පකිස්තානයේ විශාලතම ආගමික දේශපාලන පක්ෂය වන Jamiat Ulema-e-Islam (JUIF) හි නායකයා හමාස් සංවිධානය වෙත පසුගියදා මූල්‍ය ආධාර ලබා දීමට සූදානම් බව ප්‍රකාශ කළේය. එලෙසම පෙෂොවර් නගරයේ පැවැති දැවැන්ත රැලියක් අතරතුර ඊශ්‍රායලයට එරෙහි සටනේදී පලස්තීන සටන්කාමී කණ්ඩායමේ යුද පෙරමුණට සහභාගි වීමටද සූදානම් බව ප්‍රකාශ කළ බව ඊයේ පෙෂාවර් ආශ්‍රිත ප්‍රාදේශීය මාධ්‍ය වාර්තා කළේය.

ඊශ්‍රායලයට සහාය දක්වන බව අමෙරිකාව වරින් වර අඛණ්ඩව පවසමින් සිටින පසුබිමක ඊශ්‍රායල - හමාස් ගැටුමේ දී පලස්තීනයට සහාය දක්වමින් විරෝධතාකරුවන් දහස් ගණනක් නිව්යෝර්ක්හි දී දැවැන්ත විරෝධතාවක නිරත වී තිබේ.

ඊශ්‍රායලය ගාසා තීරයේ ජන සංහාරයක් සිදු කරන බව හමාස් සංවිධානයේ නායක ඉස්මේල් හනියේ රූපවාහිනිය ඔස්සේ ජනතාව අමතමින් ප්‍රකාශකර ඇති අතර, ඇමෙරිකාව සහ තවත් යුරෝපා රටවල් කිහිපයක් සමඟ එකතු වී ඊශ්‍රායලය මෙම ජන සංහාරය සිදු කරන බව හමාස් නායක චෝදනා කර ඇත.

ඊශ‍්‍රායල හමුදාව ප‍්‍රකාශ කර ඇත්තේ ඉදිරි පැය 24 තුළදී ගාසා තීරයට උතුරින් වෙසෙන සියලූ ජනතාව දකුණු ගාසා තීරයට පැමිණ පදිංචි විය යුතු බවයි.

පලස්තීන ජනතාවගේ දුක්ඛිත තත්ත්වය නොසලකා හැරිය නොහැකි බව රුසියානු ජනාධිපති ව්ලැඩිමීර් පුටින්, ඉරාක අගමැති මොහොමඩ් ෂියා අල් සුඩානි සමඟ පැවැත්වූ සාකච්ඡාවලින් දිනකට පසු 11 වනදා මොස්කව්හිදි සතිපතා පැවැත්වෙන රුසියානු බලශක්ති සංසදයේදී පැවසීය.

ඊශ්‍රායලය ගතවු දින 6 තුළ පලස්තීනය වෙත කිලෝග්‍රෑම් 4,000ක පමණ පුපුරණ ද්‍රව්‍ය සහිත බෝම්බ 6,000ක් එල්ල කර තිබේ.

බටහිර ජෙරුසලමට මිලිටරි ආධාර වැඩි කිරීමට වොෂින්ටනය සූදානම් වන මොහොතේ පවා හමාස් සංවිධානයට ඊශ්‍රායලයට පහර දීමට එක්සත් ජනපදය විසින් සපයන ලද ආයුධ භාවිතා කරන බව සීඅයිඒ සංවිධානයේ හිටපු විශ්ලේෂක ලැරී ජොන්සන් පසුගිය 09 වනදා රුසියානු RT වෙබ් අඩවිය වෙත අදහස් දක්වමින් පැවසීය.

ලෝකය පුරා අණසක පැතිරවීම, තම සංවිධානයේ අරමුණ යැයි හමාස් අණ දෙන නිලධාරී මහමුද් අල් සහාර් මිනිත්තුවක වීඩියෝ පණිවුඩයක් නිකුත් කරමින් පවසා ඇත.

රුසියානු යුද වාර්තාකරු ඇන්ඩ්‍රේ රුඩෙන්කො ගේ (Andrey Rudenko) නවතම යුද වර්තාවකට අනුව රුසියානු ගුවන් හමුදාවට අළුතින්ම එක්වී ඇති ලැන්සෙට් ( Lancet ) ඩ්‍රෝන යානයක්, යුක්‍රේන ගුවන් හමුද කඳවුරක ස්ථානගත කර ඇති Su-25 ප්‍රහාරක ජෙට් යානයක නියමු කුටියට සෘජුවම පහර දී විනාශ කිරීමට සමත්ව තිබේ.