ඉරානයේ පාර්ලිමේන්තුව (Majlis), ජාත්‍යන්තර පරමාණුක බලශක්ති නියෝජිතායතනය (IAEA) සමඟ ටෙහෙරානයේ සහයෝගීතාව අත්හිටුවීමට පනතක් අනුමත කර තිබේ. මෙම තීරණයට හේතු වී ඇත්තේ IAEA විසින් ඉරානයට එරෙහිව සම්මත කරන ලද “දේශපාලනික අරමුණු මුල් කරගත්” යෝජනාවකි.

ඉරානයේ න්‍යෂ්ටික කඳවුරුවලට එල්ල කරන ලද ඇමරිකානු ප්‍රහාර මගින් එරට න්‍යෂ්ටික වැඩසටහන සම්පූර්ණයෙන් විනාශ වී නැති බවත්, එය මාස කිහිපයකින් පමණක් ප්‍රමාද වූ බවත් පෙන්ටගනයේ මූලික බුද්ධි තක්සේරුවකින් හෙළි වී තිබෙන බව බීබීසී වාර්තා කරයි.

විදේශීය සිසුන්ට හාවඩ් විශ්ව විද්‍යාලයේ අධ්‍යාපනය ලැබීම තහනම් කිරීමින් අමෙරිකානු ජනාධිපති ඩොනල්ඩ් ට්‍රම්ප් පැනවූ තහනම එරට ෆෙඩරල් විනිසුරුවරයෙකු විසින් දෙවන වරටත් අවහිර කර තිබේ.

ඉරාන-ඊශ්‍රායල ගැටුම සම්බන්ධයෙන් අදහස් පළ කරමින් චීනය ප්‍රකාශ කර ඇත්තේ සංවාදය හා සාකච්ඡාව ප්‍රශ්න විසඳා ගැනීමේ නිවැරදි ක්‍රමය බවයි.

අමෙරිකානු ජනාධිපති ඩොනල්ඩ් ට්‍රම්ප් විසින් ප්‍රකාශයට පත් කරන ලද සටන් විරාමයට ගරු කරන්නේ ඊශ්‍රායලය ද එම කොන්දේසි පිළිපදින්නේ නම් පමණක් බව ඉරාන ජනාධිපති මසූඩ් පෙසෙෂ්කියන් පවසා ඇත.

මැදපෙරදිග සහ පර්සියානු ගල්ෆ් කලාපයේ උණුසුම්කාරී තත්ත්වය උත්සන්න වීම සම්බන්ධයෙන් රුසියානු විදේශ අමාත්‍යාංශයෙන් ප්‍රකාශයක් නිකුත් කර තිබේ.

ඉරාන ආරක්ෂක අමාත්‍ය බ්‍රිගේඩියර් ජෙනරාල් අසීස් නසීර්සාදී සහ ඔහුගේ රුසියානු සහචරයා ඊයේ(23) රාත්‍රියේ කරනු ලැබූ දුරකථන සාකච්ඡාවකදී "ආක්‍රමණිකයන්ට" එරෙහිව දෙරටෙහි උපායමාර්ගික පෙළගැස්ම තහවුරු කළ බවත්, ඉරානයේ ස්වෛරීභාවයට මෑත කාලීනව එල්ල කළ ප්‍රහාර සඳහා වගකිව යුතු අයට දඬුවම් කිරීමට සම්බන්ධීකරණ ක්‍රියාමාර්ග ගන්නා බවට පොරොන්දු වී ඇතැයි ටෙහෙරාන් ටෛම්ස් පුවත් පත පවසයි.

ඇමරිකානු ජනාධිපති ඩොනල්ඩ් ට්‍රම්ප් අඟහරුවාදා ප්‍රකාශ කළේ ඊශ්‍රායලය සහ ඉරානය අතර සටන් විරාමයක් දැන් ක්‍රියාත්මක වන බවයි. රටවල් දෙකෙන්ම මාරාන්තික ප්‍රහාර වාර්තා වුවද, දින 12 ක් පුරා පැවති යුද්ධය අවසන් කිරීමේ බලාපොරොත්තු වැඩි කරමින්, සටන් විරාමය කඩ නොකරන ලෙස ඔහු දෙපාර්ශවයෙන්ම ඉල්ලා සිටියේය.

කියුබාවේ කොමියුනිස්ට් පක්ෂය, ඉරානයේ ෆෝඩෝව්, නටාන්ස් සහ ඉස්ෆහාන් ආශ්‍රිතව පිහිටි න්‍යෂ්ටික පහසුකම් මධ්‍යස්ථානවලට එරෙහිව එක්සත් ජනපද රජය විසින් එල්ල කරන ලද කුරිරු බෝම්බ ප්‍රහාර දැඩි ලෙස හෙළා දකී.