ශ්‍රී ලංකාවේ වර්තමාන ක්‍රියාවලිය සහ ප්‍රගතිය සමීපව නිරීක්ෂණය කරමින් දෙරට අතර ද්විපාර්ශ්වික ආර්ථික සබඳතාව ශක්තිමත් කිරීමට  උපරිම සහයෝගය ලබා දෙන බව ශ්‍රී ලංකාවේ රුසියානු තානාපති Levan S. Dzhagaryan මහතා පවසයි.

මාර්තු 4 වැනිදා දිනයේදී විශාල රුසියානු නියෝජිතයන් පිරිසක් ශ්‍රී ලංකාවට පැමිණීමට නියමිත බවත්, දිල්ලියේ සිට පැමිණෙන එම දූත පිරිසේ කොටසක් මෙරට අමාත්‍යවරුන් සහ පෞද්ගලික ව්‍යාපාර හිමියන් හමුවනු ඇති බවත් ඒ මහතා පවසයි.

රුසියානු සමූහාණ්ඩුවේ ආරක්‍ෂක කවුන්සිලයේ ලේකම් නිකොලායි පට්‍රෂෙව් මහතාගේ ප්‍රධානත්වයෙන් යුත් සාමාජිකයින් 60කට අධික පිරිසක් පසුගියදා ශ්‍රී ලංකාවට පැමිණිම සහ ඔවුන්ගේ දූත මෙහෙවරෙන් පසු තත්ත්වය පිළිබඳව Levan S. Dzhagaryan මහතා සමග කළ සංවාදයක දී ඒ මහතා මේ බව ප්‍රකාශ කර ඇත.

ශ්‍රී ලංකාවේ රුසියානු තානාපතිවරයා පැවැති සංවාදයේ කොටසක් පහළින් දැක්වෙන අතර, සම්පූර්ණ සංවාදය බලාපොරොත්තු වන්න...

ප්‍රශ්නය: රුසියානු සමූහාණ්ඩුවේ ආරක්‍ෂක කවුන්සිලයේ ලේකම් නිකොලායි පට්‍රෂෙව් මහතාගේ ප්‍රධානත්වයෙන් යුත් සාමාජිකයින් 60කට අධික පිරිසක් පසුගියදා ශ්‍රී ලංකාවට පැමිණියා. ඔවුන්ගේ දූත මෙහෙවරෙන් පසු තත්ත්වය රුසියානු-ශ්‍රී ලංකා සබඳතාවලට සතුටුදායක අයුරින් වර්ධනය වී තිබේද? මෙම රුසියානු මෙහෙයුමෙන් ශ්‍රී ලංකාවට ලැබෙන ප්‍රතිලාභ මොනවාද?

අතිගරු Levan S. Dzhagaryan මහතා: ඔව්, එය පසුගිය වසරේ ශ්‍රී ලංකාවට පැමිණි සාමාජිකයින් 60 දෙනෙකුගෙන් සමන්විත විශාල නියෝජිත පිරිසක් විය. ඔවුන් ශ්‍රී ලංකාවේ ජනාධිපතිවරයා, ආරක්ෂක ලේකම්වරයා සහ තවත් වැදගත් අමාත්‍යාංශ ඇමැතිවරුන් සහ රජයේ ඉහළ පෙළේ නිලධාරීන් හමුවිය. ඒ වගේම අපි ව්‍යාපාරික කවුන්සිලයේ සාමාජිකයන් හමුවුණා. අපි ශ්‍රී ලංකා රජයට යෝජනා කිහිපයක් දුන්නා. අපගේ යෝජනා ශ්‍රී ලංකා රජය විසින් සලකා බලනු ඇතැයි අපි බලාපොරොත්තු වෙමු. අපි ශ්‍රී ලංකාවෙන් යම් ප්‍රතිචාරයක් බලාපොරොත්තු වෙමු. මේ වසරේ මාර්තු 4 වැනිදා එනම් ලබන සඳුදා දිනයේදී විශාල රුසියානු නියෝජිතයන් ශ්‍රී ලංකාවට පැමිණීමට නියමිතයි. දිල්ලියේ සිට පැමිණෙන දූත පිරිසේ කොටසක් සහ ඔවුන් සමහර අමාත්‍යවරුන් සහ පෞද්ගලික ව්‍යාපාර හිමියන් හමුවනු ඇත. ඔවුන් ප්‍රවාහන අමාත්‍යාංශය, වරාය හා ගුවන් සේවා අමාත්‍යාංශය, වෙළෙඳ හා වාණිජ කටයුතු අමාත්‍යාංශය, කර්මාන්ත අමාත්‍යාංශය ආදී විවිධ අංශවල නියෝජිතයන් හමුවනු ඇත. එබැවින් අපි ක්‍රියාවලිය සහ ප්‍රගතිය සමීපව අනුගමනය කරන අතර අපගේ ද්විපාර්ශ්වික ආර්ථික සබඳතාව ශක්තිමත් කිරීමට අපගේ උපරිම සහයෝගය ලබා දෙන්නෙමු. දැන් රුසියානු සංචාරකයින් විශාල ප්‍රමාණයක් ශ්‍රී ලංකාවට පැමිණෙන අතර ඔවුන් ඔබේ ආර්ථිකයට විදේශ මුදල් පොම්ප කිරීම ඔබේ ආර්ථිකය නංවාලීමට ඉතා ප්‍රයෝජනවත් වේ යැයි මම සිතමි.

ප්‍රශ්නය: රුසියානු පෞද්ගලික ව්‍යාපාරික සමාගම ශ්‍රී ලංකාවේ පෞද්ගලික ව්‍යාපාර සහ කර්මාන්ත සඳහාද ආයෝජනය කරයිද?

අතිගරු Levan S. Dzhagaryan මහතා : වටමේස සාකච්ඡාවට රුසියානු පෞද්ගලික ව්‍යාපාරික අයිතිකරුවන් ද සහභාගී වේ. අපි බලමු ප්‍රගතිය මොකක්ද කියලා. ඊළඟ මට්ටමේ සාකච්ඡාවට සහ ක්‍රියාවලිය ක්‍රියාත්මක කිරීමට එකඟතාව ඉතා වැදගත් බව අවධාරණය කිරීමට මම කැමැත්තෙමි.