යුද්ධය මානුශික මෙහෙයුමකින් අවසන්කර වසර 15 ක් සපිරෙන මේ මොහොතේ, එම බෙදුම්වාදීන්ගේ මනදොල සපුරාලන්නට පනතක් ගෙන ඒම පිළිබඳව බලවත් පිළිකුල ප්‍රකාශ කරන බවත්, සත්‍ය සෙවීමේ කොමිසමේ අරමුණ හුදු සත්‍ය සෙවීමක්ම නොවන බවත් ගෝලීය ශ්‍රී ලාංකික සංසදයේ ලේකම් යසස් ධර්මදාස මහතා පවසයි.

VFS වීසා ගැටළුව වෙනුවෙන් ගුවන්තොටුපොළේ දී හඬ නැගූ නීතිවේදී සඳරු කුමාරසිංහ නම් තරුණයා අන්තර්ජාල නාලිකාවක් සමග සංවාදයකට එක්වෙමින් පවසන්නේ එදා ගුවන්තොටුපළේ පැමිණීමේ වීසා නිකුත් කිරීම විදෙස් සමාගමකට පවරා තිබීම මත ගුවන්තොටුපොළට පැමිණ සිටි සංචාරකයන් දැඩි අපහසුතාවකට පත්වූ බවයි.

ඇදහැලෙමින් පවතින අධික වැසි හමුවේ දිස්ත්‍රික්ක 07ක් සඳහා බලපැවැත්වෙන පරිදි නායයෑමේ අනතුරු ඇඟවීම් නිකුත් කර ඇති බව ජාතික ගොඩනැගිලි පර්යේෂණ සංවිධානය පවසයි.

රාජ්‍ය දේපළ සොරා කෑ දේශපාලනඥයන්, රාජ්‍ය නිලධාරීන් ඇතුළු හොරුන් ඇල්ලීම සඳහා ශ්‍රී ලංකාවේ විශේෂ පොලිස් නිලධාරීන් කණ්ඩායමක් පුහුණු කිරීමට ඇමෙරිකා එක්සත් ජනපදය එකඟතාවය පළකර ඇති බවත්, ඒ අනුව එම නිලධාරීන් පුහුණු කිරීමෙන් පසුව සොරු ඇල්ලීමට තවත් වසර 02ක් වත් ගතවන බවත් ජනාධිපති රනිල් වික්‍රමසිංහ මහතා ප්‍රකාශ කර තිබේ.

සාමණේර උපසම්පදා භික්ෂුන් පිළිබඳ ප්‍රකාශයේ නම් නැති අයෙක් භික්ෂුවක් ලෙස පෙනී සිටීම නීති විරෝධී ක්‍රියාවක් බැවින් මීවනපලානේ සිරිධම්මාලංකාර නම් භික්ෂු ප්‍රතිරූපකයා සම්බන්ධයෙන් අවධානය යොමු කර කටයුතු කරන ලෙස බෞද්ධ කටයුතු කොමසාරිස් ජනරාල් ආර්.එම්.පී. රත්නායක මහතා පොලිස්පතිවරයා වෙත දැනුම් දී ඇත.

ඉදිරියේදී පිහිටුවන සමගි ජන බලවේග ආණ්ඩුවක මුදල් අමාත්‍යවරයා වන්නේ හර්ෂ ද සිල්වා මහතා බව විපක්ෂ නායක සහ සමගි ජන බලවේග නායක සජිත් ප්‍රේමදාස මහතා පවසයි.

ජුනි මාස 14 වැනි දින හෝ 15 මධ්‍යම රාත‍්‍රියට පෙර පාර්ලිමේන්තුව අනිවාර්යෙන්ම විසුරුවා හරින බව රුසියාවේ හිටපු ශ්‍රී ලංකා තානාපති උදයංග වීරතුංග මහතා සඳහන් කරයි.

රටට ඩොලර් අහිමිවීම හා එමගින් ආනයන සීමාවීම නිසා පාවහන් ආනයනය නතර වීම මත දේශීය වශයෙන් පාවහන් කර්මාන්තකරුවන් ඇතුළු ක්ෂේත්‍ර ගණනාවක් දැවැන්ත සංවර්ධනයකට යොමුවෙමින් පැවති බවත්, එහෙත් කෙටිකාලයක් තුළදී එය සම්පූර්ණයෙන්ම වෙනස් කරමින් රජය නැවත ආනයන සිදුකිරීමට තීරණය කිරීමත් සමග එම සංවර්ධනය නැවත බිඳවැටෙමින් පවතින බවත් පාවහන් හා සම්භාණ්ඩ කර්මාන්තකරුවන්ගේ සංසදයේ සභාපති බුද්ධික විමලසිරි මහතා පවසයි.

වෙල්ලමුල්ලිවයිකාල් සිහිකරමින් වැල්ලවත්ත වෙරළ තීරයේදී පිරිසක් විසින් අද (18) උදෑසන දෙමළ සැමරුමක් සංවිධානය කර තිබූ අතර, එයට විරෝධය පළ කරමින් තවත් පිරිසක් එම ස්ථානයට පැමිණීමත් සමග එම ස්ථානයේ උණුසුම් තත්ත්වයක් ඇති විය.