අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් පැවති කැබිනට් මණ්ඩල රැස්වීමේ දී මුදල් අමාත්‍ය බැසිල් රාජපක්ෂ මහතා පවසා ඇත්තේ ඉදිරි කාලයේදී ආහාර හිඟයක් රට තුළ ඇති වීමට නියමිත බවයි.

පසුගිය මස 25 වනදා “සූම්” තාක්ෂණය ඔස්සේ පාස්කු ඉරුදින ප්‍රහාරය සම්බන්ධයෙන් පැවැති සංවාදයක දී සිරිල් ගාමිණි පියතුමන් විසින් දැක්වූ අදහස්වලින් ජාතික ආරක්ෂාවට තර්ජනයක් වී ඇති බව සඳහන් කරමින් රාජ්‍ය බුද්ධි සේවයේ ප්‍රධානී සුරේෂ් සලේ මහතා විසින් අපරාධ පරීක්ෂණ දෙපාර්තමේඉන්තුවට කළ පැමිණිල්ල ප්‍රකාරව ප්‍රකාශයක් ලබා දීම සඳහා සිරිල් ගාමිණි පියතුමන් අපරාධ පරීක්ෂණ දෙපාර්තමේන්තුව හමුවේ පෙනී නොසිටීම සම්බන්ධයෙන් එහි නිලධාරීන් කොළඹ මහෙස්ත්‍රාත් අධිකරණය හමුවේ කරුණු වාර්තා කර ඇති බව ලංකා ලීඩ් උසාවි ආරංචි මාර්ග පවසයි.

දෙරණ රූපවාහිනි නාලිකාවේ “බිග් ෆෝකස්” වැඩසටහනට සහභාගි වෙමින් වෙළෙඳ අමාත්‍යය බන්දුල ගුණවර්ධන මහතා තහවුරු කරණු ලැබුවේ මූඩිස් ආයාතනයේ ශ්‍රේණිගත කිරීම් යටතේ ශ්‍රී ලංකාව බංකොලොත් රාජ්‍යයක් බවට පත්වෙමින් පැවතීම සත්‍යක් බවයි. එහිදී එතුමා පවසා සිටියේ එම තත්වයෙන් රට බේරාගත යුතු බවයි.

ශ්‍රී ලංකා මහ බැංකුවේ මූල්‍ය බුද්ධි ඒකකය විසින් 2021 තෙවන කාර්තුව තුළදී මූල්‍ය ආයතන වල අනුකූලතාව බලාත්මක කිරීම සඳහා පරිපාලනමය දණ්ඩන පනවා ඇති බව වාර්තාවේ.

දේශපාලන පක්ෂ ලොකු කුඩා වුණත් දුෂ්කර අවස්ථාවල එක් අරමුණක් වෙනුවෙන් එකට එක පිලේ එක් අරමුණකට සටන් කළ අය මේ කවුරුවත් අපට ඈත් කරන්න බෑ. ඒ අය අපේ ආධාරක නෙමෙයි. අපේ කිහිලිකරුත් නෙමෙයි. ඒ අය අපේ අතකොළුත් නෙවෙයි.

වෘතීය සමිති කිහිපයක් විසින් ඊයේ පැවැත්වූ මාධ්‍යය සාකච්ඡාවකදී පවසා සිටියේ කෙරවලපිටිය යුගදනවි විදුලි බලාගාරයේ කොටස් හා මෙරට LNG සැපයුම අමෙරිකාවේ නිව් ෆෝට්‍රස් සමාගමට ලබාදීමට එරෙහිව අද(03) දහවල් ඛනිජතෙල්, වරාය, විදුලිය සහ ජල සම්පාදන ආයතන ඉදිරිපිට විරෝධතාවයක නිරතවන බවයි.

කාබනික වගාව නම් වූ පටලැවිල්ල සහ පැවැත්ම පිළිබඳව කළ යුත්තේ කුමක්දැයි දීර්ඝ පැහැදිලි කිරීමක් කරමින් ජාතික සංවිධාන එකමුතුවේ මාධ්‍යය ප්‍රකාශක වෛද්‍යය වසන්ත බණ්ඩාර මහතා විසින් ජනාධිපති කාර්යාලය වටේ කැරකෙමින් ජනාධිපතිතුමාට ලනු දෙන කෘෂි විද්වතුන් යැයි කියා ගන්නා පිරිස් වලට කරුණු සහිතව ප්‍රභල විවේචනයක් එල්ල කර ඇත.

නාධිපති ගෝඨාභය රාජපක්ෂ මහතා විසින් පත්කරන ලද එක් රටක් එක් නීතියක් සඳහා වූ සාමාජිකයින් 13 දෙනෙකුගෙන් යුත් ජනාධිපති කාර්ය සාධක බලකායේ නායකත්වය බොදු බල සේනා සංවිධානයේ පූජ්‍ය ගලගොඩඅත්තේ ඥානසාර හිමියන් වෙත පිරිනැමීම පිළිබඳව “ලංකා ලීඩ් නිව්ස්” හි විමර්ෂණ ඒකකය ගෝලීය ශ්‍රී ලාංකික සංසදයේ විධායක කමිටුවේ ලේකම් යසස් ධර්මදාස මහතාගෙන් කරුණු විමසන ලදී. එතුමාගේ අදහස වූයේ එක් රටක් එක් නීතියක් සඳහා වූ ජනාධිපති කාර්ය සාධක බලකාය රටේ ප්‍රධාන ප්‍රශ්නයක් මගහැර වීමට දෙන ලද කැරට් අලයක් විය හැකි බවයි.

පොල් තෙල් ආනයනයකරුවන් විසින් තෙල් මිල ඉහළ දමා නැවත පහළ දැමීම සඳහා තවදුරටත් බදු සහන අවශ්‍යය බවට මතයක් ගොඩනගමින් සිටින බව වාර්තා වේ.