ඊශ්‍රායල අග්‍රාමාත්‍ය බෙන්ජමින් නෙතන්යාහුගේ නිවස ඉලක්ක කර ගනිමින් ඩ්‍රෝන ප්‍රහාරයක් එල්ල වී තිබේ.

ජාතික ජන බලවේග ආණ්ඩුව නුදුරේදීම ණය ගැනීමෙන් පසුගිය සියලු ආණ්ඩු පරාද කරනු ඇති බව සමගි ජන බලවේග හිටපු පාර්ලිමේන්තු මන්ත්‍රී කොළඹ දිස්ත්‍රික් අපේක්ෂක හර්ෂද සිල්වා මහතා සඳහන් කරයි.

තමන් බලශක්ති අමාත්‍යවරයා ලෙස සිටියදී ඉන්ධන අලෙවියෙන් තමාගේ සාක්කුවට මුදල් යන බවට එදා විපක්ෂයේ සිට ජාතික ජන බලවේගය පැවසූ සියල්ල අසත්‍ය බව පසුගිය ඉන්ධන මිල සංශෝධනයෙන් ඔප්පු බව හිටපු ඇමති කංචන විජේසේකර මහතා සඳහන් කරයි.

හිටපු ජනාධිපති මහින්ද රාජපක්ෂ මහතාගේ ආරක්ෂාවට යොදවා සිටින ආරක්ෂකයන් ගමන් ගන්නා ආරක්ෂක රථ තුනක් ආපසු බාර දෙන ලෙස ජනාධිපති ලේකම් කාර්යාලය විසින් දැනුම දී ඇති බව වාර්තා වේ.

කියෙව් පරිපාලනයට න්‍යෂ්ටික අවි ලබා ගැනීමට මොස්කව් පරිපාලනය කිසිදා ඉඩ නොදෙන අතර ඒ සඳහා දරන ඕනෑම උත්සාහයකට සුදුසු ප්‍රතිචාරයක් ලැබෙනු ඇතැයි රුසියානු ජනාධිපති ව්ලැඩිමීර් පුටින් අවධාරණය කළේය.

සිඩ්නි සිට කොළඹ බලා සැප්තැම්බර් 21 දා පියාසර කරමින් තිබූ ශ්‍රී ලන්කන් ගුවන් සේවයට අයත් යූඑල් 607 දරන ගුවන් යානයේ නියමු කුටිය අගුලු දැමීමේ සිද්ධිය අතිශය බරපතල සිද්ධියක් සේ දක්වමින් එයාර් ලයින් රේටින්ග්ස් ආයතනය (AirlineRatings.com) විසින් ශ්‍රී ලංකන් ගුවන් සේවයේ ආරක්ෂිත ශ්‍රේණිගත කිරීම තරු හතේ සිට හය දක්වා පහත හෙළා ඇත.

වෙළෙඳපොළේ සහල් හිඟයක් ඇතිවීමට හේතුව, මහා පරිමාණ සහල් මෝල් හිමිකරුවන් පස් දෙනෙකු කෘත්‍රීම හිඟයක් නිර්මාණය කර සහල් වැඩි මිලට විකිණීමේ උත්සාහයක් බව හිටපු කෘෂිකර්ම අධ්‍යක්ෂ කේ.බී. ගුණරත්න මහතා පවසයි.

ජාතික ජන බලවේගයේ නායකයන් කිසිවකු ජාතික ජන බලවේග පාලනයක් ණය ලබානොගන්නා බවට ප්‍රකාශ නොකළ බවත්, ණය ගැනීම අපරාධයක් නොවන බව ජනාධිපති අනුර කුමාර දිසානායක දිගින් දිගටම ප්‍රකාශ කළ බවත් හිටපු මන්ත්‍රී ලාල්කාන්ත මහතා පවසයි.

2023 වසරේ උසස් පෙළ මත සිසුන් රජයේ විද්‍යාපීඨවලට ශික්ෂණලාභීන් ලෙස බදවා ගැනීම 2021/22 වසරේ ශික්ෂණලාභීන් බදවා ගත් කොම්පියුටර් ජිල්මාට් ක්‍රමයටම සිදු කිරීමට විද්‍යාපීඨ ප්‍රධාන කොමසාරිස් සැරසෙන බවට අනාවරණය වන බව විද්‍යා පීඨ ආචාර්ය සංගමය පවසයි.