ජාත්‍යන්තර මූල්‍ය අරමුදලේ (IMF) කළමනාකාර අධ්‍යක්ෂිකා ක්‍රිස්ටලිනා ජෝර්ජිවා පසුගිය 4 වනදා අනතුරු ඇඟවූයේ මැදපෙරදිග යුද්ධය 2027 වර්ෂය දක්වා ඇදී ගියහොත් සහ තෙල් මිල බැරලයකට ඩොලර් 125 ක් පමණ වුවහොත් ගෝලීය ආර්ථිකය "වඩා නරක ප්‍රතිඵලයකට" මුහුණ දෙනු ඇති බවයි.

කොළඹ වරාය නැගෙනහිර පර්යන්තය (ECT) පෞද්ගලීකරණය කිරීම සඳහා රජය සූදානම් වන බවට තොරතුරු අනාවරණය වී ඇති බවත්, එම උත්සාහයට එරෙහිව සියලු බලවේග ඒකාබද්ධ කරමින් දැඩි වෘත්තීය සමිති ක්‍රියාමාර්ගයකට එළඹෙන බවත් වරාය වෘත්තීය සමිති ඒකාබද්ධ සන්ධානය (PJTUA) අවධාරණය කරයි.

රටට නිවැරදි විපක්ෂයක් අවශ්‍ය බවත්, පවතින විපක්ෂය තුළින් එය බලාපොරොත්තු විය නොහැකි බවත් දෙවන පරපුර නායක උවිඳු විජේවීර මහතා පවසයි.

ලෝක වෙළෙඳපොළේ ඉන්ධන මිල ඉහළ යාම පදනම් කරගනිමින්, 2026 වසරේ දෙවැනි සහ තෙවැනි කාර්තු සඳහා විදුලි ගාස්තු සංශෝධනය කිරීමට අදාළ මහජන අදහස් විමසීමේ සැසිය අද (06) කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්වේ.

උතුරු මැද පළාත් ආයුර්වේද කොමසාරිස් ධුරයෙහි වැඩ බැලීම සඳහා සුුුදුසුකම් නොමැති එහෙත් පළාතේ දේශපාලන ප්‍රබලයෙකුගේ හිතවතියක පත්කර ඇතැයි ශ්‍රී ලංකා රජයේ ආයුර්වේද වෛද්‍යවරුන්ගේ සංගමය චෝදනා කරයි.

ඉරානයේ විදේශ අමාත්‍ය අබ්බාස් අරාග්චි අද (06) උදෑසන චීනයේ, බීජිං අගනුවර වෙත පැමිණ ඇතැයි විදෙස් මාධ්‍ය වාර්තා කරයි.

ඉකුත් දා ජාතික ගොවිජන එකමුතුව විසින් ශ්‍රි ලංකාව විසින් කසකස්තානයෙන් ඩොලර් 290 ට ගත හැකි යූරියා පොහොර මෙට්‍රික් ටොන් එකක් ඩොලර් 800 ක් වැනි මුදලකට ගැනීමට යන බවත් එමගින් වාර්ෂිකව රටට අහිමිවන මුදල ඩොලර් මිලියන 250 ක් හෙවත් රුපියල් කෝටී අටදහසක් බවත් ප්‍රකාශ කරන ලදී.

ඉරානය සමඟ ඇති කර ගැනීමට අපේක්ෂිත එකඟතාවයකට අවස්ථාවක් ලබා දීම සඳහා හෝමූස් සමුද්‍ර සන්ධිය යළි විවෘත කිරීමේ අරමුණින් දියත් කළ "ප්‍රොජෙක්ට් ෆ්‍රීඩම්" (Project Freedom) මෙහෙයුම තාවකාලිකව අත්හිටුවීමට අමෙරිකානු ජනාධිපති ඩොනල්ඩ් ට්‍රම්ප් තීරණය කර තිබේ.

වැඩ තහනමට ලක්ව සිටි මුදල් අමාත්‍යාංශය යටතේ ඇති විදේශ සම්පත් දෙපාර්තමේන්තුවේ සහකාර අධ්‍යක්ෂක රංග රාජපක්ෂ මහතාගේ මරණය සම්බන්ධයෙන් අදහස් දක්වමින් පාර්ලිමේන්තු මන්ත්‍රී අජිත් පී පෙරේරා මහතා ඊයේ පාර්ලිමේන්තුවේදී පැවසුවේ ජනතා විමුක්ති පෙරමුණේ සාමාජිකයකු වූ ඒ මහතාගේ මළ ගෙදරට ගොස් ඔහු වෙනුවෙන් කතාවක් සිදුකිරීමට පවා ආණ්ඩුවේ කිසිවෙකු ඉදිරිපත් නොවූ බවය.