මුදල් අමාත්‍යාංශයේ ලේකම් හර්ෂණ සූරියප්පෙරුම ඕස්ට්‍රේලියාවේ පුරවැසියෙකු සහ එහි ව්‍යාපාර සිදුකළ පුද්ගලයකු බවත්, මෙරට භාණ්ඩාගාරයේ පරිගඝණක පද්ධති සඳහා ආරක්ෂාව ලබාදී ඇත්තේ ද ඔහු කලක් එහිදී සේවය කළ පරිඝණක සමාගම බවත් පිවිතුරු හෙළ උරුමයේ නායක උදය ගම්මන්පිල මහතා අනාවරණය කරයි.

මෙරට තැපැල් දෙපාර්තමේන්තුව අමෙරිකානු තැපැල් දෙපාර්තමේන්තුවට (US Post) ගෙවිය යුතු අමෙරිකානු ඩොලර් 626,000කට අධික මුදලක් අවස්ථා 2කදී තෙවන පාර්ශවයක් වෙත බැහැර කර ඇතැයි අපරාධ පරීක්ෂණ දෙපාර්තමේන්තුව (CID) ඊයේ (6) කොටුව මහේස්ත්‍රාත් අධිකරණයට කරුණු වාර්තා කළේය.

ඊයේ (6) මධ්‍යම රාත්‍රියේ සිට ක්‍රියාත්මක වන පරිදි ලාෆ්ස් ගෑස් මිල ඉහළ දමා තිබේ.

චීනයේ වාණිජ අමාත්‍යාංශය "සෙවනැලි බලඇණි" භාවිතා කරමින් ඉරාන තෙල් ආනයනය කිරීම සඳහා අවසර දී තිබූ චීන පිරිපහදු පහකට එක්සත් ජනපදය විසින් පනවා තිබූ සීමාවන් මැයි 2 වන දින සිට අභියෝගයට ලක් කිරීමට පියවර ගෙන තිබේ.

අධිබලැති යතුරු පැදි 11ක් ඇතුළු යතුරුපැදි 21ක් නීති විරෝධීව මෙරටට ගෙන්වූ බවට චෝදනා එල්ල වූ හම්බන්තොට කුරුලු උයනේ හිමිකරු අජිත් ගාල්ලගේ ඇතුළු සැකකරුවන් නිදොස්කොට නිදහස් කරන ලෙස හම්බන්තොට මහෙස්ත්‍රාත් අධිකරණය අද (06) නියම කළේය.

රංග රාජපක්ෂ මහතාගේ මරණය සම්බන්ධයෙන් තමන් සිදුකළ ප්‍රකාශය සාක්ෂි සහිතව ඔප්පු කිරීමට සූදානම් බවත්, ජනාධිපතිවරයා මැයි දින රැළියේදී සිදුකළ ප්‍රකාශ හරහා අධිකරණයට බලපෑම් සිදුව ඇති බවත් පිවිතුරු හෙළ උරුමයේ නායක උදය ගම්මන්පිල මහතා පවසයි.

පොලිස් මාධ්‍ය ප්‍රකාශකවරයා තමන් සිදුකළ ප්‍රකාශයක් සම්බන්ධයෙන් පිවිතුරු හෙළඋරුමයේ නායක උදය ගම්මන්පිල මහතා මාධ්‍ය සාකච්ඡාවක් පවත්වමින් කරුණු දක්වා තිබේ.

සුබසාධක ප්‍රතිලාභ මණ්ඩලය හරහා රු. ලක්ෂ 5,000 කට මදක් අඩු මුදලක් අතිරේක වශයෙන් ගෙවීමක් සිදුවු බවට තොරතුරු වාර්තා වන බව Free Lawyers සංවිධානය නිවේදනයක් නිකුත් කරමින් සඳහන් කරයි.

දූෂණ චෝදනාවක් සම්බන්ධයෙන් හිටපු බලශක්ති අමාත්‍ය කුමාර ජයකොඩි මහතාට එරෙහිව අල්ලස් කොමිසම විසින් ගොනුකර තිබෙන නඩුවේ විභාගය ජූනි මස 17 වෙනිදා පැවැත්වීමට කොළඹ මහාධිකරණය නියම කළේය.