ජනාධිපති රනිල් වික්‍රමසිංහ මහතා සහ පොදුජන පෙරමුණේ නිර්මාතෘ හා හිටපු අමාත්‍ය බැසිල් රාජපක්ෂ මහතා අතර හමුවක් හෙට (21 දා) සවස පැවැත්වීමට නියමිත බව වාර්තා වේ.

රාජ්‍ය වෛද්‍ය පීඨ වල දැනට පවතින අර්බුද නොවිසඳා, වෛද්‍ය අධ්‍යාපනයේ ගුණාත්මක බව නොසලකා හැර, පුද්ගලික වෛද්‍ය විද්‍යාල ව්‍යාප්තිය කෙරෙහි පමණක් අවධානය යොමු කිරීම වර්තමාන වෛද්‍ය සිසුන්ට සහ ආචාර්ය මණ්ඩලයට කරන බලවත් අසාධාරණයක් බවත්, එමගින් වෛද්‍ය අධ්‍යාපනයේ ප්‍රමිතීන් බරපතළ ලෙස උල්ලංඝනය වන බවත් කොළඹ විශ්වවිද්‍යාලයීය වෛද්‍ය පීඨ ආචාර්ය සංගමය පෙන්වා දෙයි.

ශ්‍රි ලංකා වරාය අධිකාරිය සතු කන්කසන්තුරේ වරායේ පූර්ණ සංවර්ධන කටයුතු සඳහා ඇමරිකානු ඩොලර් මිලියන 61.5 ක ප්‍රදානයක් ලබා දීමට ඉන්දියානු රජය කැමැත්ත පල කර ඇති බව ශ්‍රි ලංකාවේ ඉන්දියානු මහ කොමසාරිස් සන්තෝෂ් ජා මහතා පැවසීය.

රක්ෂිත බන්ධනාගාරගත කර සිටින හිටපු අමාත්‍ය කෙහෙළිය රඹුක්වැල්ල මහතාව අධිකරණයට රැගෙන ඒමට බන්ධනාගාරයට ළමයින් ප්‍රවාහනයට යොදාගන්නා වෑන් රථයක් භාවිත කිරීම සම්බන්ධයෙන් ආන්දෝලනාත්මක තත්ත්වයක් මේ වන විට නිර්මාණය වී තිබේ.

ශ්‍රී ලංකා පොදුජන පෙරමුණ පක්ෂය තුළින් පාර්ලිමේන්තුවට තේරීපත්වූ පාර්ලිමේන්තු මන්ත්‍රීවරුන් වන චරිත හේරත්, දයාසිරි ජයසේකර, ගාමිණී වලේබොඩ සහ සමගි ජන බලවේගයේ පාර්ලිමේන්තු මන්ත්‍රීවරුන් වන හේෂා විතානගේ, එස්. එම් මරික්කාර් මෙන්ම පාර්ලිමේන්තු මන්ත්‍රී ෂානක්කියන් රාසමාණික්කම් යන මහත්වරු කෝප් කමිටුවේ සාමාජිකත්වයෙන් ඉවත් වී තිබේ.

ශ්‍රී ලංකාවේ ජපාන තානාපති මිසුකෝෂි හිඩෙකි (Mizukoshi Hideaki) සහ ජාතික ජන බලවේගයේ නායක අනුර කුමාර දිසානායක අතර හමුවක් අද (19) පෙරවරුවේ ජ.වි.පෙ. ප්‍රධාන කාර්යාලයේදී සිදුවිය.

ක්‍රි.ව 2-3 තරම් ඉතිහාසයට දිවයන වව්නියාවේ වඩුනාගල ඓතිහාසික සිද්ධස්ථානය බෞද්ධ පුරාවිද්‍යාත්මක ස්ථානයක් බවත්, මෙම ස්ථානයේ ශිව පූජා පවැත්වීම සම්බන්ධයෙන් අධිකරණය විසින් නියෝගයක්ද ලබාදී ඇත්තේ සවස 6.00 දක්වා පමණක් පූජා පැවැත්විය හැකි ලෙස පමණක් බවත් පාර්ලිමේන්තු මන්ත්‍රී විමල් වීරවංශ මහතා පවසයි.

‘පාර්ලිමේන්තු මැතිවරණය මුලින් තියන්නැයි පරදින බව දන්න එජාපය සහ පොහොට්ටුව ජනාධිපතිවරයාට දැඩි බලපෑමක් කරනවා’ යයි පිවිතුරු හෙළ උරුමයේ නායක පාර්ලිමේන්තු මන්ත‍්‍රී උදය ගම්මන්පිල මහතා පවසයි.

ලංකා ඛනිජ තෙල් නීතිගත සංස්ථාවෙන් වෙන්ව සපුගස්කන්ද ඉන්ධන පිරිපහදුව රාජ්‍ය ව්‍යවසායක් ලෙස ස්ථාපිත කිරීමට කැබිනට් අනුමැතිය ලැබී ඇත.