කියුබාව එක්සත් ජාතීන්ගේ සංවිධානයට ඉදිරිපත් කරන යෝජනාව පරාජය කිරීමට අමෙරිකාව ගන්නා ලැජ්ජාසහගත උත්සාහය දැඩිව හෙළා දකිමු! - ජානිපෙ නායක විමල් වීරවංශ

Oct 27, 2025 at 01:47 PM

|

Lanka Leader

අමෙරිකා එක්සත් ජනපදය කියුබාව වෙත පනවා ඇති සම්බාධක සම්බන්ධයෙන් ජාතික නිදහස් පෙරමුණ නිවේදනයක් නිකුත්කර තිබේ.

අදාළ නිවේදනය පහළින්..

කියුබාව එක්සත් ජාතීන්ගේ සංවිධානයට ඉදිරිපත් කරන යෝජනාව පරාජය කිරීමට අමෙරිකාව ගන්නා ලැජ්ජාසහගත උත්සාහය දැඩිව හෙළා දකිමු!

මේ වන විට අමෙරිකා එක්සත් ජනපදය කියුබාව වෙත පනවා ඇති සම්බාධක වල ඉතිහාසය වසර 60කට ආසන්න කාලයක්  දක්වා දිවගොස් තිබේ. එලෙසම එයට එරෙහිව කියුබාව කියුබාව විසින් වසර 30 කට ආසන්න කාලයක් තිස්සේ එක්සත් ජාතීන්ගේ සංවිධානයට අමෙරිකානු සම්බාධක ඉවත් කරන ලෙස යෝජනාවක් ඉදිරිපත් කරමින් සිටී. එම යෝජනාව සෑම වසරකම වැඩි ඡන්දයකින් කියුබාව ජයග්‍රහණය කරන්නේ දැවැන්ත යැයි ලෝකයට පෙන්වා සිටින අමෙරිකාව කුහුඹුවකුගේ තත්වයට පත් කරමිනි. 2024 වසරේදී කියුබාව ඉදිරිපත් කළ යෝජනාවට එරෙහි වූවේ අමෙරිකා එක්සත් ජනපදය සහ ඊශ්‍රායලය පමණි. මෝල්දාවා රාජ්‍යය ඡන්දය දීමෙන් වැලකී සිටියේය. අමෙරිකා එක්සත් ජනපදයේ මුව විටේ සිටිමින් කුඩා රාජ්‍යයක් වන කියුබාව ලෝක ජනයාගේ දැවැන්ත ගෞරව ආදරය දිනා ගැනීම අමෙරිකා එක්සත් ජනපදයට හිසරදයක් වී ඇති බව කිව යුතු නැත. එහෙත් තමන් විසින් කුඩා රාජ්‍යයක ජනතාව දැවැන්ත ලෙස අපහසුතාවයට පත් කරමින් කරනු ලබන මිනිස් සංහතියටම නිගා දෙන ක්‍රියාව ආපසු හරවනවා වෙනුවට අමෙරිකාව වෙනත් අයුරකින් කාඩ් කුට්ටම සෙල්ලම් කිරීමට පටන් ගෙන තිබේ.  එනම් ඔක්තෝබර් 28 සහ 29 යන දෙදින තුළ අමෙරිකා එක්සත් ජනපදය කියුබාවට පනවා ඇති සම්බාධක වලට එරෙහිව කියුබාව ගෙන එන යෝජනාව සම්බන්ධයෙන් එක්සත් ජාතීන්ගේ සාමාජික රාජ්‍යය වලට කියුබාව සම්බන්ධයෙන් අවලාද සහ මුසාවාද පතුරවමින්ද සමහර රාජ්‍යය බිය වද්දවමින්ද එම යෝජනාව පරාජය කිරීමට අමෙරිකා එක්සත් ජනපදය මේ වන විට කටයුතු කරමින් සිටින බව ලොවම දන්නා ප්‍රසිද්ධ රහසකි. ඒ අනුව එක්සත් ජාතීන්ගේ සංවිධානය තුළ සිටින මානව ගරුත්වය ඉහලින් අගයන රාජ්‍ය අමෙරිකා එක්සත් ජනපදය ගන්නා මෙම නිවට ක්‍රියාව පරාජය කළ යුතු බව අවධාරණය කරමු. එමගින් ස්වාධීන ජාතියකට තම ඉදිරි ගමන තීරණය කිරීමට ඇති අයිතියට එක්සත් ජාතීන්ගේ සාමාජික රටවල් ඉහලින්ම පිළිගන්න බව අවධාරණය කරන බව පෙන්වා දීමට කැමැත්තෙමු. ඒ අනුව කියුබාව තමන් වෙත අමෙරිකා එක්සත් ජනපදය පනවා ඇති සම්බාධක වලට එරෙහි ගෙන එන යෝජනා පරාජය කිරීමට එක්සත් ජාතීන්ගේ සාමාජික රටවල අත් හල නොහැකි වගකීමක් බව අවධාරණය කරමු. 

විමල් වීරවංශ

සභාපති,

ජාතික නිදහස් පෙරමුණ

2025 10 27