එක්සත් ජනපද ජාතික ණය තත්වය මගින් පිළිබිඹු කරන්නේ ආණ්ඩුවව විසින් එහි මෙහෙයුම් සහ වගකීම් සඳහා අවශ්‍ය මූල්‍ය පහසුකම් පියවා ගැනීම  සඳහා ණය මත යැපෙන බවයි. කෙසේ වුවද ණය මට්ටමේ තිරසාරභාවය, අනාගත ආර්ථික වර්ධනය කෙරෙහි එහි බලපෑම සහ බදු ගෙවන්නන් මත ඇති විය හැකි බර පිළිබඳ කනස්සල්ල, ප්‍රතිපත්ති සම්පාදකයින් සහ ආර්ථික විද්‍යාඥයින් අතර සැලකිය යුතු විවාදයකට තුඩු දෙනු ලබන්නේය.

එක්සත් ජනපද භාණ්ඩාගාර දෙපාර්තමේන්තුවට අනුව එක්සත් ජනපද ජාතික ණය ප්‍රමාණය ඩොලර් ට්‍රිලියන 36 සීමාව ඉක්මවා ඇති අතර එය අමෙරිකානු ඉතිහාසයේ වාර්තා වූ ඉහළම අගය බවට පත්ව තිබේ. මෙය නාමික වශයෙන් ගත් කළ ලෝකයේ විශාලතම ජාතික ණය ප්‍රමානය වන අතර එය 2024 වසර ආරම්භයේ සිට ඩොලර් ට්‍රිලියන 2කින් වැඩි වී ඇත.

නොවැම්බර් 21 (සංඛ්‍යාලේඛන ලබා ගත හැකි අවසාන දිනය) වන විට අමෙරිකාවේ ජාතික ණය ප්‍රමාණය ඩොලර් 36,034,994,586,981 කට වඩා වැඩි විය.

එක්සත් ජනපද ජාතික ණය යනු ෆෙඩරල් රජය විසින් ණය හිමියන්ට ගෙවිය යුතු මුදලයි. එය ඇමරිකානු පුරවැසියන් හෝ කුඩා විදේශීය ආයෝජකයින් මෙන්ම ප්‍රාන්ත සහ විශාල පුණ්‍ය අරමුදල් හෝ එවැනි පුද්ගලයන් විය හැකිය.

අමෙරිකානු ජාතික ණය අන්තර් රාජ්‍ය සහ පොදු ලෙස කොටස් දෙකකට බෙදා ඇත. අන්තර් රාජ්‍ය ණය යනු විශ්‍රාම වැටුප් අරමුදල් වැනි විවිධ රාජ්‍ය ආයතන වෙත ගෙවිය යුතු ණය වේ. එය මුළු ණයෙන් 20% ක් පමණ වන අතර නොවැම්බර් 21 වන විට එය ඩොලර් ට්‍රිලියන 7.3 ක් විය. පොදු ණය පුද්ගලික ආයතන, පුද්ගලයන් සහ විදේශ රටවලට ගෙවිය යුතුය. එය ඉතිරි ණය වලින් 80% හෙවත් නොවැම්බර් 21 වන විට ඩොලර් ට්‍රිලියන 28.7 කට ආසන්න වේ.

US National Debt Surpasses $36 Trillion, Setting New Record High