ඉරානය සහ ඊශ්‍රායල-ඇමරිකානු පාර්ශවයන් අතර හටගෙන ඇති ගැටුම්කාරී තත්ත්වය හේතුවෙන්, ආසියානු කලාපයේ ප්‍රධාන වෙළෙඳ මාර්ගයක් වන හෝමූස් සමුද්‍ර සන්ධිය හරහා නෞකා ගමනාගමනය අත්හිටුවීමට ඉරාන බලධාරීන් පියවර ගෙන ඇත. මේ හේතුවෙන් ලෝක වෙළෙඳපොළේ නෞකා ප්‍රවාහන ගාස්තු සීඝ්‍රයෙන් ඉහළ යමින් පවති.

ජනාධිපති අනුර කුමාර දිසානායක පසුගියදා තකහනියේම පාර්ලිමේන්තුවට ගොස් ඉරානය මුහුණපා ඇති ඛේදවාචකය ගැන වචනයක්වත් නොකියා, ලංකාවට ඉදිරියේදී බලපාන්නට නියමිත යැයි පැවසෙන බලශක්ති අර්බුදයක් ගැන කියමින් “රට බය කරන අතරේ” ‍ශ්‍රී ලංකාව නැමැති මේ “පුණ්‍ය භූමිය හුණ්ඩුවකට” උපමා කරමින් කතාවක් කළේ, “ආණ්ඩුවේ හුණ්ඩුව” ඇතුලේ ධම්මික පෙරේරා නැමැති සටකපට ව්‍යාපාරිකයාගේ “ගුණ්ඩුව” සඟවමින් රට සහ ජනතාව මුලා කරමින් ගෑස් වෙළඳාමේ අයිතිය ධම්මික පෙරේරාගේ අධ්‍යක්ෂ ධූරයෙන් බලගැන්වුණු “ලාෆ්ස් සමාගමට” ලබා දීමට බව විමල් වීරවංශ මහතා හෙළිදරව් කළේය.

ලංකා විදුලිබල මණ්ඩලයේ කාර්යයන් සහ රාජකාරි පවරාදෙමින් අනුප්‍රාප්තික සමාගම් හයක් පිහිටුවීම සඳහා විධිවිධාන සලසමින් බලශක්ති අමාත්‍ය කුමාර ජයකොඩි විසින් අතිවිශේෂ ගැසට් නිවේදනයක් නිකුත් කර තිබේ.

උතුරු පර්සියානු ගල්ෆ් කලාපයේ දී අමෙරිකානු තෙල් ප්‍රවාහන නෞකාවකට ප්‍රහාර එල්ල කළ බව ඉරාන රාජ්‍ය රූපවාහිනිය නිවේදනය කර තිබේ.

ඉරාන නාවික හමුදාවට අයත් 'අයිරිස් ඩෙනා' නම් යුද නෞකාව ගාලු ධීවර වරායට ධීවර සැතපුම් 40ක පමණ දුරින් ඊයේ දිනයේදී අනතුරකට ලක්වූ අතර අමෙරකා එක්සත් ජනපදය වසින් ඊයේ දින පවසා සිටියේ එම නෞකාවට තමන් පහරදුන් බවය.

මැදපෙරදිග කලාපයේ පවතින අස්ථාවර යුදමය වාතාවරණය හේතුවෙන් මෙරට තේ කර්මාන්තය දැඩි අර්බුදයකට මුහුණ පා ඇති බව ජාතික තේ වැවිලිකරුවන්ගේ සංගමය පෙන්වා දෙයි.

ඇමරිකානු කොංග්‍රස් මණ්ඩලයේ නියෝජිත මන්ත්‍රී මණ්ඩලය සහ සෙනෙට් සභාව ඉරාන යුද්ධයේ ඉදිරි ක්‍රියාමාර්ග පිළිබඳව සංවෘත දොරටු පිටුපස (Closed-door briefings) සාකච්ඡා පවත්වමින් සිටියදී, හිටපු මැරීන් සර්ජන්ට්වරයෙකු වන බ්‍රයන් මැක්ගිනස් (Brian McGuinness) විසින් සිදුකළ විරෝධතාවයක් හේතුවෙන් සභාවේ කටයුතුවලට බාධා එල්ල විය.

අනුර කුමාර දිසානායක ජනාධිපතිවරයා රටේ ජනාධිපතිවරයා බවත්, රටට වගකිවයුතු නායකයා ලෙස පාර්ලිමේන්තුවේදී ජනාධිපතිවරයා සිදුකරන ප්‍රකාශ පිළිබඳව ප්‍රශ්නයක් ඇති බවත්, පූජ්‍ය අනුරාධපුර සෝමරතන හිමි පවසති.

අමෙරිකානු සැබ්මැරීනයක සිට ටොපිඩෝවක් උපයෝගි කරගනිමින් ජාත්‍යන්තර මුහුදු සීමාවේදී ඉරාන නෞකාවක් මුහුදු බත්කළ බව අමෙරිකානු ආරක්ෂක ලේකම් පීටර් හෙග්සෙත් පවසයි.