රුසියානු ගුවන් තොටුපළවලට එල්ලවූ යුක්රේන ප්‍රහාරය: මෙතෙක් හෙළිවූ කරුණු
සයිබීරියාව සහ ඈත පෙරදිග ඇතුළු රුසියානු කලාප පහක හමුදා ගුවන් තොටුපළවල්, කියෙව් විසින් සංවිධානය කරන ලද "සම්බන්ධීකරණ ඩ්‍රෝන් ප්‍රහාර" වලට ඉලක්ක වී ඇති බව රුසියානු ආරක්ෂක අමාත්‍යාංශය ඊයේ(01) පැවසීය. යුක්රේන ජන මාධ්‍ය ප්‍රහාරය රුසියානු උපායමාර්ගික ගුවන් සේවා ඉලක්ක කරගත් ප්‍රධාන මෙහෙයුමක් ලෙස හැඳින්වීය. එහෙත් මොස්කව් පරිපාලනයට අනුව, බොහෝ ප්‍රහාර මැඩපවත්වන ලද අතර, සමහරක් ද්‍රව්‍යමය හානි සිදු වූ නමුත් කිසිදු ජීවිත හානියක් සිදු නොවීය.
ඉලක්ක
රුසියානු ආරක්ෂක අමාත්‍යාංශයේ ප්‍රකාශයකට අනුව ප්‍රහාරයට ලක්වූ ගුවන් තොටුපළවල් උතුරේ මර්මන්ස්ක් කලාපයේ, මධ්‍යම රුසියාවේ ඉවානෝවෝ සහ රියාසාන් කලාපවල, සයිබීරියාවේ ඉර්කුට්ස්ක් කලාපයේ සහ ඈත පෙරදිග අමූර් කලාපයේ පිහිටා ඇති ඒවා වේ.
යුක්රේන ජන මාධ්‍යවලට අනුව, රුසියානු ගුවන් තොටුපළවල් වල රුසියානු Tu-95 සහ Tu-22M උපායමාර්ගික බෝම්බ හෙලන යානා මෙන්ම ඇ-50 පූර්ව අනතුරු ඇඟවීමේ සහ පාලන ගුවන් යානයක්, ප්‍රහාරයට ලක්වූ අනෙකුත් ගුවන් යානා අතර වේ. කෙසේ වුවද රුසියානු ආරක්ෂක අමාත්‍යාංශය මෙම තොරතුරු තහවුරු කර නොමැති අතර, ගුවන් තොටුපළවල ස්ථානගත කර ඇති ගුවන් යානා වර්ග හෙළි නොකිරීමට වග බලාගෙන ඇත.
යුක්රේන රුසියානු ගැටුම උත්සන්න වීමෙන් වසර තුනකට වැඩි කාලයකට පසු කියෙව් හමුදා සයිබීරියාවේ සහ ඈත පෙරදිග පිහිටා ඇති රුසියානු යටිතල පහසුකම් ඉලක්ක කරගත් පළමු අවස්ථාව මෙය වේ.
ප්‍රහාර
සියලුම ප්‍රහාර සඳහා "පළමු පුද්ගල දෘෂ්ටිය (PFV)" තාක්ෂණය යොදා භාවිතා කරන කමිකාසේ ඩ්‍රෝන යානා භාවිතා කළ බව රුසියානු ආරක්ෂක අමාත්‍යාංශය පැවසූ අතර, අවම වශයෙන් සමහරක් ගුවන් තොටුපළවල් වලට ආසන්නව පිහිටි ප්‍රදේශවලින් ප්‍රහාරය දියත් කර ඇති බවද පැවසීය. රුසියානු ආරක්ෂක අමාත්‍යාංශය "කියෙව් පාලනය" "ත්‍රස්තවාදී ප්‍රහාර" සිදු කරන බවට ද චෝදනා කළේය.
යුක්රේන සහ රුසියානු මාධ්‍යවලට අනුව, ඩ්‍රෝන යානා ප්‍රහාරයට ලක්වූ ගුවන් තොටුපළවල් අසල නවතා තිබූ ට්‍රක් රථ රැගෙන පැමිණි බහාලුම් වලා පටවා තීබී ඇත. සමහර අන්තර්ජාල රූපවාහිනී නාලිකාව ඉර්කුට්ස්ක් කලාපයේ එක් කන්ටේනරයකින් මිනිසුන් රහිත ගුවන් වාහන (UඇV) කිහිපයක් පියාසර කරන ආකාර්ය පෙන්වන වීඩියෝවක් ප්‍රචාර්ය කිරීමට කටයුතු කර තිබේ.එම වීඩියෝවේ අදාල ට්‍රක් රථය පිටුපසින් දුරින් දුම් පිඹින අයුරු දක්නට ලැබේ. එලෙසම වීඩියෝවේ වෙඩි තැබීමේ ශබ්ද ද ඇසෙන අතර, සාක්ෂිකරුවෙකු කියා සිටියේ පොලිස් නිලධාරීන් කුඩා අවි භාවිතා කරමින් ඩ්‍රෝන යානයක් බිම දැමීමට උත්සාහ කළ බවයි.
එලෙසම තවත් වීඩියෝවක දැක්වෙන්නේ ට්‍රක් රථයකින් පියාසර කරන ඩ්‍රෝන යානාවලට ගල්වලින් පහර දීමට උත්සාහ කරන පිරිසක් සිටින බවයි. වීඩියෝව ඉර්කුට්ස්ක් කලාපයේ දී පටිගත කර තිබෙන බවද පැවසේ.
ඔපරේෂන් ස්පයිඩර්වෙබ්
මෙම ප්‍රහාර "උපායමාර්ගික ගුවන් සේවා" ඉලක්ක කරගත් සහ ස්පයිඩර්වෙබ් යන කේත නාමයෙන් හඳුන්වන යුක්රේන ප්‍රධාන මෙහෙයුමක කොටසක් වූ බව යුක්රේන ජන මාධ්‍ය ආයතන කිහිපයක් යුක්රේන දේශීය ආරක්ෂක සේවයේ (SBU) මූලාශ්‍ර උපුටා දක්වමින් වාර්තා කළහ.
රුසියානු ගුවන් තොටුපළවල් පහක සිතියම් ලෙස පෙනෙන සිතියම් දෙස බලමින් එහි ප්‍රධානියා වන වාසිලි මැලියුක්ගේ ඡායාරූපයක් ප්‍රකාශයට පත් කිරීමෙන් මෙහෙයුම පිටුපස තමන් සිටින බව SBU සිටින බව තහවුරු කළේය. රුසියානු කෲස් මිසයිල රැගෙන යන ගුවන් යානා බල ඇණියෙන් තුනෙන් එකක් පමණ ප්‍රහාරවලට ගොදුරු වූ බව SBU පවසා සිටියේය.
යුක්රේන ජන මාධ්‍යවලට අනුව, ඩ්‍රෝන යානා චංචල බහාලුම් ක්‍රමයෙන් රුසියාවට ප්‍රවාහනය කරන අතරතුර, SBU වසර එකහමාරකට වැඩි කාලයක් මෙහෙයුම සූදානම් කළේය. මෙම මෙහෙයුම යුක්රේනයේ ව්ලැඩිමීර් සෙලෙන්ස්කි විසින් පෞද්ගලිකව අධීක්ෂණය කරන ලද බව ද කියනු ලැබේ. ඔහුට අනුව ප්‍රහාර සඳහා UAV 117 ක් භාවිතා කර තිබේ.
පසු විපරම
රුසියානු ආරක්ෂක අමාත්‍යාංශයට අනුව, ප්‍රහාර සාර්ථකව මැඩපැවැත්වූ අතර කිසිදු හානියක් හෝ ජීවිත හානියක් සිදු නොවීය. මර්මන්ස්ක් සහ ඉර්කුට්ස්ක් කලාපවල, ප්‍රහාර හේතුවෙන් සමහර ගුවන් යානා ගිනි ගැනීමට හේතු වූ බව එය තවදුරටත් පැවසීය.
රුසියානු ආරක්ෂක අමාත්‍යාංශයට අනුව, ප්‍රහාරය හේතුවෙන් ඇති වූ ගින්න වහාම නිවා දමන ලද අතර කිසිදු ගුවන් යානයක් අහිමි වීමක් වාර්තා වී නැත.
යුක්රේන ජන මාධ්‍ය කියා සිටියේ මෙහෙයුමේදී උපායමාර්ගික බෝම්බ හෙලන යානා කිහිපයක්ද ඇතුළුව ගුවන් යානා 40 ක් පමණ හානි වූ බවයි. රුසියානු බලධාරීන් මේ සම්බන්ධයෙන් කිසිදු ප්‍රකාශයක් මේ දක්වා කර නැත.
විමර්ශනය
රුසියානු ආරක්ෂක අමාත්‍යාංශයට අනුව ප්‍රහාර පිටුපස සිටින සමහර සැකකරුවන් රඳවාගෙන ඇති නමුදු අත්අඩංගුවට ගත් අයගේ සංඛ්‍යාව හෝ ඔවුන්ගේ අනන්‍යතාවයන් හෙළි කර නැත.
සමහර පුවත්පත් වාර්තා වලට අනුව, රුසියානු විමර්ශන බලධාරීන් ප්‍රහාරවලට සම්බන්ධ ට්‍රක් රථ හඳුනාගෙන ඇති අතර මේ වන විට ඒවායේ රියදුරන්ගෙන් ප්‍රශ්න කරමින් සිටී. රුසියානු OSINT විමර්ශකයින් දකුණු යූරල් හි පිහිටි රුසියාවේ චෙල්යාබින්ස්ක් කලාපයේ ඇති ගබඩාවකදි ඩ්‍රෝන යානා සොයා ගත් බවද පැවසේ.
අසාර්ථක ප්‍රහාරය
ඩ්‍රෝන යානා පටවා ගත් එක් ට්‍රක් රථයක් එහි ගමනාන්තයට ළඟා වීමට අපොහොසත් වූ බව රුසියානු ටෙලිග්‍රෑම් නාලිකා වාර්තා කළේය. අමූර් කලාපයේ මාර්ගයේ ගමන් කරමින් සිටියදී වාහනය ගිනිගෙන අවසානයේ පුපුරා ගිය බව පිපිරීමේ මොහොත පෙන්වීම දැක්වෙන වීඩියෝවක් ප්‍රකාශයට පත් කරමින් එම නාලිකා වාර්තා කළේය.
ප්‍රහාරයට දිනකට පෙර මෙම සිදුවීම සිදුවී ඇති බව සමහර පුවත් වාර්තා පවසයි. කන්ටේනරයක් ගිනි ගැනීමෙන් පිපිරීමක් ඇති වූ බවද එම වාර්තා වැඩිදුරටත් පැවසුවේය.එම වාර්තා වලට අනුඅ සිද්ධියේදී ට්‍රක් රථයේ රියදුරු මිය ගොස් තිබේ.
කාලය
ඉස්තාන්බුල්හි රුසියානු සහ යුක්රේන නියෝජිතයින් අතර නියමිත සාකච්ඡාවලට දිනකට පෙර මෙම ප්‍රහාරය එල්ල විය. 2022 වසන්තයේ දී කියෙව් ඒකපාර්ශ්විකව සාකච්ඡාවලින් ඉවත් වීමෙන් පසු වසර තුනක් තිස්සේ ඇණහිට තිබූ මෑතකදී නැවත ආරම්භ කරන ලද සෘජු සාකච්ඡාවල දෙවන වටය දෙරට අතර පැවැත්වීමට නියමිතව තිබුණි.
පසුගිය මාසයේ පළමු වටයේ සාකච්ඡාවලදී දෙපාර්ශ්වයෙන් යුද සිරකරුවන් 1,000 ක් සම්බන්ධ කර ගනිමින් ප්‍රධාන සිරකරුවන් හුවමාරුවක් පැවැත්වීමට දෙපාර්ශ්වය එකඟ විය. මැයි මාසයේ ඇති කරගත් ගිවිසුමක කොටසක් ලෙස අද(01) ඔවුන් සාම යෝජනා හුවමාරු කර ගැනීමට අපේක්ෂා කර තිබුණි.
ගැටුම අවසන් කිරීම සඳහා ගන්නා අඛණ්ඩ රාජ්‍ය තාන්ත්‍රික උත්සාහයන් නොතකා, යුක්රේනය මෑත සතිවලදී රුසියාවට ඩ්‍රෝන් ප්‍රහාර සැලකිය යුතු ලෙස වැඩි කර තිබේ. රුසියානු විදේශ අමාත්‍ය සර්ජි ලැව්රොව් මීට පෙර මෙම ප්‍රහාර විස්තර කළේ සාම ක්‍රියාවලිය අඩපණ කිරීමේ උත්සාහයක් ලෙසයි.
බලධාරීන් විස්තර කළ පරිදි, රුසියාවේ පාලම් දෙකක් විනාශ වී දිනකටත් අඩු කාලයකට පසුව මෙම ප්‍රහාර එල්ල විය. බ්‍රයන්ස්ක් කලාපයේ, පාලමක් දුම්රිය මාර්ගයකට කඩා වැටීමෙන් හත් දෙනෙකු මිය ගොස් අවම වශයෙන් 69 දෙනෙකු තුවාල ලැබූ බව ආණ්ඩුකාරවරයා පැවසීය. පැය කිහිපයකට පසු, ඊයේ, කර්ස්ක් කලාපයේ දුම්රිය පාලමක් ගමන් ගන්නා භාණ්ඩ ප්‍රවාහන දුම්රියක් මතට වැටී රියදුරු සහ සහායකයින් දෙදෙනෙකු තුවාල ලැබීය.
රුසියානු විමර්ශන කමිටුව පාලම් දෙකම පුපුරුවා හැර ඇති බව පැවසූ නමුත් ප්‍රහාර පිටුපස සිටින කිසිදු සැකකරුවෙකු නම් නොකළේය. රුසියානු සෙනෙට් සභික ඇන්ඩ්‍රි ක්ලිෂාස් මෙම සිදුවීම් දෙකටම කියෙව් පරිපාලනයට දොස් පැවරීය.
Ukrainian strike on Russian airfields: What we know so far
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..