රුපියල් මිලියන 330කට මිලදී ගත හැකි ‘සිපරොක්සින්’ නමැති ප්‍රබල ප්‍රතිජීවක එන්නත් කුප්පි ලක්ෂ නවයක් මිලදී ගැනීම සඳහා රුපියල් මිලියන 1000ක් ඉක්මවූ වැඩි ලංසුවක් ඉදිරිපත් කර ඇති ඒකාධිකාරී බලයක් සහිත සමාගමකට ලබාදීමේ සූදානමක් පවතින බවට ‘ඉරිදා දිවයින’ පුවත්පත වාර්තා කරයි.

සමරිසි පනත පාර්ලිමේන්තුවට ඉදිරිපත් කිරීමට විරෝධය දැක්වීමට සහ ඒ පිළිබඳ දේශපාලන අධිකාරිය දැනුවත් කිරීමට සමස්ත ලංකා බෞද්ධ මහා සම්මේලනය යටතේ ස්ථාපිත ජාතික උපදේශක සභාව තීරණය කර ඇති බව වාර්තා වේ.

වයඹ පළාතේ සංවිධානයක් වන අතුගල්පුර බොදු උරුමය සුරැකීමේ සංවිධානය විසින් නසීර් අහමඩ් නමැති හිටපු නැගෙනහිර ආණ්ඩුකාරවරයා වයඹ පළාතේ ආණ්ඩුකාරවරයා ලෙස පත් නොකරන ලෙස ජනාධිපතිවරයාගෙන් ඉල්ලා තිබූ බවත්, එම ඉල්ලීම අකිල විරාජ් කාරියවසම් මහතාගේ අතට පත්වූ විට ඔහු පවසා තිබුනේ ජනාධිපතිවරයා පත් කිරීමේ දී බැසිල් රාජපක්ෂ සහ ජනාධිපති අතර ගිවිසුමක් පැවති බවත්, එම ගිවිසුමට අනුව ආණ්ඩුකාරවරයා නම් කිරීමේ බලය ඇත්තේ බැසිල් රාජපක්ෂට හෙයින් මෙයට කළ හැකි ‍දෙයක් නොවන බවත් යැයි එම සංවිධානයෙන් පැවසූ බව දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

පාර්ලිමේන්තුවට සහ කැබිනට් මණ්ඩලයට අයත් මූල්‍ය බලය තමන් වෙත පවරා ගැනීමට ජනාධිපතිවරයා පනතක් ගෙනවිත් ඇති බවත්, මෙම පනත ගෙන ඒමේ අරමුණ ජාත්‍යන්තර මූල්‍ය අරමුදලේ තවත් එක් යෝජනාවක් හෝ අධිරාජ්‍යවාදීන්ගේ යෝජනාවක් දැයි සැකයක් පවතින බවත් නීතිඥ මධුමාලි අල්විස් මහත්මිය පවසයි.

රට විනාශකාරී තැනකට පත්වීමට හේතුවක් වූයේ ජනාධිපති රනිල් වික්‍රමසිංහ මහතා විසින් ගෙන එන ලද පනත් බවත්, හොර ජාවාරම්කරුවන්ට විදෙස් විනිමය මංකොල්ල කෑමට හැකි වන ලෙස විදේශ විනිමය පනත 2017 වසරේදී ජනාධිපතිවරයා විසින් සම්මත කළ බව හා විදේශ විනිමය මහ බැංකු පාලනයෙන් මුදා හැරීමට ඔහු කටයුතු කළ බවත් ජ්‍යෙෂ්ඨ නීතිඥ කල්‍යානන්ද තිරාණගම මහතා පවසයි.

ජනාධිපති රනිල් වික්‍රමසිංහ මහතා පනත් 104ක් ගෙන ඒ්මට බලාපොරොත්තු වන බව පවසා ඇති බවත්, ඉන් එක් පනතක් වන්නේ රාජ්‍ය ණය කළමනාකරණ පනත බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

පාලකයන් බලය වෙනුවෙනුවෙන් ශ්‍රී ලංකාව ඉන්දියානුකරණය කිරීමේ උත්සාහයේ ප්‍රතිඵලයක් ලෙස මෙරට ආගමන සේවාව VFS ආයතනයට පැවරීමේ ක්‍රියාවලිය පිළිබඳව තොරතුරු පසුගිය දිනවලදී අනාවරණය විය.

ඉදිරි ජනාධිපතිවරණ කටයුතු සංවිධානය කිරීම සම්බන්ධයෙන් සාකච්ඡා කිරීමට ශ්‍රී ලංකා පොදු ජන පෙරමුණ පක්ෂය වෙනුවෙන් බැසිල් රාජපක්ෂ මහතා ඉදිරි දින කිහිපයේදී ජනාධිපති රනිල් වික්‍රමසිංහ මහතා හමුවීමට නියමිත බව එම පක්ෂයේ අභ්‍යන්තර ආරංචි මාර්ග සඳහන් කරයි.

කොඩි ගහ යට නම් ටෙලි නාට්‍ය නිර්මාණය කිරීමේදී එහි රංගනයේ යෙදෙන ජගත් මනුවර්ණ තමන්ට මුල්‍ය වංචාවක් සිදු කළ බව එහි නිෂ්පාදක අනිල් බණ්ඩාර මහතා සඳහන් කරයි.