උපයන විට ගෙවන බද්ද හෙවත් PAYE බද්ද සංශෝධනය සඳහා ජාත්‍යන්තර මූල්‍ය අරමුදල සමඟ එකඟතාවයකට පැමිණ ඇති බවත්, ඒ පිළිබඳව ඉදිරියේ දී දැනුම් දෙනු ඇති බවත් ජනාධිපති රනිල් වික්‍රමසිංහ මහතා පවසයි.

පසුගිය කාලයේ දී මෙරටට අනීතිකව ආනයනය කරන පාවහන්වලින් රුපියල් බිලියන 35ක බදු ආදායමක් රජයට අහිමිවන බව අනාවරණය වූ බවත්, මෙලෙස අනීතිකව ආනයනය කරන මෙවැනි නිෂ්පාදන හේතුවෙන් දේශීය කර්මාන්තය වැනසෙමින් පවතින බවත් පාවහන් හා සම්භාණ්ඩ කර්මාන්තකරුවන්ගේ සංසදයේ සභාපති බුද්ධික විමලසිරි මහතා පවසයි.

ඊනියා සත්‍ය සෙවීමේ පනත මගින් ආරක්ෂක හමුදා පාවාදීමේ දුෂ්ඨ මෙහෙයුම පරාජය කිරීම වෙනුවෙන් සර්වජන බලයේ සහ ජාතික සංවිධාන එකඟතාවය අත්සන් කිරීමේ අවස්ථාව 2024-08-29 (හෙට) උදේ 9.00 ට මිරිහාන - නුගේගොඩ (ජුබිලි කණුව අසල) රැෆල්ස් උත්සව ශාලාවේ දී පැවැත්වීමට කටයුතු යොදා ඇත.

කියුබානු සමාජයට එරෙහිව එක්සත් ජනපදය විසින් පනවන ලද බාධක කියුබානු Cenesex අධ්‍යාපන මධ්‍යස්ථානයේ අධ්‍යක්ෂ මරීලා කැස්ත්‍රෝ දැඩිව හෙළාදැක තිබේ.

යුක්‍රේනය ආගම ඇදහීමේ අයිතිය තහනම් කිරීමට ගෙන ආ නීති මගින් මූලික මිනිස් අයිතිවාසිකම් උල්ලංඝනය කරනු ලබන බවත්, එම නීතිය මගින් රුසියාවේ ඕනෑම ආගමික සංවිධානයක් සමඟ "අනුබද්ධ" යුක්‍රේනයේ ඕනෑම ආගමික ප්‍රජාවක ක්‍රියාකාරකම් අධිකරණ තහනමට ලක් කිරීමට ඉඩ සලස්වන බවත් නිවේදනයක් නිකුත් කරමින් ශ්‍රී ලංකාවේ බොලිවේරියානු සහයෝගිතා සංවිධානය පවසයි.

ආගමන හා විගමන දෙපාර්තමේන්තුව සතු හිස් පාස්පෝට් පොත් සංචිත විසි දහසක පමණ ප්‍රමාණයක් දක්වා අඩු වීමෙන් ගුවන් ගමන් බලපත්‍ර නිකුත් කිරීම අවුල් ජාලාවක් බවට පත්ව ඇති බව වාර්තා වේ.

විදෙස්ගත සිටින ශ්‍රී ලාංකිකයින් මැතිවරණ දිනේට ලංකාවට පැමිණ අනුර කුමාර දිසානායකට කතිරය ගසනවා නම් නැවත පිටරට නොයන ලෙසත්, ලංකාවේ පදිංචි වී අනුර දිනවා ඉන්පසුව එළඹෙන ඛේදවාචකයට මුහුණ දෙන ලෙසත් පාර්ලිමේන්තු මන්ත්‍රි රාජිත සේනාරත්න මහතා පවසයි.

ලබන මහ කන්නයේ (2024/25) සිට ගොවීන්ට ලබාදෙන පොහොර සහනාධාරය රුපියල් 25,000 ක් දක්වා ඉහළ නැංවීමට කැබිනට් මණ්ඩල අනුමැතිය ලැබුණු බව කෘෂිකර්ම හා වැවිලි කර්මාන්ත ඇමැති මහින්ද අමරවීර පැවැසීය.

ජනාධිපතිවරණය සඳහා ඉදිරිපත්ව සිටින අපේක්ෂකයන් 38දෙනාට අවශ්‍ය සියලුම ආරක්ෂාව මේ වනවිට ලබාදී ඇති බව මැතිවරණ කටයුතු භාර ජ්‍යෙෂ්ඨ නියෝජ්‍ය පොලිස්පති අසංක කරවිට මහතා පවසයි.