මාලිමා ආණ්ඩුවට කාදිනල් හිමිගෙන් රතු නිවේදනයක්.!
මැල්කම් කාදිනල් රංජිත් පියතුමන් කොළඹ අගරදගුරු මැඳුරේ පැවැති සාකච්ඡාවක දී පැවසූවේ වත්මන් රජයද පෙර රජයන් මෙන්ම පාස්කු ප්‍රහාරයේ යුක්තිය ඉටුකිරීමේ එම වගකීම පැහැර හරින්නේ නම් රජයට එරෙහිව ද කටයුතු කිරීමට තමා කිසිවිටෙක පසුබට නොවන බවයි.
කෙසේවෙතත් පාස්කු ප්‍රහාර මාලාව සිය වාසියට හරවා ගනිමින් බලයට පත්වූ හිටපු ජනාධිපති ගෝඨාභය රාජපක්ෂ මෙන්ම රනිල් වික්‍රමසිංහ ද පාස්කු වින්දිතයන්ට ඉටු නොකළ යුක්තිය හා සාධාරණය වර්තමාන රජය හෝ ඉටු කරනු ඇතැයි තමා බලාපොරොත්තු වන බවත් උන්වහන්සේ පැවසීය.
වර්තමාන ජනාධිපතිවරයා ප්‍රමුඛ වගකිවයුත්තන් අගරදගුරු මැදුරට පැමිණ යටගසා ඇති පාස්කු ප්‍රහාරවලට අදාළ විමර්ශන විධිමත්ව සිදුකර එකී අපරාධවලට ඍජුව හෝ වක්‍රව සම්බන්ධ සෑම සියලුදෙනාටම එරෙහිව නීතිමය පියවර ගන්නා බවට ලබාදුන් පොරොන්දුව මත නව වෙනසක් ඇති කළ යුතු බව තමන් පසුගිය මැතිවරණ සමයේදී ප්‍රකාශ කළ බවත් උන්වහන්සේ සිහිපත් කළේය.
එකී පොරොන්දුව ඉටු කිරීමට නව රජයට යම්කිසි ප්‍රමාණවත් කාලයක් ලබාදිය යුතු බවත් මුල් අවධියේ විමර්ශන සිදු කළ අපරාධ පරීක්‍ෂණ දෙපාර්තමේන්තුවේ නිලධාරීන් යළිත් විමර්ශන ආරම්භ කොට ඇති නිසා සාධාරණය ඉටුවේ යැයි යම්කිසි බලාපොරොත්තුවක් තැබිය හැකි වන්නේ යැයි ද පැවැසූ අගරදගුරු හිමිපාණෝ පාස්කු වින්දිතයන්ට සාධාරණය ඉටුවන තුරු සිය සටන අතරමග අතහැර නොදමන්නේ යැයි ද පැවැසූහ.
පාස්කු බෝම්බ ප්‍රහාර මාලාව සහරාන් හෂීම් ඇතුළු සුළු පිරිසකගේ අවශ්‍යතාවය මතම සිදු කළක් නොව ඒ පිටුපස ප්‍රබල හස්ත කීපයක් ඇති බව අනාවරණය කර ගනිමින්, එකී ප්‍රබල හස්ත සම්බන්ධයෙන් විමර්ශන සිදු කළ අපරාධ පරීක්‍ෂණ දෙපාර්තමේන්තුවේ නිලධාරීන් 21 දෙනකු විමර්ශන කටයුතුවලින් ඉවත් කර සාක්‍ෂි විනාශ කරනු ලැබුවේ එකල දේශපාලන අවශ්‍යතා මත එම දෙපාර්තමේන්තුවට පත්කළ එක්තරා ප්‍රබල නිලධාරියකු බව පසුව අනාවරණය වූ කරුණු අනුව හෙළිදරව් වූ බව ද උන්වහන්සේ පැවැසූහ.
එකී බෝම්බකරුවන්ට බෝම්බ නිෂ්පාදනය කිරීමට අවශ්‍ය පුහුණුව පමණක් නොව ආරක්ෂාව, මුදල් හා අනෙකුත් පහසුකම් ලබාදී එකී ප්‍රහාරවලට උඩගෙඩි දෙනු ලැබුවේ කවුරුන් ද ඒ කාගේ උපදෙස් මත ද යන සිද්ධීන් චැනල් ෆෝ නාලිකාව මගින් එම විමර්ශනවල ප්‍රධාන සාක්‍ෂිකරුවකු වන අසාද් මවුලානා නමැත්තා මුළු ලොවටම අනාවරණය කළේ යැයි ද පැවැසූ උන්වහන්සේ, හිටපු ජනාධිපතිවරුන් දෙතුන් දෙනකුම පැහැර හරිනු ලැබූ එම වගකීම, වර්තමාන රජයෙන් හෝ ඉටු කරනු ඇතැයි රටේ බහුතර ජනතාවගේ, විශේෂයෙන් පාස්කු ප්‍රහාරවලට ගොදුරු වූ පවුල්වල සාමාජික සාමාජිකාවන් ඇතුළු ජනතාවගේ අපේක්‍ෂාව වන්නේ යැයි ද පැවැසූහ.
එකළ පාස්කු ප්‍රහාර මාලාව සම්බන්ධයෙන් විමර්ශනය කළ නිලධාරීන් මේ වනවිට යළිත් අපරාධ පරීක්‍ෂණ දෙපාර්තමේන්තුවට අනුයුක්ත කර නිසි මඟපෙන්වීමක් යටතේ විමර්ශන සිදු කරන බැවින් ජනතාව තුළ එවන් විශ්වාසයක් ගොඩනැඟී ඇතැයි ද අගරදගුරු හිමිපාණෝ වැඩිදුරටත් පැවැසූහ.
සම්බන්ධිත පුවත් | Related News
ප්‍රධාන පුවත්
අගමැතිතුමිය ජාත්‍යන්තරයෙන් පැවරූ වැඩේ වේගයෙන් කරගෙන යනවා.. ඥානසාර හාමුදුරුවෝ හිතළුවක් කළා නෙමේ.. මේවට අවශ්‍ය කස මීට කලින් හැඩවුණා.. - සඳුන් බණ්ඩාර බෝදරගම
2010 වසරෙන් පසු පළමු වරට ලෝක දරිද්‍රතාව ඉහළට! චීනය වේගයෙන් දරිද්‍රතාවය පහළ දැමූ රටයි! – එක්සත් ජාතීන්ගේ සංවිධානය
ආර්ථික අර්බුදයෙන් ගොඩ එනවා වෙනුවට ආණ්ඩුව රට වැරදි දිශාවකටයි ගෙන යන්නේ.. මේ ගමනේ අවසානය රටේ ඒකීයභාවයට තර්ජනයක්.. - විමල් වීරවංශ
ඇමරිකානු අභ්‍යන්තර දේශපාලනයේ බලපෑමෙන් රුසියානු-ඇමරිකානු සබඳතාවල නව හැරවුමක්.. කියෙව් පාලනය සහ යුරෝපය දැඩි කම්පනයක..
ආණ්ඩුක්‍රම ව්‍යවස්ථාවේ පළමු පරිච්ඡේදය රට.. දෙවන පරිච්ඡේදය ආගම නොව බුද්ධාගමයි.. - මහාචාර්ය පූජ්‍ය ඉඳුරාගාරේ ධම්මරතන හිමි
මේ රටේ බෞද්ධයාගේ ඉවසීම පරීක්ෂා කරන්න යන්න එපා.. බොර්න් අගේන් කල්ලියකට අවශ්‍ය විදිහටයි අද මේ රට නටවන්නේ.. - විමල් වීරවංශ
අඛණ්ඩ ඉන්ධන සැපයුමකට රජයෙන් පැහැදිලි සැලසුමක් නෑ.. - පෞද්ගලික ඉන්ධන සමාගම් පවසයි..
තවත් IMF වැඩසටහනකට යන්න රජය සූදානම්.. මේ දිනවල එය සාකච්ඡා කරනවා.. - ජනපති
ඥානසාර හිමිට දුන් දඬුවම නීති විරෝධියි.. - හිටපු අගවිනිසුරු සරත් එන්. සිල්වාගෙන් සැර ප්‍රකාශයක්..
ගලගොඩඅත්තේ ඥානසාර හිමියන්ගේ චීවරය ඉවත් කිරීමට එරෙහිව අභියාචනාධිකරණයේ නඩු දමයි..
චීන–ලාඕස දුම්රිය මාර්ගයේ වෙළෙඳ වටිනාකම යුවාන් බිලියන 100 ඉක්මවයි.. ලාඕසය කලාපීය ප්‍රවාහන කේන්ද්‍රස්ථානයක් බවට..
ට්‍රම්ප්ගේ ආදර්ශය අනුව රුසියාව සමඟ ඩීසල් ගනුදෙනුවකට එළඹෙනු- ජර්මානු විපක්ෂය පවසයි
රුසියාව සහ යුක්‍රේනය බලශක්ති ප්‍රහාර අත්හිටුවීමට එකඟ වී තිබෙනවා – ට්‍රම්ප්
නේපාලයට යළිත් මහා ගංවතුරක් – නිවාස හා පාලම් ගසාගෙන යයි (වීඩියෝ)
හිටපු ජනපති මහින්ද රාජපක්ෂ රෝහල්ගත කෙරේ..
ඔන්ටාරියෝ ව්‍යවස්ථාදායකය 'දෙමළ ජන සංහාරයක්' නිල වශයෙන් පිළිගෙන නැහැ.. කොටි හිතවාදීන් ගොතන ලද ජන සංහාරක ප්‍රබන්ධය බිඳ වැටිලා.. - ආචාර්ය නෙවිල් හේවගේ