ඩිජිටල් හැඳුනුම්පත සෑදීම සඳහා ඉන්දිනු සමාගම්වලින් ටෙන්ඩර් කැඳවීම පිළිබඳව අදහස් දක්වමින් ජනඅරගල ව්‍යාපාරය පවසන්නේ මෙම ඩිජිටල් හැඳුස්පත් ක්‍රියාවලියේ දී ආණ්ඩුව කටයුතු කරන්නේ විනිවිධ භාවයෙන් තොරව බවයි.

හිටපු ක්‍රිකට් නායකයන් වන කුමාර සංගක්කාර සහ මහේල ජයවර්ධන වෙඩිතල්තිව් සංරක්ෂිත කලාපයෙන් අක්කර 400ක භූමි භාගයක ව්‍යාපාරයක් සිදු කරන බව පෙරටුගාමී සමාජවාදී පක්‍ෂය චෝදනා කරයි.

කඳාන පොලීසිය ඉදිරිපිටදී ඊයේ (03) උදෑසන 10ට පමණ නාඳුනන වෙඩික්කරුවන් දෙදෙනෙකු විසින් මෝටර් රථයක් ඉලක්ක කර ටී-56 ගිනිඅවියකින් වෙඩි ප්‍රහාරයක් එල්ලකර තිබුණි.

ශ්‍රී ලංකාවේ කොළඹ වරායේ අක්කර 25ක භූමියක පිහිටා තිබෙන නාවික තටාංගනය නැතහොත් ඩොක්යාඩ් හි බහුතර කොටස් ප්‍රමාණයක් අත්පත් කරගැනීමට ඉන්දියාවේ මැසගොන් ඩොක් නමැති සමාගමට ආණ්ඩුව ඉඩ ලබාදී ඇති බවත්, 1993 රනිල් වික්‍රමසිංහ මහතා මෙම සමාගමේ 51%ක බහුතර කොටස් ජපන් සමාගමකට සොච්චම් මුදලකට විකුණා දැමූ බවත් නමුත් එම සමාගම නාවික යාන්ත්‍රා නිර්මාණය කළේ වාණිජමය අරමුණින් පමණක් බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

රාගම බටුවත්ත ප්‍රදේශයේ අද (3) රාත්‍රියේ සිදුකළ වෙඩිතැබීමකින් පුද්ගලයෙක් මියගොස් තිබේ.

අමෙරිකා එක්සත් ජනපදය සහ ඊශ්‍රායලය එක් වී ඉරානයට සිදුකළ ප්‍රහාර අන්තර්ජාතික නීතිය මුළුමනින්ම උල්ලංඝනය කිරීමක් බවත්, එක්සත් ජාතීන්ගේ ප්‍රඥප්තියේ ආරම්භක වාක්‍යයම එමගින් උල්ලංඝනය කර ඇති බවත් ජ්‍යෙෂ්ඨ මාධ්‍යවේදී මොහාන් සමරනායක මහතා පවසයි.

ඉන්දියාවේ සමාගමක් විසින් කොළඹ ඩොක්යාර්ඩ් සමාගමෙහි සියයට 51ක පාලන කොටස් අත්පත් කර ගැනීම ශ්‍රී ලංකා කොමියුනිස්ට් පක්ෂය දැඩි ලෙස හෙළා දකින බව එම පක්ෂය නිවේදනය කරයි. මෙය මෙය ආයෝජනයක් නොව, එය ආක්‍රමණයක් බවත් එහි සදහන් වේ.

අධිකරණයට අපහාස කිරීමේ නඩුවක් සම්බන්ධයෙන් බලයෙන් පහ කරන ලද අවාමි ලීග් නායිකා සහ හිටපු අගමැතිනි ෂෙයික් හසීනාට ඊයේ (02දා) මාස හයක සිර දඬුවමක් නියම කළ බව ද ඩකා ට්‍රිබියුන් වාර්තා කරයි.

අවුරුද්ද දහසයක් පරණ ගුවන් යානයක් ගෙනවිත් කොළඹ වටේ රවුම් තුනක් කරකැවීමට වියදම් කරපු අයටත් ඉදිරියේදී උත්තර දීමට සිදුවනු ඇතැයි ශ්‍රී ලංකා පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.