අධ්‍යයන පොදු සහතික පත්‍ර උසස් පෙළ විභාගය අද (04) ආරම්භ වෙයි.

විදුලිබල මණ්ඩල සේවකයන් අද කොළඹ 2 පිහිටි විදුලිබල මණ්ඩල ප්‍රධාන කාර්යාලය අසළ විරෝධතාවක නිරත වේ.

කීරි සම්බා ආනයනයට පෞද්ගලික අංශයට බලපත්‍ර නිකුත් කිරීමට පියවර ගෙන ඇති බව වාර්තා වේ.

2024.01.02 දින සිට 2024.01.03 වන දින තෙක් ගතවූ පැය 24ක කාලය තුළ දක්වා කාලය තුල සිදුකරන ලද 'යුක්තිය' විශේෂ මෙහෙයුමේදී සැකකරුවන් 1182 දෙනෙකු අත්අඩංගුවට ගෙන තිබේ.

ගුවන්තොටුපළ හා ගුවන් සේවා සමාගමේ ගුවන්තොටුපළ ඒකාබද්ධ වෘත්තීය සංගමයේ සාමාජිකයන් (සභාපති හා ලේකම් ඇතුළු) 23 දෙනෙකු අනිවාර්ය නිවාඩු යවා ඇති බව වාර්තා වේ.

සේවාවලට බාධා කරන හෝ ලංකා විදුලිබල මණ්ඩලයේ කළමනාකාරීත්වය විසින් නිකුත් කර ඇති මාර්ගෝපදේශ කඩකරමින් ක්‍රියාකරන ඕනෑම සේවකයකුගේ වැඩ තහනම් කර සුදුසු විනය ක්‍රියාමාර්ග ගන්නා ලෙස විෂය භාර ඇමැති කංචන විජේසේකර ලංවිම කළමනාකාරිත්වයට උපදෙස් ලබාදී ඇත.

හිමාලයා ප්‍රකාශනයේ දිගුවක් ලෙස ක්‍රියාත්මක කිරීමට යන සත්‍ය සෙවීමේ කොමිසම් පනත බලාත්මක කිරීමෙන් 13 වැනි සංශෝධනය සම්පූර්ණ වශයෙන් ක්‍රියාත්මක කිරීමට අවස්ථාව නිර්මාණය වන බවත්, 2009 දී රට බෙදීම වළක්වා ලැබූ යුද ජයග්‍රහණය හේතුවෙන් බෙදුම්වාදීන්ගේ කේවල් කිරීමේ බලය අහෝසි වුවද, මේ හරහා නැවත එම කේවල් කිරීමේ බලය බෙදුම්වාදීන්ගේ අතට ලැබෙන බවත් වෛද්‍ය වසන්ත බණ්ඩාර මහතා පවසයි.

රිමාන්ඩ් භාරයේ පසුවූ දේවගැති ජෙරම් ප්‍රනාන්දුට කොටුව මහෙස්ත්‍රාත් අධිකරණය මගින් අද (03දා) ඇප ලබාදී තිබේ.

පෙබරවාරි මස 01 වැනිදා සිට ජංගම බැංකු ගිණුමක් විවෘත කිරීමේදී, ගොඩනැගිලි සැලසුම් සඳහා අනුමැතිය ඉල්ලා සිටින විටදී, රථ වාහනයක් ලියාපදිංචි කිරීමේදී, රථවාහන ආදායම් බලපත්‍රයක් අලුත් කිරීමේදී සහ ඉඩමේ අයිතිය ලියාපදිංචි කිරීමේදී බදු හඳුනාගැනීමේ අංකය ඉදිරිපත් කිරීම අනිවාර්ය කර තිබේ.