යුක්රේනය සහ රුසියාව අතර පවතින ගැටුමේදී රුසියාව ඊනියා “සාමූහික බටහිර” (Collective West ) කඳවුරට එරෙහිව තනිව සටන් කරන බව රුසියානු ජනාධිපති ව්ලැදිමීර් පුටින් ප්‍රකාශ කළේය.

ඉරානයේ සටන් නතර කිරීම සඳහා එක්සත් ජනපදය සමග වන ගිවිසුමක් ආසන්න මට්ටමක පවතින බවත්, එයට හෝමුස් සමුද්‍ර සන්ධිය නැවත විවෘත කිරීම ඇතුළත් වන බවත්, ඉරාන විදේශ කටයුතු අමාත්‍ය අබ්බාස් අරග්චි සඳහන් කරයි.

ඕමාන් වෙරළට ඔබ්බෙන් වූ මුහුදු තීරයේදී ‘Settebello’ නමැති වාණිජ තෙල් ප්‍රවාහන නෞකාවට ඇමෙරිකානු ආරක්ෂක අංශ විසින් එල්ල කරන ලද ප්‍රහාරය ඉන්දියාව විසින් දැඩි ලෙස හෙළාදැක ඇති බව නව දිල්ලියෙන් ලැබෙන වාර්තා සඳහන් කරයි.

මියන්මාරයේ යැංගොන් නුවරදී ඇමෙරිකානු රාජ්‍යතාන්ත්‍රිකයකු අභිරහස් ලෙස මියගොස් ඇති බව ඇමෙරිකානු රාජ්‍ය දෙපාර්තමේන්තුව තහවුරු කරයි.

ඉන්දීය රුපියල ස්ථාවර කරමින් රට තුළට විදේශීය ඩොලර් ආකර්ෂණය කර ගැනීම සඳහා එරට මහ බැංකුව (Reserve Bank of India) විසින් දියත් කරන ලද සුවිශේෂී මූල්‍ය උපායමාර්ගය හේතුවෙන් ඉන්දියානු මූල්‍ය වෙළඳපොළේ පොලී පිරිවැය ශීඝ්‍රයෙන් පහත වැටී ඇති අතර, එහි ප්‍රතිඵලයක් ලෙස දේශීය සමාගම් ඩොලර් බිලියන 3කට අධික ණය අරමුදල් රැස්කිරීමේ මහා පරිමාණ මෙහෙයුමක නිරත වෙමින් සිටී.

ඉරානයට එල්ල කිරීමට සැලසුම් කර තිබූ හමුදා ප්‍රහාර අවලංගු කළ බව අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කර තිබේ.

ගුවන් ක්ෂේත්‍රය මෙන්ම සමස්ත ලෝකයම දැඩි ලෙස කම්පනයට පත් කළ සිනමා පටයක තිර පිටපතක් බඳු සුවිශේෂී වංචාවක් අනාවරණය කරගනිමින්, නිසි බලපත්‍රයක් නොමැතිව වසර 17කට ආසන්න කාලයක් පුරා ජාත්‍යන්තර සහ දේශීය මගී ගුවන් වාර 900කට අධික සංඛ්‍යාවක් මෙහෙයවූ 'එයාර් කැනඩා' (Air Canada) ගුවන් සේවයේ හිටපු ප්‍රධාන නියමුවෙකු කැනඩා පොලිසිය විසින් අත්අඩංගුවට ගෙන ඇති බව ජාත්‍යන්තර මාධ්‍ය වාර්තා කරයි.

කුවේට් රාජ්‍යය විසින් එරටට ගෘහස්ථ මෙහෙකාර සේවක සේවිකාවන් (Domestic workers) බඳවා ගනු ලබන විදේශීය රටවල් සංඛ්‍යාව 10ක් දක්වා සීමා කිරීමට පියවර ගෙන ඇති බව ගල්ෆ් නිව්ස් පුවත් සේවය වාර්තා කරයි.

ඉරාන ප්‍රහාරවලින් පසු කුවේටය තම ගුවන් කලාපය තාවකාලිකව වසා දමා ඇති බව අද (11) විදෙස් මාධ්‍ය වාර්තා කරයි.