ශ්‍රී ලංකාවට වර්ග කිලෝ මීටර 1778062.23 ක දැවන්ත ගුවන් තොරතුරු කළාපයක් හිමිව තිබේ. සමස්ත ජාතියටම අයත් මෙම සම්පත හරහා ජාත්‍යන්තර ගුවන් සේවා රාශියක් වසරේ දින 365 පුරා සෑම මොහොතකම අපගේ ගුවන් තොරතුරු කළාපය හරහා ගුවන් යානා පියාසර කරවති. ඒ අනුව ශ්‍රී ලංකාවට අයත් ගුවන් තොරතුරු කළාපය තුළ ගුවන් ගමන් පාලනයේදී ගගන නාවික තොරතුරු කාර්යක්ෂමව නිවැරැදිව නිෂ්චිත මොහොතේදී බෙදා හැරීම, ආරක්ෂිත ලාභදායි පරිසර හිතකාමී ගුවන් ගමනකට අත්‍යවශ්‍ය මූලික අංගයකි.

පරිසර අමාත්‍ය ධුරය ජනාධිපති රනිල් වික්‍රමසිංහ මහතා යටතට ගෙන ඇත.

අරගල සමයේ පාර්ලිමේන්තු මන්ත්‍රී අමරකීර්ති අතුකෝරළ මහතා ඝාතනයට ලක්වූ අවස්ථාවේ එම ස්ථානයේ සිටි හමුදා ඛණ්ඩ දෙකක් මන්ත්‍රීවරයාගේ ජීවිතය බේරා ගැනීමට කටයුතු නොකිරීම සම්බන්ධයෙන් විමර්ශනයක් ආරම්භ කර ඇති බව ජාතික ආරක්ෂාව පිළිබඳ ආංෂික අධීක්ෂණ කාරක සභාවේ සභාපති රියර් අද්මිරාල් ආචාර්ය සරත් වීරසේකර මහතා පවසයි.

ලෝක ආර්ථිකය හැකිළීම ඇතුළු ලෝකය මුහුණ දී ඇති අර්බුදයන් තවදුරටත් උත්සන්න වීමට ඊශ්‍රායල - පලස්තීන යුද ගැටුම හේතු වන බවත් එවැනි තත්ත්වයක් තුළ සමස්ත ලෝකවාසීන්ගේම යහපත පිණිස, ඊශ්‍රායල - පලස්තීන යුද ගැටුම සමනයට, සෑම ලෝක බල කඳවුරක්ම වහාම කටයුතු කළ යුතුව ඇතැයි උත්තර ලංකා සභාගය අවධාරණය කරයි.

බටහිර ජෙරුසලමට මිලිටරි ආධාර වැඩි කිරීමට වොෂින්ටනය සූදානම් වන මොහොතේ පවා හමාස් සංවිධානයට ඊශ්‍රායලයට පහර දීමට එක්සත් ජනපදය විසින් සපයන ලද ආයුධ භාවිතා කරන බව සීඅයිඒ සංවිධානයේ හිටපු විශ්ලේෂක ලැරී ජොන්සන් පසුගිය 09 වනදා රුසියානු RT වෙබ් අඩවිය වෙත අදහස් දක්වමින් පැවසීය.

ලෝකය පුරා අණසක පැතිරවීම, තම සංවිධානයේ අරමුණ යැයි හමාස් අණ දෙන නිලධාරී මහමුද් අල් සහාර් මිනිත්තුවක වීඩියෝ පණිවුඩයක් නිකුත් කරමින් පවසා ඇත.

මුලතිව් හිටපු දිසා විනිසුරු සහ මහේස්ත්‍රාත් ටී. සරවනරාජා මහතාට කිසිදු ජීවිත තර්ජනයක් හෝ වෙනත් තර්ජනයක් නොතිබූ බවත් අවම තරමින් සිය බිරියටත් නොදන්වා ඔහු විදේශගත වී ඇත්තේ පූර්ව සැලසුමකට බවත් මේ වන විට සිදු කර ඇති විමර්ශනවලින් තහවුරු වී ඇතැයි අපරාධ පරීක්ෂණ දෙපාර්තමේන්තුවේ ඩිජිටල් වෝහාරික අංශය රජයට ඉදිරිපත් කළ වාර්තාවේ සඳහන් වේ.

රනිල් වික්‍රමසිංහ ජනාධිපතිවරයා විසින් 13 වැනි සංශෝධනය සමුපූර්ණයෙන්ම බලාත්මක කළහොත් රටට සිදුවන විපත පැහැදිලි කරමින් ජ්‍යෙෂ්ඨ නිතිඥ කල්‍යානන්ද තිරාණගම මහතා විසින් ‘ද අයිලන්ඩ්‘ පුවත්පතට සපයන ලද කොටස් 9කින් සමන්විත දීර්ඝ නිබන්ධනය ඔහු අවසන් කරන්නේ මෙසේය.

පසුගිය වසර තුනක කාලසීමාව තුළ රජයේ විශ්වවිද්‍යාලවලින් වාර්තා වූ නවක වද සිද්ධීන් සහ ඒවා වැළැක්වීම සඳහා ගනු ලැබූ ක්‍රියාමාර්ග පිළිබඳ වාර්තාවක් නොවැම්බර් 10 වනදාට පෙර ඉදිරිපත් කරන ලෙස ශ්‍රේෂ්ඨාධිකරණය විසින් දිවයිනේ සියලුම රජයේ විශ්වවිද්‍යාල වෙත නියෝගයක් නිකුත් කර තිබේ.