තෙල්දෙණිය ප්‍රදේශයේ නවතා තිබූ මෝටර් රථයක් තුළ තිබී කාන්තා මළ සිරුරක් සොයාගැනීමේ සිද්ධිය සම්බන්ධයෙන් ප්‍රධාන සැකකරු ලෙස හඳුනාගෙන ඇති, මියගිය කාන්තාවගේ පෙම්වතා සහ ඔහුගේ විවාහක බිරිඳ යාපනයේ දී අත්අඩංගුවට ගෙන තිබේ.

වත්මන් ගෝලීය දේශපාලන කරළියේ දැඩි කතාබහට ලක්වන ඉරාන-ඇමරිකානු අර්බුදය සහ ඉන් ගෝලීය බලතුලනයට එල්ල වන බලපෑම පිළිබඳව දෙවන පරපුර පක්ෂයේ නායක උවිඳු විජේවීර මහතා විශේෂ අදහස් දැක්වීමක් සිදුකර තිබේ.

අසාද් මවුලානා විසින් චැනල් 4 නාලිකාව වෙත ලබා දුන් ප්‍රකාශය ස්විට්සර්ලන්තයේ දේශපාලන සරණාගතභාවය (Political Asylum) ලබා ගැනීම වෙනුවෙන් සැලසුම් සහගතව ගෙතූ අසත්‍යයක් ද යන්න පිළිබඳව ප්‍රවීන මාධ්‍යවේදී ධර්ම ශ්‍රී කාරියවසම් මහතා විසින් සිය අන්තර්ජාල නාලිකාව හරහා විශේෂිත හෙළිදරව්වක් සිදුකර තිබේ.

හැකර් ප්‍රහාරයකට ලක්වූ බව පවසන මහා භාණ්ඩාගාරයට අයත් ඩොලර් මිලියන 2.5ක මුදල සැබවින්ම සොරාගෙන ඇත්තේ හැකර්වරයෙකු නොව, ඕස්ට්‍රේලියාවේ පදිංචි වත්මන් රජයට සම්බන්ධ ඒජන්තවරයෙකු බවට හිටපු පාර්ලිමේන්තු මන්ත්‍රී ප්‍රේමනාත් දොලවත්ත මහතා චෝදනාවක් එල්ල කරයි.

මෙවර අයවැය යෝජනාව මඟින් එළැඹෙන ජූලි 1 වන දින සිට ක්‍රියාත්මක කිරීමට යෝජිතව තිබූ වැට් බදු සහ සමාජ ආරක්ෂණ බද්ද සඳහා වාර්ෂික පිරිවැටුම් සීමාව රුපියල් මිලියන 60 සිට රුපියල් මිලියන 36 දක්වා අඩු කිරීමේ යෝජනාව ක්‍රියාත්මක නොකරන බව ආර්ථික සංවර්ධන නියෝජ්‍ය අමාත්‍ය නිශාන්ත ජයවීර පවසයි.

ශ්‍රී ලංකාවේ ශ්‍රේෂ්ඨාධිකරණය සහ අභියාචනාධිකරණය වැනි ඉහළම අධිකරණ පද්ධතිය සඳහා විනිසුරුවරුන් අටදෙනකු පත් කිරීමට පියවර නොගැනීමෙන් ජනාධිපති අනුර කුමාර දිසානායක මහතා පෙරළිකාර වාර්තාවක් තබා ඇති බව කළුතර දිස්ත්‍රික්කය නියෝජනය කරන පාර්ලිමේන්තු මන්ත්‍රී අජිත් පී. පෙරේරා මහතා පාර්ලිමේන්තුවේදී ප්‍රකාශ කළේය.

පුද්ගලයන් ලියාපදිංචි කිරීමේ දෙපාර්තමේන්තුවේ නිල පණිවිඩයක ස්වරූපයෙන් WhatsApp හරහා පැමිණෙන සූක්ෂ්ම මූල්‍ය වංචාවක් පිළිබඳව වහාම අවධානයෙන් පසුවන ලෙස ශ්‍රී ලංකා පරිගණක හදිසි ප්‍රතිචාර සංසදය මහජනතාවගෙන් ඉල්ලා සිටී.

යුද සමයේදී උතුරු සහ නැගෙනහිර පළාත්වල ජීවත් වූ දෙමළ ජනතාව සතු රන් ආභරණ කිසිවක් ආරක්ෂක අංශ විසින් ලබාගෙන නොමැති බව ආරක්ෂක නියෝජ්‍ය අමාත්‍ය අරුණ ජයසේකර පවසයි.

ශ්‍රී ලංකාවේ දැනට පවතින ඉන්ධන මිල ගණන්වල විශාල වෙනසක් කිරීමේ හැකියාවක් නොමැති බව ලංකා ඛනිජ තෙල් නීතිගත සංස්ථාවේ කළමනාකාර අධ්‍යක්ෂ මයුර නෙත්තිකුමාරගේ පවසයි.