අනුර කුමාර දිසානායක ජනාධිපතිවරයාගේ රජය හදිසි නීතිය සහ ත්‍රස්තවාදය වැලැක්වීමේ අඥා පනත යටතේ ක්‍රියාත්මක කරගෙන යන මර්ධනකාරී වැඩපිළිවෙලට දැඩි විරෝධතාවය දක්වන බවත්, උතුරේ මහවිරු සැමරුම් ප්‍රචාරය කළ බවට මේ වන විට කිහිපදෙනෙකු අත්අඩංගුවට ගෙන ඇති බවත් දේශප්‍රේමී ජාතික පෙරමුණේ සභාපති නීතිඥ නුවන් බැල්ලන්තුඩාව මහතා පවසයි.

ජාතික ජන බලවේගය පහුගිය මැතිවරණවලදී ලබාදුන් මැතිවරණ පොරොන්දු ඉදිරි අයවැයෙන් ඉටු කිරීම ඉතාම අභියෝගාත්මක තත්ත්වයකට පත්ව ඇති බව කොළඹ විශ්ව විද්‍යාලයේ ආර්ථික විද්‍යා අධ්‍යයන අංශයේ කථිකාචාර්ය ප්‍රියංග දුනුසිංහ මහතා පෙන්වා දෙයි.

ශ්‍රී ලංකාවට විශාල රාජ්‍ය අංශයක් දැරීමට තව දුරටත් නොහැකි වනු ඇති බවත් නුදුරේදී රාජ්‍ය සේවක සංඛ්‍යාව අඩු කිරීම ආරම්භ කළ යුතු බවත් ජනාධිපති ජ්‍යෙෂ්ඨ උපදේශක දුමින්ද හුළංගමුව මහතා සඳහන් කරයි.

අමෙරිකාවේ ජනාධිපතිධූරය සඳහා තේරීපත්ව සිටින ඩොනල්ඩ් ට්‍රම්ප් BRICS රටවලට ප්‍රබල අනතුරු ඇඟවීමක් සිදුකර තිබේ.

හිටපු අමාත්‍ය බන්දුල ගුණවර්ධන මහතා අද (03) දිනයේ අපරාධ පරීක්ෂණ දෙපාර්තමේන්තුවට කැඳවා ඇත.

30 වසරක යුද්ධයේ දී රටේ ඒකීය භාවය සුරැකීම වෙනුවෙනුවෙන් දිවිපිදූ සහ අබාධිත වූ විරෝධාර රණවිරුවන් සැමරීමේ වැඩසටහනක් අද(02) කොළඹ කොටුව බුදුපිළිම වහන්සේ අභියස දී පැවැත්විණි.

චක්‍රලේඛයක් නිකුත් කිරීමේ ප්‍රමාදය හේතුවෙන් මෙරට සිටින විශේෂඥ වෛද්‍යවරුන් 200කට අධික පිරිසක් අකාලයේ විශ්‍රාම යෑමේ අවදානමකට ලක්ව ඇති බව වාර්තා වේ.

සංචාරක වීසා බලපත්‍ර මගින් ප්‍රංශයට සහ බෙල්ජියමට යාමට උත්සාහ කළ යාපනය ප්‍රදේශයේ තරුණයන් කිහිප දෙනෙකු යුක්රේනයට එරෙහිව බලහත්කාරයෙන් සටන් කිරීමට සලස්වා ඇති බවට පසුගියදා පළ වූ පුවත් මාලාවක් සම්බන්ධයෙන් සම්බන්ධයෙන් පිළිබඳව ශ්‍රී ලංකාවේ රුසියානු තානාපති කාර්යාලය සිය ස්ථාවරය පවසා තිබේ.

ෆෙඩරල් ගිනි අවි සහ බදු නීති කඩ කිරීම සම්බන්ධයෙන් මේ වසර මුලදී වරදකරු වූ ඉවත්ව යන එක්සත් ජනපද ජනාධිපති ජෝ බයිඩන්ගේ පුත් හන්ටර්ට ජනාධිපති සමාව ලැබී ඇතැයි වාර්තා වේ. ඒ අනුව ඉවත්ව යන එක්සත් ජනපද ජනපති තමාගේ වචන වලට තමාම පිටුපා ඇතැයි එරට ජනතාව පවසන බවද පුවත් වාර්තා පවසයි.