ආණ්ඩු පාර්ශ්වයේ සිටින එකම මුස්ලිම් ඇමතිවරයා වන මුනීර් මුලව්ෆර් නියෝජ්‍ය ඇමැතිවරයා අදටත් නිට්ටඹුව ප්‍රදේශයේ එක්තරා ඇකඩමියක් භාරව ක්‍රියාකරන නල්විවරකු බවත්, නල්විවරු යනු දෙවියන් උදෙසා මිනිසුන් ජීවිතය පූජාකළ යුතු යැයි මත දරන පුද්ගලයන් බවත් ගලගොඩඅත්තේ ඥානසාර හිමි පවසති.

කෙහෙළිය රඹුක්වැල්ල හිටපු අමාත්‍යවරයාගේ පුත් රමිත් රඹුක්වැල්ල ප්‍රකාශයක් ලබාදීම සඳහා අල්ලස් කොමිසම හමුවට පැමිණ තිබේ.

කොළඹ හැව්ලොක් ටවුන් ප්‍රදේශයේ පිහිටි නිවාස සංකීර්ණයක නිවසක් තුළ තිබී T56 ගිනි අවියක් පොලිස් භාරයට ගෙන තිබේ.

පසුගිය මැතිවරණවල දී උතුරින් ලැබුණු විශාල ඡන්ද පදනම නිසා ජනාධිපති අනුර දිසානායක රණවිරු සැමරුමට සහභාගී නොවීමේ තීන්දුවක සිටි බව කොළඹ විශ්වවිද්‍යාලයේ මහාචාර්ය නිර්මාල් රංජිත් දේවසිරි මහතා පවසයි.

දිවයින පුරා රෝහල් රැසක මේ වනවිට දැඩි ඖෂධ හිඟියක් පවතින බව රජයේ වෛද්‍ය නිලධාරීන්ගේ සංගමය පවසයි.

කටුනායක නිදහස් වෙළෙඳ කලාපයේ පිහිටි NEXT ඇඟලුම් කර්මාන්ත ශාලාවේ සේවය කළ සේවක සේවිකාවන් 1400කට වැඩි පිරිසකට රැකියා අහිමි කරමින් එම කර්මාන්ත ශාලාව වසා දමා තිබේ.

රණවිරු සැමරුම් ආරාධනා පත්‍රයට ජනපතිගේ නම ඇතුලත් නොවීම, සහ ජනාධිපතිවරයා වෙනුවට ආරක්ෂක නියෝජ්‍ය අමාත්‍යවරයා ප්‍රධානත්වයෙන් රණවිරු සැමරුම සිදුකරන්නේ යැයි එම ආරාධනා පත්‍රයේ සඳහන් වීම ගැන දෙරණ වාදපිටියේදී ප්‍රශ්න කිරීමකට ලක්වූ අතර එහිදී ජාතික ජනබලවේගයේ පාර්ලිමේන්තු මන්ත්‍රී ලක්ෂ්මන් නිපුන ආරච්චි මහතා පැවසුවේ රණවිරු සැමරුම සමරන්නේ තම පක්ෂයේ ක්‍රමයට අනුව මිස අනෙක් අයගේ ක්‍රමයට නොවන බවයි.

තමන්ගේ අකමැත්තෙන් රණවිරු සැමරුමට ආ පළමු විධායක ජනාධිපතිවරයා අනුර කුමාර දිසානායක ජනාධිපතිවරයා බවත්, එසේ පැමිණ කළ කතාව දෙස බැලූ විට පෙනී යන්නේ එම අවස්ථාවට ජනාධිපතිවරයා නොපැමිණියා නම් ඊට වඩා හොඳ බවත් ජාතික නිදහස් පෙරමුණේ නායක විමල් වීරවංශ මහතා පවසයි.

දෙමළ ඩයස්පෝරාවෙන් කෝටි ගණන් මුදල් තමන්ට ලබාදුන් බවත්, ඡන්ද ව්‍යාපාරය මෙහෙයවනු ලැබුවේ එම මුදල්වලින් බවත් පාර්ලිමේන්තු මන්ත්‍රී අර්ච්චුනා රාමනාදන් පවසයි.