නඳුන් චින්තක නොහොත් "හරක් කටා" තමන්ව ශ්‍රී ලංකාවට ගෙන්වා නොගන්නැයි ඉල්ලමින් රුපියල් මිලියන 700ක් ලබාදීමට උත්සාහ කළ බව මහජන ආරක්ෂක අමාත්‍ය ටිරාන් අලස් මහතා පවසයි.

විදුලිය බිල යළිත් වරක් වැඩිවීම හේතුවෙන් කම්හල් සහ ව්‍යාපාර ස්ථාන පහළොස් දහසත් විසි දහසත් අතර සංඛ්‍යාවක් ඉදිරියේදී වැසී යෑමේ බරපතළ අවදානමක් මතුව ඇතැයි ආර්ථික අර්බුදයේ බලපෑම සමනය කිරීම පිළිබඳ ආංශික අධීක්ෂණ පාර්ලිමේන්තු කාරක සභාවේ සභාපති රත්නපුර දිස්ත්‍රික් පාර්ලිමේන්තු මන්ත්‍රී ගාමිණී වලේබොඩ මහතා රජයට පෙන්වා දෙයි.

රජයේ ආරංචි මාර්ග සඳහන් කරන්නේ රජය විසින් ඉඩම් සඳහා වන බද්දක් පැනවීමට සුදානමක් ඇති බවයි.

ලිට්‍රෝ ගෘහස්ථ ගෑස් සිලින්ඩරවල මිල අද (04) මධ්‍යම රාත්‍රියේ සිට ඉහළ දැමෙන බව වාර්තා වේ.

සමෘද්ධිලාභීන්ගේ අනිවාර්ය ඉතුරුම් ගිණුමවල පවතින රුපියල් කෝටි 5359 කට වැඩි මුදලක් රජයේ විවිධ අවශ්‍යතා සඳහා ලබාදී ඇතැයි ජාතික විගණන කාර්යාලය නිකුත් කළ වාර්තාවක් අනාවරණය කරයි.

සීනි සඳහා ශත 25 ක තිබූ බදු මුදල රුපියල් 50ක් දක්වා ඉහළ දැමීම පසුපස දැවැන්ත කුමන්ත්‍රණයක් ක්‍රියාත්මකව ඇති බව පෙරටුගාමී සමාජවාදී පක්ෂය පවසයි.

ශ්‍රී ලංකා ක්‍රිකට් කණ්ඩායමේ පරාජය සම්බන්ධයෙන් වගකීම ශ්‍රී ලංකා ක්‍රිකට් ආයතනය සහ ක්‍රිකට් තේරීම් කමිටුව බාරගත යුතු බව ක්‍රීඩා අමාත්‍ය රොෂාන් රණසිංහ මහතා නිවේදනයක් නිකුත් කරමින් පවසයි.

නැගෙනහිර පළාත් හිටපු ආණ්ඩුකාර අනුරාධා යහම්පත් මහත්මිය විසින් පත්කළ විද්වත් කමිටුවක් විසින් සකස්කළ වාර්තාවක් නිල වෙබ් අඩවියෙන් ගලවා ඉවත් කරන ලෙසත්, වර්තමාන ආණ්ඩුකාර සෙන්දිල් තොණ්ඩමන් නියෝගකර ඇති බව වාර්තා වේ.

වැට් බද්ද ඉහළ දැමීමට ගෙන තිබෙන තීරණය තමා කිසිවිටකත් අනුමත නොකරන බව පාර්ලිමේන්තු කතානායක මහින්ද යාපා අබේවර්ධන මහතා පවසයි.