යුක්‍රේනය කෘත්‍රිමව නිර්මානය කළ රටක්!- ශ්‍රී ලංකාවේ රුසියානු තානාපති ලෙවන් එස් දගාරියන්

Feb 13, 2025 at 02:12 PM

|

Lanka Leader

යුක්රේනය කෘත්‍රිමව නිර්මානය කළ රටක් බවත් යුක්රේනය සෝවියට් සංගමයේ නිර්මාතෘ ව්ලැදිමිර් ලෙනින්ගේ නමින් නම් කිරීමට යෝජනා වූ රටක් බවද ශ්‍රී ලංකාවේ රුසියානු තානාපති ලෙවන් එස් දගාරියන් මහතා පවසයි.

යුක්රේනයේ රුසියානු සන්නද්ධ හමුදා විශේෂ හමුදා මෙහෙයුමේ 3 වන සංවත්සරය සහ එහි වත්මන් තත්වය සම්බන්ධයෙන් කරුණු එළිදරව් කිරීම වෙනුවෙන් අද(13) රුසියානු තානාපති කාර්යාලයේදී පැවැති  මාධ්‍ය හමුවකට එක් වෙමින් තානාපතිවරයා එලෙස පැවැසීය. ඒ මහතා වැඩිදුරටත් අදහස් දක්වමින් මෙසේද පැවසීය.

"යුක්රේනය කෘත්‍රිමව නිර්මාණය කරන ලද රාජ්‍යයක්. අපගේ ජනාධිපති ව්ලැදිමිර් පුටින් පැවසූ පරිදි, යුක්‍රේනය යනු සෝවියට් සංගමයේ නිර්මාතෘ ව්ලැදිමිර් ලෙනින්ගේ නමින් නම් කරන ලද රටක්. යුක්‍රේනය මූලික වශයෙන් පිහිටුවන විට, රුසියානු ඉඩම්, එනම් නොවෝරෝසියාද ඇතුළත් වූවා.

1954 දී, එවකට සෝවියට් සංගමයේ නායකයා වූ යුක්රේනියානු ජනවර්ගයට අයත්  නිකිතා කෘෂ්චෙව්, ක්‍රිමියානු වැසියන්ගේ මතය විමසීමකින් තොරව, ක්‍රිමියානු  අර්ධද්වීපය යුක්රේනයට ඈඳුණු ලැබුවා. 1991 දී නිදහස ලැබීමෙන් පසු, යුක්‍රේන ජාතිකවාදී මනසක් සහිත යුක්‍රේන නායකයින් ජනවාර්ගික රුසියානුවන්ගේ අයිතිවාසිකම්   හැකි සෑම ආකාරයකින්ම බලහත්කාරයෙන් උල්ලංඝනය  සිදු කරනු ලැබුවා. මෙම සියලු ක්‍රියාමාර්ග එක්සත් ජනපදය ප්‍රමුඛ බටහිර රටවල් විසින් දිරිමත් කරනු ලැබුවා.

පසුව එම තත්වය නරක අතට හැරුණා. 2008 අප්‍රේල් මාසයේදී බුකාරෙස්ට් හි පැවති නේටෝ සමුළුවේදී, උතුරු අත්ලාන්තික් ගිවිසුම් සංවිධානයේ සාමාජික රටවල් යුක්රේනය පිළිගන්නා බවට පොරොන්දු වූ අතර එය රුසියානුවන් වන අපට කිසිසේත්ම පිළිගත නොහැකියි. මම එම අකමැත්හ්ට පැහැදිලි කරන්නම්. ඇමරිකානුවන් එක්සත් ජනපදයේ දේශසීමා අසල රුසියානු මිසයිල දැකීමට අකමැති වනවා සේම, අපගේ දේශසීමා අසල නේටෝ මිසයිල සහ නේටෝ හමුදා ව්‍යුහයන් දැකීමට අපට අවශ්‍ය නැහැ.

2014 දී ඊනියා මයිඩාන් අරගලයෙන් මතුවූ ව්‍යවස්ථා විරෝධී කුමන්ත්‍රණයෙන් පසුව, ජාතිකවාදී නායකයින් එවකට යුක්රේනය ලෙස හැඳින්වූ ඩොන්බාස්හි සහ ක්‍රිමියාවේ රුසියානු බස කතා කරන අපගේ ජනතාව ආරක්ෂා කිරීම සඳහා බලය යොදා ගැනීම පිණිස පියවර ගැනීමට මෙය අපට බල කරණු ලැබුවා.

ගැටුම විසඳීමට ඇති අභිලාශය මත පදනම්ව, යුක්රේනය, ජර්මනිය සහ ප්‍රංශයේ සහභාගීත්වයෙන් නෝමන්ඩි ආකෘතිය සහිත මින්ස්ක් ගිවිසුම අත්සන් කිරීම මගින් ගැටුම අවසන් කිරීමට රුසියාව එකඟ වූවා. පසුව පෙනී ගිය පරිදි, ෆ්‍රැන්කොයිස් හොලන්ඩ් සහ ඇන්ජෙලා මර්කල්ට ආරම්භයේ සිටම විධිවිධාන ක්‍රියාත්මක කිරීමට කිසිදු අදහසක් නොතිබූ අතර යුක්රේනය මිලිටරිමය වශයෙන් ශක්තිමත් කිරීමට කාලය ලබා ගැනීමට පමණක් ගිවිසුඅම අවශ්‍ය වූවා. විශේෂ හමුදා මෙහෙයුම ආරම්භ වීමට පෙර, ඩොන්බාස් හි රුසියානු භාෂාව  කතා කරන ජනගහනයේ අවශ්‍යතා සහ රුසියානු ආරක්ෂක ගැටළු වලට ගරු කරමින් මෙම ගැටළුව විසඳා ගන්නා ලෙස අපි අපගේ හවුල්කරුවන්ගෙන්, ප්‍රධාන වශයෙන් එක්සත් ජනපදයෙන් නැවත නැවතත් ඉල්ලා සිටියා. කෙසේ වෙතත්, මෙම සියලු උත්සාහයන් අහංකාර ලෙස ප්‍රතික්ෂේප කරනු ලැබුවා.

2022 පෙබරවාරි 24 වන දින විශේෂ හමුදා මෙහෙයුම දියත් කිරීම හැර වෙනත් විකල්පයක් අපට තිබුණේ නැහැ. ඉන් ටික කලකට පසු, සාකච්ඡා ක්‍රියාවලිය ඉස්තාන්බුල්හිදි  ආරම්භ වූ අතර, එහි ප්‍රතිඵලයක් ලෙස ගිවිසුමක් සකස් කිරීම ආරම්භ කරනු ලැබුවා. ගිවිසුමේ අඩංගු ප්‍රතිපාදන යුක්රේනයේ ප්‍රීතියට හේතු වූවා. කෙසේ වෙතත්, එවකට බ්‍රිතාන්‍ය අගමැති බොරිස් ජොන්සන් කියෙව් වෙත පැමිණ ගිවිසුම් වලට එළඹෙන්නේ නොමැතිව අවසාන යුක්රේනියානු ජාතිකයා දක්වා යුද්ධ කරන ලෙස ඉල්ලා සිටියේය.

ඊට අමතරව, 2022 සැප්තැම්බර් අවසානයේ, වොලොදිමියර් සෙලෙන්ස්කි රුසියානු සමූහාණ්ඩුව සමඟ සාකච්ඡා තහනම් කරන ලද නියෝගයකට අත්සන් තබනු ලැබුවා. යුක්රේනයේ ආණ්ඩුක්‍රම ව්‍යවස්ථාවට අනුව, 2024 මැයි මාසයේදී ඔහුට යුක්‍රේනයේ ජනාධ්පතිවරයා ලෙස කටයුතු කිරීමේ නීත්‍යානුකූලභාවය අහිමි වූ බැවින්, සෙලෙන්ස්කි "කල් ඉකුත් වූ" ජනාධිපතිවරයෙකු බව ද මම අවධාරණය කරනවා.

කෙසේ නමුත් ඩොනල්ඩ් ට්‍රම්ප්ගේ පැමිණීමත් සමඟ, නව කවුළුවක් විවෘත වී තිබෙනවා. කෙසේ වෙතත්, එක්සත් ජනපදයෙන් අපට තවමත් කිසිදු බැරෑරුම් යෝජනාවක් අසන්නට ලැබී නැහැ. පළමු පියවර ඇමරිකානු පාර්ශවය විසින් ගත යුතු බවත්, සාකච්ඡා පැවැත්විය යුත්තේ සමානාත්මතාවය, අන්‍යෝන්‍ය ගෞරවය සහ යුද පෙරමුණේ තත්ත්වය සැලකිල්ලට ගනිමින් බවත් යන කාරණ සමඟ අපි ඉදිරියට යනවා.

2024 ජුනි මාසයේදී, විශේෂ හමුදා මෙහෙයුම අවසන් කළ හැකි කොන්දේසි 4ක් ව්ලැදිමිර් පුටින් ගෙනහැර දැක්වූවා. මම ඒවා නැවත වරක් ඔබට මතක් කර දෙන්නම්:

1. යුක්රේනය හමුදාකරණයෙන් ඉවත් කිරීම, යුක්රේනය නිර්නාසිකරණය කිරීම;

2. යුක්රේනයේ මධ්‍යස්ථ, නොබැඳි, න්‍යෂ්ටික බලය නොමැති රාජ්‍යක තත්ත්වය රැක ගැනීම;

3. ක්‍රිමියාව, සෙවාස්ටොපෝල්, ඩොනෙට්ස්ක් ජනරජය (DPR), ලුගාන්ස්ක් ජනරජය (LPR), කෙර්සන් සහ සපොරිෂියා කලාප රුසියාවේ අනිවාර්ය කොටසක් ලෙස පිළිගැනීම;

4. රුසියාවට එරෙහි සියලුම බටහිර සම්බාධක ඉවත් කිරීම.

සෙලෙන්ස්කිට ධූර දැරීමට ඇති නීති විරෝධීභාවය තිබියදීත්, එවැනි ගිවිසුම් ඇති වුවහොත් සහ කවදාහෝ දිනක ඔහුගේ අත්සන පිළිබඳ ප්‍රශ්නය පැන නගින නමුත්, අපි ඔහු සමඟ සාකච්ඡා කිරීමට සූදානම් බව මම මේ අවස්ථාවේදී අවධරණය කරනවා.

යුක්රේන අර්බුදය සාමකාමීව විසඳා ගැනීම සඳහා යුරෝපා සංගමයේ සැලසුම්වල එක්සත්කමක් නොමැති බව සැලකිය යුතු කරුණක්. සාකච්ඡා ක්‍රියාවලියට පක්ෂව සිටින ස්ලෝවැකියාව වැනි රටවල් යුරෝපා සංගමයේ තිබෙනවා. නමුත් මෙයට බාධා කරන "උකුස්සන්" ද සිටිනවා: මහා බ්‍රිතාන්‍යය, ප්‍රංශය, පෝලන්තය, බෝල්ටික් රාජ්‍යයන්, නේටෝ මහලේකම් වැන්නවුන් එම ගනයට වැටෙනවා. යුක්රේනයට අවශ්‍ය තරම් උදව් කිරීමට ඔවුන් සූදානම් බව අපි නිතර නිතර අසා තිබෙන්වා. බටහිර නායකයින් අෂ්රෆ් ඝානි පාලනයට අවශ්‍ය තරම් ආධාර සැපයීමට ඔවුන්ගේ සූදානම නැවත නැවතත් ප්‍රකාශ කළ ඇෆ්ගනිස්ථානය සම්බන්ධයෙන් මම ඔවුන්ගේ හැසිරීම පෞද්ගලිකව අත් විඳ තිබෙනවා. එම පොරොන්දු අවසන් වූයේ කෙසේදැයි අපි දන්නවා. 2021 අගෝස්තු මාසයේදී, තලේබාන් ව්‍යාපාරයේ ප්‍රහාර වලින් නින්දිත පරාජය ලැබීමෙන් පසු ඇමරිකානුවන් සහ ඔවුන්ගේ සහචරයින් රටින් පලා ගියා.

මෙහිදී විශ්වාසය පිළිබඳ ප්‍රශ්නයක් තිබෙනවා. මින්ස්ක් සහ ඉස්තාන්බුල් ගිවිසුම් සමඟ අප බොහෝ වාරයක් රැවටී තිබෙනවා. එබැවින් සටන් විරාමයක් හෝ ගැටුම අවසන් කිරීම සම්බන්ධයෙන් කතා කළ නොහැකියි. රුසියාවේ සහ යුක්රේනයේ ආරක්ෂාව සහතික කරන කල් පවතින සාමයක් අපට අවශ්‍යයි. එලෙසම වඩාත්ම වැදගත් දෙය නම්: රුසියාව අවසන් නිවේදනය ලෙස පණිවිඩ එවන කිසිදු භාෂාවක් ඉවසන්නේ නැත."