නේපාලයේ අද වන විට ඇතිවී තිබෙන වතාවරණය පිළිබඳව බරපතල කනස්සල්ලක් ඇති බවත්, නේපාලය, බංග්ලාදේශය සහ ශ්‍රී ලංකාව යන රටවල් මෙම ඊනියා අරගලවලින් පසු කිසිදු යහපත් සමාජ-දේශපාලනික හෝ ආර්ථික තත්වයක් අත්කර ගෙන නොමැත.

මෙවර ජිනීවා මානව හිමිකම් කවුන්සලයේ 60 වන සැසිවාරය සඳහා ශ්‍රී ලංකාව සම්බන්ධයෙන් යෝජනාවක් කෙටුම්පත් කෙරේ.

ශ්‍රී ලංකන් ගුවන් සේවය බණ්ඩාරනායක ජාත්‍යන්තර ගුවන් තොටුපළ සහ නේපාලයේ කත්මණ්ඩු ගුවන් තොටුපළ අතර සියලුම ගුවන් ගමන් අත්හිටුවා තිබේ.

ආරක්ෂක නියෝජ්‍ය අමාත්‍ය විශ්‍රාමික මේජර් ජෙනරාල් අරුණ ජයසේකර මහතාට එරෙහිව විපක්ෂය ගෙන ආ විශ්වාසභංග යෝජනාව පිළිබඳ ස්ථාවරය කථානායකවරයා අද (10) පාර්ලිමේන්තුවට දැනුම් දුන්නේය.

හිටපු ජනපතිවරුන්ගේ නිල නිවාස, දීමනා සහ වාහන ඇතුළු වරප්‍රසාද ඉවත් කෙරෙන ජනාධිපතිවරුන්ගේ හිමිකම් ඉවත් කිරීමේ පනත් කෙටුම්පත පිළිබඳ දෙවන වර කියවීමේ විවාදය අද පැවැත්වීමට නියමිතයි.

මන්නාරම දිස්ත්‍රික් මහ රෝහලේ හදිසි අනතුරු සහ හදිසි ප්‍රතිකාර ඒකකය සඳහා වන ගොඩනැගිල්ලේ ඉදිකිරීම් මෙන්ම වෛද්‍ය උපකරණ සැපයීම වෙනුවෙන් ඉන්දියානු ජනරජ රජය සහ ශ්‍රී ලංකා ‍රජය අතර අවබෝධතා ගිවිසුම අත්සන් කිරීම (09) සෞඛ්‍ය හා ජනමාධ්‍ය අමාත්‍යාංශයේ දී සිදු කෙරිණි.

ලංකා විදුලිබල මණ්ඩලය (CEB) විසින් යෝජනා කර ඇති 6.8% ක විදුලි ගාස්තු වැඩි කිරීමට අදාළව මහජන උපයෝගිතා කොමිෂන් සභාව (PUCSL) මහජන අදහස් විමසීමක් ආරම්භ කර ඇත.

නේපාලයේ විරෝධතාකරුවන් විසින් ඊයේ එරට කත්මණ්ඩු නුවර පිහිටි ශ්‍රේෂ්ඨාධිකරණයටද ගිනි තබා තිබේ.

මේ වන විට නේපාලයේ Gen-Z නම් සංවිධානය මගින් රටේ පාලනය අත්පත් කරගෙන ඇතැයි එරටින් ලැබෙන මාධ්‍ය වාර්තා පවසයි. නේපාලය පුරාම පැතිර යන දැඩි ප්‍රචන්ඩ ක්‍රියා හේතුවෙන් හිටපු අගමැති ජලානාත් ඛානල්ගේ බිරිඳ වන රබි ලක්ෂ්මි චිත්‍රකාර් මහත්මිය බරපතල පිළිස්සුම් තුවාල ලබා මියගොස් ඇති බව වාර්තා වේ. ඩල්ලු හි පිහිටි ඔවුන්ගේ නිවසට විරෝධතාකරුවන් ගිනි තැබීමෙන් හේතුවෙන් ඇයගේ මරණය සිදුව තිබේ.