නොවැම්බර් 23 වැනිදා සිට අවස්ථා 25කදී දිට්වා සුළි කුණාටුව සම්බන්ධයෙන් අදාළ පාර්ශ්වයන් දැනුවත් කර ඇති බව ශ්‍රී ලංකා කාලගුණ විද්‍යාඥයින්ගේ සංගමය නිවේදනයක් නිකුත් කරමින් අවධාරණය කරයි.

ජාතික ජන බලවේගය නියෝජනය කරන පාර්ලිමේන්තු මන්ත්‍රී, හිටපු කතානායක අශෝක සපුමල් රන්වල මහතා කොළඹ ජාතික රෝහලට මාරු කර යවා ඇති බව වාර්තා වේ.

දිට්ටා සුළිකුණාටුව නිසා සිදු වූ ආපදාවේ මුළු හානියේ සමස්ත වටිනාකම දෙසැම්බර් 15ත් 20ත් අතර ඉදිරිපත් කිරීමට හැකිවනු ඇතැයි කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය ඇමැති වෛද්‍ය නලින් ද ජයතිස්ස මහතා පැවැසීය.

විශ්වවිද්‍යාල පනත සංශෝධනය කර පිඨාධිපති සහ අංශාධිපති ධුර පත්කිරීමේ සහ ඉවත් කිරීමේ බලය පාලක සභාවට පැවරීමට ආණ්ඩුව පනත් කෙටුම්පතක් ඉදිරිපත් කර ඇතැයි කොළඹ විශ්වවිද්‍යාල ශාස්ත්‍ර පීඨ ආචාර්යවරන්ගේ සංගමය පවසයි.

ලංකා ඉතිහාසයෙන් මෙතරම් විනාශයක් සිදුවූයේ අනුර දිසානායක ජනාධිපතිවරයාගේ කාලයේදී බව මිහින්තලා රාජමහා විහාරාධිපති පූජ්‍ය වලවාහැංඟුන වැවේ ධම්මරතන හිමියෝ කියා සිටිති.

නිවාස සංකල්පය වෙනස් කිරීම සඳහා නව නිවාස සැලසුමකට යෑමට තිබූ බාධාවන් ගංවතුර තත්ත්වය හේතුවෙන් ඉවත්වී ඇති බවත්, එය නව සැලසුමක් ක්‍රියාත්මක කිරීමට ලැබුණු ආශිර්වාදයක් බවත් නිවාස නියෝජ්‍ය ඇමති ටී.බී. සරත් මහතා ප්‍රකාශ කරයි.

මුදල් විශුද්ධිකරණය සම්බන්ධයෙන් සිදු කරන විමර්ශනයකට අදාළව ගොනුකර ඇති පැමිණිල්ලක සැකකරුවන් වශයෙන් නම්කර සිටින හිටපු මහ බැංකු අධිපති අර්ජුන් මහේන්ද්‍රන් ඇතුළු සැකකරුවන් දෙදෙනෙකු අත්අඩංගුවට ගෙන අධිකරණයට ඉදිරිපත් කරන ලෙස දන්වා යළි විවෘත වරෙන්තු නිකුත් කරන්නැයි කොළඹ මහේස්ත්‍රාත් අධිකරණය අද (11) අපරාධ පරීක්ෂණ දෙපාර්තමේන්තුවට නියෝග කර තිබේ.

සපුගස්කන්දේ දෙනිමල්ල ප්‍රදේශයේදී ඊයේ (11) රාත්‍රී 7.45 ට පමණ හිටපු කථානායක පාර්ලිමේන්තු මන්ත්‍රී අශෝක රන්වල මහතා පැදවූ ජීප් රථයක් රිය අනතුරකට ලක්ව ඇත.

දේශපාලන කටයුතු පිළිබඳ එක්සත් ජනපද උප රාජ්‍ය ලේකම් ඇලිසන් හූකර් මහත්මිය අද (11) පෙරවරුවේ මෙරටට පැමිණ තිබේ.