී, කිරි සුදු පාලනයක් මූලික වෙනවා නම් බොහොම හොඳයි. ඒත් ඒ පාරිශුද්ධභාවය ගෑවිලාවත් නැති අයත් ආර්ථික හපන්කම් කරලා තියෙනවා.
දකුණු කොරියාවේ හිටපු ජනාධිපති පාක් චුං-හී (Park Chung Hee) කියන්නේ එහෙම කෙනෙක්. පාක් චුං-හී 1961 දී දකුණු කොරියාවේ බලය අල්ලාගෙන ඊ ළඟ අවුරුද්දේ ජනාධිපති ධුරයට පත්වුණාම කර්මාන්ත විප්ලවයකට මුලපිරුවා. ඒ වෙනුවෙන් පස් අවුරුදු සැලසුම් ක්‍රමයකුත් හඳුන්වලා දුන්නා. පාක් චුං-හී තමන්ගේ පාලන කාලය තුළ දකුණු කොරියාව මුළුමනින්ම හමුදාකරණයකට ලක් කළා.
දකුණු කොරියාවේ කර්මාන්ත විප්ලවය වෙනුවෙන් පාක් චුං-හී ඒ රටේ ධනපති පිරිස යෙදෙව්වේ තමන්ගේ හමුදා බලහත්කාරකම පාවිච්චි කරලා. ධනපතියෝ කියන්නේ තමන්ගේ ආයෝජනවලට ඉක්මන් ප්‍රතිලාභ බලාපොරොත්තු වෙන පිරිසක්. මහ දැවැන්ත ආයෝජන කරලා ප්‍රතිලාභ ලබාගන්න දීර්ඝ කාලයක් බලාගෙන ඉන්න ධනපතියෝ කැමැති නෑ. ඉතින් පාක් චුං-හී හමුදා බලය යොදාගෙන දකුණු කොරියාවේ ධනපතියන්ව ලොකු ආයෝජනවලට තල්ලු කළා.
1972 දී පාර්ලිමේන්තුව විසුරුවපු පාක් චුං-හී ආණ්ඩුක්‍රම ව්‍යවස්ථාව අත්හිටුවලා තමන්ගේ ම ව්‍යවස්ථාවකුත් හඳුන්වලා දුන්නා. රට පාලනය කරන්න දිගින් දිගට ම හදිසි නීතියත් සමහර වෙලාවට හමුදා නීතියත් යොදාගත්තා. හැබැයි මේ ඔක්කොම බලහත්කාරකම් මැද්දේ රටේ කර්මාන්ත දියුණු කරන්න පාක් චුං-හී උපරිමයෙන් ම කැපවුණා.
පාක් චුං-හී 1972 - 1976 කාලයට ඉදිරිපත් කරපු පස් අවුරුදු සැලැස්මෙන් තමයි නැව් හැදීමේ කර්මාන්තය දකුණු කොරියාවේ ප්‍රධාන ආර්ථික ඉලක්කයක් බවට පත් කළේ. හැබැයි සෑහෙන කාලෙකට පස්සේ ප්‍රතිලාභ ලබාගන්න පුළුවන් මෙහෙම දැවැන්ත කර්මාන්ත අංශවල ආයෝජන කරන්න ධනපතියෝ කැමැති නෑ. ඉතින් පාක් චුං-හී මේ වෙනුවෙන් ධනපති ආයෝජකයෝ යොමු කළේ තමන්ගේ හමුදා බලය යොදවලා. මේ කර්මාන්තයට තල්ලු කරපු සමාගම් අතර හයි-උන්ඩායි සමාගමත් ඉන්නවා. මේ වෙද්දී ලෝකයේ තියෙන ලොකු ම නැව් හැදීමේ සමාගම බවට හයි-උන්ඩායි බැර කර්මාන්ත සමාගම පත්වෙලා.
මෙහෙම හපන්කම් කරපු පාක් චුං-හී කියන්නේ දෑත් පිරිසිදු කෙනෙක් නෙවෙයි. අන්තිමේ දී ඔහු මැරුම් කෑවේ තමන් ම හදපු කොරියානු CIA සංවිධානයේ ලොක්කා අතින්.
ඉතින් ෂීක් හසීනා නෝනාගේ දෑත් පිරිසිදු ද කියලා හොයලා බලන එක වෙනම වැඩක්. ඒ නෝනා බංගලිදේසේ කර්මාන්ත දියුණු කළා ද කියලා හොයලා බලන එක තවත් වැඩක්.
(රටකට ඒකාධිපති පාලකයෝ ඕන බවක් නෙවෙයි මේ කියන්නේ).
- ආචාර්ය වරුණ චන්ද්‍රකීර්ති
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..